ಆರ್ ದಾನ ಆತಿತ್ತೆರ್ ಅವು ತೆರಿಯೊನೊಡು ದಾಯೆಗ್ಲಾ ಆವಂದಿನಾಯೆ' ಅಮ್ಮ ದಾಸರೈಲೆಗ್ ಈ ಮಗ ನಿಂಗಿಯರೆಲಾ ಆವಂದಿನ, ಉಬಿಯರೆಲ್ಲಾ ಆವಂದಿನ ಮಗೆ, ಬೋಂಟೆ ಬದ್ನ್ ಕಾಪುಜಿ, ಈ ಎಲ್ಯ ಪ್ರಾಯೊದ ಜವ್ವನೆ ನನೊಲಾ ಮಸ್ತ್ ವರ್ಸೊ ಬದುನಾಯೆ. ಬದ್ರೆ ದಾನೆ ಮಲ್ಪೆ? ಉಂದು ಆರ ಆಲೋಚನ. ಈ ಆಲೋಚನನೆ ಆರೆ ಕರ್ಳನ್ ಪಿಂಟಾವೊಂದಿತ್ತ್ಂಡ್, ಪುಟ್ಟಾಯಿನಾಯಗ್ ಇತ್ತ್ನ ಈ ಪ್ರೀತಿ ಸಹಜೊ ಅತ್ತ? ಆಮೆರೆ ಬೆನ್ನಿಗ್ ರೈಲೆಡ್ಜ್ ದಾಲ ಸಾಯೊ ಇದ್ದಿ, ಬೋಂಟೆ ಬೋಂಟೆಂದ್ ಇಲ್ಲಗ್ ಬತ್ತಿ ಕೆಲಸದ ಜವ್ವನೆರೆನ್ಲಾ ಲೆತೋಂದು ಕಾಡ್ಗ್ ಬರುವ ರೈಕುಲೆಗ್ ಅಮೆರನ್ ಉಡಲ್ಡ್ ಕೊದಿಪುನ ಬೆಂಗ್ ಎಂಚಿನವುಂದು ತೆರಿಯುಂಡು, ಆಂಡ ಅವುಲುಲಾ ಆರೆಗ್ ಆರೇ ಸಮಾದಾನೊ ಮತ್ತೊಂದಿತ್ತೆರ್. 'ಮೂಲು ಎನ್ನ ತಪ್ಪು, ದಾಲ ಇದ್ದಿ ಪೂರಾ ಅಮ್ಮೆರೆನನೇ!? ಪುಟ್ಟ ನರಮಾನಿಯಗ್ ಸಾವು ಉಂಡೇ ಉಂಡು. ಓವು ಆರಂಭ್ ಆಂಡ ಅಯಿಕ್ ಅಂತ್ಯೋ ಉಂಡೇ ಉಂಡು. ರೈಕುಲೆನ ಬೋಂಟೆದ ಬಕ್ಗ್ ಅಂತ್ಯದ ದಿನೊಕುಲು ಮುಟ್ಟ ಬತ್ತ್ಂಡ್. ರೈಕುಲೆ ತಮ್ಮಲೆ ಡಾ. ರೈಕುಳು ವಿಲಾಯತಿಡ್ಜ್ ಮದ್ರಾಸ್ಗ್ ಬತ್ತೆ. ಇತ್ತೆ ಪ್ರೀತಿದ ಅರುವತ್ತನ ಸುಖ ದುಃಖದ ವಿಷಯೊ ಡಾ. ರೈಕುಲೆಗ್ ತೆರಿಯೊಡಾಂಡ್. ಊರುಗು ಕಾಕಜಿ ಬರೆಯೆರ್. ಉತ್ತರೊ ಬತ್ತಂಡ್, ಕಾಕಜಿ ಬುತ್ಪಾದ್ ಓದಿಯೆರ್. 'ಜತ್ತು'ನ ವಿಷಯೊನೇ ವಿಷಯೊ ಆಂಡ ಎಡ್ಡೆ ಸುದ್ದಿ ಒಂಜಿಲಾ ಇದ್ದಿ. ಡಾ. ರೈಕುಲೆಗ್ ಮಸ್ತ್ ಬೇಜಾರ್ ಆಂಡ್, 'ಜತ್ತು'ನ ಮಟ್ಟಿಗೆ ನೂದು ಎಷ್ಟೇ ಕನ ಕಟ್ಟೋನಾರ್ ಆರ್. ತನ್ನ ಅರುವ ದಾನದಾನೆನೋ ಆವೊಡುಂದು ಆಸೆ ದೀನಾರ್ ಆರ್. ಆಂಡ ಇತ್ತೆ ಪೂರ್ತಿ ನಿರಾಸೆ. 'ಜತ್ತು ತಿದ್ದಿಯರೆ ಆವಂದಿ ಸಾದಿ ಪತ್ದಿಪ್ಪಾಯೆ' ಪನ್ನುನವು ಆರೆನ ದೂರೊದ ಆಸೆ. ಅವುಲಾ ನಿರಾಸೆ ಆಯರೆ ಬಲ್ಲಿಯತ್ತ. ಈ ಅರುವತ್ತನ್ ಸರಿಸಾದಿಗೆ ಕೊನವೊಡು, ಆಯೆ ಬದ್ಕ್ಡ್ ಸಜ್ಜನೇಂದ್ ಆವೊಡು ಪನ್ನುನ ಪೇರಾಸೆ ಡಾ. ರೈಕುಲೆನ, ರೈಕುಲೆನ ಎಡ್ಡೆ ಗಾತ್ರ ಡಾ. ರೈಕುಳು ದೆತೊನ್ನ ನಿರ್ದಾರೊ ಇಂಚ ಇತ್ತ್ಂಡ್ ಚಿರಂಜೀವಿ ಜತ್ತುಗೆ – ಈ ಕೂಡಲೇ ಬೆಳ್ತಂಗಡಿ ತಾಲೂಕಿನ ನಾವೂರು ಸುಳ್ಯಡಿಯಲ್ಲಿ ತಾನು ಖರೀದಿಸಿರುವ ಭೂಮಿಯ ಉಸ್ತುವಾರಿ ನೋಡಿಕೊಳ್ಳತಕ್ಕದ್ದು. ನಾವೂರು ಸುಳ್ಳೋಡಿ ಬೆಳ್ತಂಗಡಿ ಪೇಂಟೆಸ್ಟ್ ಏಳೆ ಮೈಲ್ ದೂರೊಡಿಪ್ಪುನ ಒಂಜಿ ಕುಗ್ರಾಮ. ಆ ಊರುಗು ಪೋಯರ ಬರ್ಯರ ವಾಹನೊ ಸೌಕರ್ಯೋ ಇಜ್ಜಿ, ನಡತ್ತದೆ ಪೋವೊಡು, ಬರೊಡು, ಕುದುರೆಮುಖತಡಿಟ್ ಗಟ್ಟಿಡುಂತಿನ ಈ ಊರುಡು ಮೈಲ್ಗೊಂಜಿ ಇಲ್ಲ, ಜನೊಕುಲು ಬಾರಿ ಕಮ್ಮಿ ಅಂಚಾದ್ ಇಲ್ಲೆಲ್ಲಾ ಕಮ್ಮಿ. 3' ಕೆದಂಬಾಡಿ ಜತ್ತಪ್ಪ ರೈ /18
