ಕಣ್ಣ ದೃಷ್ಟಿ ಉಂದುವೇ ರೀತಿದನೋ ದಾನ್ನೊ. ಇತ್ತೆ ರುಕ್ಷ್ಮಿಣಿಯಮ್ಮಗ್ ಕಂಡನಿ ಶೇಕರೆಡ ಜತ್ತು ಇಲ್ಲಡೆಗ್ ಬತ್ತಿನ ಸುದ್ದಿ ತೆರಿಪ್ಪಾವೊಡಾಂಡ್. ಅಯಿತೊಟ್ಟಿಗೆ ಆಯ್ಕೆ ಕೊನತ್ತಿನ ಮಾಸೊದ ಕಜಿಪುದ ರುಚಿಲಾ ಮುಟ್ಟಾವೊಡು, ಒಂತೆ ಪೊರ್ತು ಕರೀಂಡ್. ಶಕೆರ್ ಬತ್ತೆರ್, ರಡ್ಜ್ ಕೆಲಸೊಳ ಆಂಡ್, ಅಪ್ಪೆನ ಈ ಬೊಮ್ಮನೊದ ಗುಟ್ಟೆ ಬೇತೆ, ತನ್ನ ಕಂಡನಿಯಗ್ ಜತ್ತುನ ಮಿತ್ ವಿಪರೀತ ಕೋಪೊ ಉಂಡು. ಕಾಲೇಜ್ಗ್ ಒಂತೆ ದಿನ ಹಾಜ್ ಪಾಡ್ಜ್ ಪರೀಕ್ಷೆದ ಫೀಸ್ ಕಟ್ಟಿದುವೆಂದ ಇನಿ ಈ 'ಜತ್ತು' ವಿದ್ವಾನ್ ಜತ್ತು ಆತುವೆ. ಆಂಡ ಆಯೆ ಇನಿ ದಾನೆ ಆಯ್ - ವಿದ್ವಾನ್ ಗತ್ತ್ ಇದ್ಯಂದಿನ ಬಜ್ಜಿ ಜತ್ತುವೇ ಆಯೆ. ಅಯಿಕ್ ಕ್ಷಮೆ ಉಂಡಾ? ಇನಿತ್ತ ಪೊರ್ತು ಆರೆಗ್ ಮಾಮಲ್ಲ ಉಭಯ ಸಂಕಟೊದ ಪೊರ್ತು. ಏನ್ ಇನಿ ಜತ್ತುನ ಸಕಲ ಸದ್ಗುಣೋಲೆನ್ಲಾ ಬುಡೆದಿ ರುಕ್ಷ್ಮಿಣಿಗಾತ್ ಒತ್ತೊನೊಡಾತೆ? ಆಲ್ನ ಅಪ್ಪೆ ಕಳ್ ಇತ್ತಿ ಆನ್ಜೋಕುಲೆ ಒಟ್ಟಿಗೇ ಆಯನ್ಾ ಮಗಂದ್ ಒತ್ತೊಂದಾತ್ಂಡ್. ಆ ಬಂದುತ್ತೊನು ಕಡಿಪ್ಪಿಯರೆ ಎನಡ್ದ್ ಬಲ್ಲಿ. ಎಂಕ್ಲಾ ತಿಗಲೆ ಉಂಡು, ಕಣ್ ಉಂಡು. ತಿಗಲೆಡ್ ಜತ್ತುನ ಮಿತ್ತೆ ಪ್ರೀತಿ ಉಂಡು, ಜತ್ತು ಇಂಚಾಯ್ ಅತ್ತ ಪಂಡ್ದ್ ಕಣ್ಣಿಡ್ ಒಂಜಿ ತೊಟ್ಟು ಕಣನೀ ಬರುಂಡು. ಆಯ್ಕೆ ಎಡ್ಡೆ ಆವಡ್ ಪಂಡ್ದ್ ಆಸೆ ಉಂಡು, ದೇವೆರೆನ್ ನಂಬುದು ಜತ್ತು