ಇಲ್ಲಾವೊನಡ್, ಬೊಕ್ಕೊ ಪನೊಲಿ ಪಂಡ್ದ್ ಸರಿ ಪೊರ್ತುಗಾತ್ ಕಾತೆರ್, ಪೊರ್ತು ಬತ್ತ್ಂಡ್. ಎನ್ನ ಮಗೆ ಜತ್ತು ಎನ್ನ ಪಾತೆರೊಗು ಒಪ್ಪಂದೆ ಇಪ್ಪಾಯೆ ಪನ್ನಿ ನಂಬಿಗೆಡೇ ಆಯನ ಮುಟ್ಟ ಬತ್ತೆರ್, ಕರಿನ ದಿನೊಕುಲು ಬರುಪುನ ದಿನೊಕುಲು, ಕರಿ ಸುಖ ದುಕ್ಕೊ. ಬರಿಯರ ಇನ ಸುಖ ದುಕೊ ಉಂದೆತ ಮಟ್ಟಿಗೆ ಗಂಟೆಗಟ್ಟಲೆ ಅಮ್ಮ ಮಗಟ ತನ್ನ ಬೇನೆನ್ ಪಂಡೆರ್. ಅಮ್ಮನ ಪಾತೆರೊ ಮುಗಿಯೋಂದ್ ಬಂಡ್ ಕಡೆತ ಪಾತೆರೊ ಎಂಕುಲು ಮಲ್ಪುನಾತು ಮಾತ ನಿನ್ನ ಎಡ್ಡೆಗ್ ಬೋಡಾತ್ ಜತ್ತು. ನಾವೂರುಗು ಪೋಯರ ಒತ್ತೋಣು, ಅವುಲು ಎಡ್ಡೆ ಆಲ ಪಂಡ್ದ್ ಕಣರ್ನ್ ಸೀರದ ಸೆರಂಗ್ ಒರೆಸೋಂದು ಲಕ್ಕಿಯೆರ್. ಅಪ್ಪೆನ ಕಣನೀ ಬೆರೆಯ ಪಾತೆರೊ ರೈಕುಲೆನ ತಿಗಲೆಗ್ ತಟ್ಟೋಂಡಾ ದಾನ್ನೋ? “ಆವು ಅಮ್ಮ ಒತೊಂಡೆ ಪಂಡೆರ್, ಮನದಾನಿಯೆ ವಾರೊ, ಗಳಿಗೆ ತೂತಾಂಡ್, ನಿಘಂಟ್ ಮಲ್ಲಿ ದಿನೊತ್ತಾನಿ ಮೂಜಿ ತಿಂಗೊಳುಗಾಪಿ ಮನವಾರ್ತೆದ ಸಾಮಾನ್ ದೆತೊಂದು ರೈಕುಲು ನಾವೂರು ಸುಳ್ಳೋಡಿ ಸೇರೆ ರುಕ್ಕಿಣಿಯಮ್ಮನ ಪ್ರೀತಿದ ಒತ್ತಾಯೊ, ರೈಲೆನ್ ನಾವೂರು ಸೇರಾಂಡ್, ಆಂಡ ರೈಕುಲೆನ ಮನಸ್ಗ್ ಆ ಕಾಡ ಕೊಂಪೆ ಪತ್ತೊಂಡ, ಆರ್ನ ಮನಸ್ ಪನ್ನುಂಡು 'ಎನ್ನಕುಲೆಗ್ ಏನ್ ದಾದ ಅನ್ಯಾಯೊ ಮಲ್ಪೆ, ಎನ್ನಾತೆಗ್ ಏನ್ ಬಡ್ಕೊಂದಿತ್ತೆ. ಎಲ್ಲೆದ ದಿನದ ಲೆಕ್ಕಾಚಾರೊ ಪಾಡ್ ಇನಿ ಎನಾನ್ ಬಷ್ಕಂದಿಲೆಕ್ಕೊ ಮರತ್ತ. ಈ ಕಾಡ್ಡೆಂಚ ಬದ್ಕೊಲಿ, ಸಿದ್ಧಪ್ಪನ ಒತ್ತಾಯ, ತಮ್ಮಲೆನ ಆಜ್ಞೆ ಒವುಲಾ ಮೀರಂದಿನವು. ಎಂಚನೆ ಆವಡ್. ನನೊದ ದಿನೊ ಎನ್ನ ಬದ್ ಮೂಲೆ, ಆಯಿಕ್ ಹೊಂದಾಣಿಕೆ ಮತ್ತೊಂಡಂಡ ಏನ್ ಬಿರ್ಸೆ ಪಂಡ್ದ್ ಸಮಾದಾನೊಲ ಮತ್ತೊಂಡೆರ್. ಈ ಊರುಡು ಆರ್ನ ಸುಖ ದುಃಖನು ಕೇನಿಯರ ಜನೋ ಇದ್ವಿ. ಆಂಡ ಪಡೀಲ್ ಬೂರ ನೂದು ಎಕ್ರೆ ಮಿಶ್ರದ ಬೂಮಿ ಉಂಡು. ನೂತ್ತ ಒಂಜಿ ಪುದಾರ್ದ ಪುಂಡೆಲ್ಲ್ ಉಂಡು, ತರೆ ದದ್ ಉಂತುನ ಕುದುರೆ ಮುಕೊ ಉಂಡು, ಸುತ್ತು ಕಾಡುಂಡು, ಪಿಲಿ, ಪಂಜಿ, ಆನೆ, ಕಡಮ್ಮ, ಕರಡಿ ಪಂಡ್ದ್ ನೂತೊಂಜಿ ಪುದಾರ್ದ ಪ್ರಾಣಿ ಉಂಡು, ಮೈರ್, ಕೇಂಕಣ್, ಗಿಳಿ, ಕೋಗಿಲೆ, ಕುಟುರುಕ್ಕಿ, ಕಾಜಾಣೆ ಪಂಡ್ದ್ ಸಾವಿರ ನಮೂನೆದ ಪಕ್ಕಿ ಉಂಡು, ವಿಮೊ ದಿಂಜಿ ಉಚ್ಚುಲು, ನೆತ್ತೆರ್ ಪರ್ಪುನ ಉಂಬುರು, ಉಮಿಲಿಳ್ ಉಂದು ಮಾತ್ರ ಇನಿ ರೈಕ್ಕುನವಾಂಡ್, ಒಯಿಲಾ ಆ ಬೋಡ್ಡಿ ಪನ್ನಿಲೆಕ್ಕೊ ಇಜ್ಜಿ. ದೂರೊ ಮಲ್ವಿಯಾರೆಲ ಸಾದ್ರೂ ಇಜ್ಜಿ. ನಾವೂರುಡು ರೈಕುಳೆಗ್ ಪಂಡ್ದ್ ಕಾತೊಂದಿತ್ತಿನ ಮುಳಿತ್ತ ಇಲ್ಡ್. ಅಂಚಿಡ್ದ್ ಇಲ್ಲೋಲಾ ಅತ್ತ್ ಇಂಚಿಡ್ಜ್ ಕೊಟ್ಟಲಾ ಆತ್ತ್ ಪನ್ಸಿ ರೀತಿದವು. ಇತ್ತ ರೈಕುಲೆಗ್ ಆ ಇಲ್ಲೇ ಅರಮನೆ, ವಿಪರೀತ ಚಳಿ ಈ ಜಾಗಡ್ ಈ ಇಲ್ಡ್ ಬದುಕುನ ಪಾಲೊನು ಕೆದಂಬಾಡಿ ಜತ್ತಪ್ಪ ರೈ 21