ಎಡ್ಡೆ ಆವಡ್ದ್ ಭಾವೆ ಡಾ. ರೈಕುಳು ಒಪ್ಪಿಸಾಯಿನ ಕೆಲಸೊ ಮಲ್ಲುವೆ ಪಂಡ್ದ್ ಎನ್ನಿಯರ್. ರಾತ್ರಿ ಆಂಡ್, ಜತ್ತುನು ಉದ್ಘಾದ್ ಜೆಪ್ಪಾಯೆರ್. ಬೊಕ್ಕೊ ಕಂಡನೆ, ಬುಡೆದಿ ಜತ್ತುನ ಎಲ್ಲೆದ ದಿನೊತ ವಿಷಯೊನೇ ಪಾತೆರ್ಯರ್ ರುಕ್ಷ್ಮಿಣಿಯಮ್ಮ ಶೇಕೆರೆಡ ಪಂಡ “ಜತ್ತುನು ಎಲ್ಲೆನೋ ಎಲ್ಲಂಜಿಯೋ ನಾವೂರುಗು ಪೋಯರ ಏನ್ ಒಪ್ಪಿಸಾವೆ. ಆ ಮಣ್ಣಿಡ್ ಆಯೆ ಬೆನಾಡ್, ಎಡ್ಡ ಬೆನ್ಯಾಲೆ ಆಪೆ. ಆಂಡ ಆಯಗ್ ಕರ್ಚಿಗ್ ಕೈಟ್ ಕಾಸ್ ಕೊರೊಡು. ಆಯನ ಬೆರಿಸಾಯೊಗು ಉಂತೊಡು, ಆ ಕೆಲಸೊ ನಮ್ಮವು. ನಾವೂರುಗು ಪೋನಗ ಆಯೆ ಬಜಿ ಕೈಟ್ ಪೋಪುನ ಬೋಡ್ಡಿ, ಈರ ಅಷ್ಟೊಡಿತ್ತಿನ ಕಳುವ ತೋಟೆತ ಬೆಡಿ, ಬೋಡಿತ್ತಿನಾತ್ ತೋಟೆ ಕೊರ್ಲೆ, ಕಾರ್ ಮುರ್ಗೊಲೆನ್ ಗಿಡರುನ, ಕೆರುಪ್ಪುನ ಶಕ್ತಿ ಆಯಡ ಉಂಡು, ಅಯಿಕ್ ಆಯೆ ಪೋಡಿಯಾಯೆ' ರುಕ್ಕಿಣಿಯಮ್ಮನ ಪ್ರತೀ ಪಾತೆರೊ ಶೇಕೆರೆಗ್ ಒಪ್ಪಿತೊ ಆಂಡ್, ಜತ್ತುನು ಒಪ್ಪಾವುನ ಭಾರೊ ರುಕ್ಷ್ಮಿಣಿಯಮ್ಮಗ. ಅವು ಆಲೆಗ್ ಬುಡುನಾವು, ಇತ್ತ ರೈಕುಲೆ ಮುಟ್ಟ ಬರ, ಅಮ್ಮ ಎನನ್ ಬೆಳ್ಳಾರೆಗ್ ಬರಿಯರ ಪಂಡೆರ್. ಏನ್ ಬತ್ತೆ. ದಾಯೆ ಪಂಡ್ ಗೊತ್ತಿಜ್ಜಿ, ಎಂಕು ಪಣಂಬೂರುಗು ಪೋಯಿ ಕತೆ ಆಂಡು ಪಂಡ್ದ್ ಆಲೋಚನೆಡ್ ಬೂರ್ಯ. ರುಕ್ಕಿಣಿಯಮ್ಮಗ್ ಅಮಸರೊ ಇದ್ದಿ. ದೂರೊಡ್ಡು ಬತ್ತಿನ ಮಗೆ ಒಂತೆ ಬಟ್ಟೆಲ್ ಕೆದಂಬಾಡಿ ಜತ್ತಪ್ಪ ರೈ 120
