ಕಾಪಿ, ಒಣಸ್ಗ್ ತತ್ವಾರೊ, ದಾನೆ ಮಲ್ಪುನೆ? ಪಿಲಿಮಜಲ್ ಬರೋಡ್ಡಿಂದ್ ಪನ್ನುಜಿ. ಅಲ್ಪ ಸಿದಪ್ಪ ಸುಂದರಿಯಮ್ಮ ಉಲ್ಲೆರ್, ಅಮ್ಮೆರ್ ದಾಸರಲ್ ಉಲ್ಲೆರ್, ರೈಟ್, ಪಿಲಿಮಜಲ್ಗ್ ಪೋಪುನ ಬಸ್ ಬಾಂಡ್. ಅಮೆರೆಗ್ ಪೋಡಿತ್ ಪೋಡಿದ್ ರೈಕುಲೆನ ಪ್ರವೇಸೊ ಪಿಲಿಮಜಲ್ಗಾಂಡ್. ಆಂಡ ಅಪ್ಪನ ಮನಸ್ಸೇ ಬೇತೆ ಅತ್ತೆ? ಈ ಜವ್ವನ ಬಾಲೆಗ್ ಕಾಪಿ ಒನಸ್ ಅತ್ತಂದ ಕಂಡನಿಯಗ್ ತೆರಿಯಂದಿರಕ್ಕೂ ಪನಿ ಪನೀತ್ ದುಡ್ಡುಲಾ ಕೊರೊಂದಿತ್ತೆರ್. ಶಾಲೆ ಬುಡ್ದ್ ಬತ್ತಿನ ಈ ಕಂಡು ಮಗನ ವಿಷಯೊ ದಾಸರೈಲೆಗ್ ತೆರಿಯಂದಿನ ಅತ್ತ್. ಆಂಡಲಾ ತೆರಿದ್ಲಾ ತೆರಿಯಂದಿಲೆಕೋನೆ ಕುಲ್ದಿತ್ತೆರ್, ದಾಯೆ ಪಂಡ ಅಷ್ಟೆ. ಇಜ್ಯಂದಿ ಪರಕ್ಕೋಳಿ ಬಾಲೇಂಡ್' ಪಂಡ್ದ್, ಆಯನಾಯನ ಮುಂಡೊಟು ವಿದಿ ಬರೆಯಿನ ಬರವುನು ಮಾಜಾವುನ ಸಕ್ತಿ ನಮಡ ಉಂಡ? ಪಿಲಿಮಜಲು ದಾಸರೈಲಿನ ಸಮ್ಮಲೆ ಮುಂಡ್ರಾಡಿ ಪಠೇಲ್ ಕೊರಗಪ್ಪ, ರೈಲ್. ರೈಕುಲು ಆರೆಗ್ಲಾ ಪುಲ್ಲಿ, ಬಜಿ ಪುಲ್ಲಿಯ ಕೊಂಡಾಟೊದ ಪುಲ್ಲಿ, 'ಪೋಕ್ರಿ ಬಾಲೆನ್ ಆರೈಸುನಾತ್ ಪೆದ್ದ ಬಾಲೆನ್ ಆರೈಸುವರಾ?' ಬ್ರಿಟೀಷರ ಆಳ್ವಿಕೆದ ದಿನೊಕುಲು ಅವು. ಅಪರೂಪೊಡು ಸಾವಿರೊಡೊರಿಯ ಬೆಡಿ ಪತ್ತಿಯೆರೆ ಲೈಸನ್ಸ್ ತಿಕ್ಕುನ ದಿನೊ, ಪಠೇಲ್ ಕೊರಗಪ್ಪ ರೈಲ್ ಜೆಡಿ ಪತ್ತುವ ಲೈಸನ್ಸ್ ಪಡೆಯಿನ ಘನಂದಾರಿ ಜನೋ, ಪಠೇಲ್ ಕೊರಗಪ್ಪ ರೈಲ್ ಎಡ್ಡೆ ಬೋಂಟೆಗಾರೆ, ಬಂಟ್ರೆ ಸಮಾಜೊಡೆ ಪುದಾರ್ ದತ್ತಿನ ಒಂಜಿ ಮಾಮಲ್ಲ ಗುರ್ಕಾರ, ಇನಿ ಮಾತೆಲ್ಲಾ ಇನ್ಸ್ದ್ ತನ ಬುದ್ದಿಷ್ಟಾದ್ ಏರ್ಾ ಇದ್ಯಂದಿಲೆಕೊ ಆಯಿನ ರೈಕುಲೆಗ್ ಅಜ್ಜನ ಬೆರಿಸಾಯೊ ಬೋಡಾಂಡ್. ಎಲೆ ಇಪ್ಪುನಗೆ ಶಾಲೆಗ್ ಪೋನಗ ಇಡೆ ಇಡೆಟ್ಸ್ ಅಮ್ಮರ ಇಲ್ಲಗ್ ರೈಕುಲು ಪೊವೊಂದಿತ್ತೆರ್. ಕುತ್ತ ಕುಟ್ಟುದ್, ಉಂಡುದ್, ಜೆತ್ ನಿದೆರುನ ಜಾತಿ ರೈಕುಲೆನವು ಅತ್ತ್. ದಾನೇ ಆಂಡಲ ಪೀಕಲಾಟ ಮಲ್ಲೊಂದು ಇನ್ನೊಡು. ಎದ್ದೆನೋ, ಹಾಳೂ ತೂಪುನಾಯೆನ ಪನೊಡು, ಪುರುಸೋತುಡು ಇಲ್ಲಡೆ ಇತ್ತನ ಕಳುವ ಬೆಡಿನ್ ಪತೊಂದು ಕಾಡ್ಗ್ ಪೋದು ಶಿಸ್ಟ್ ತೂದು ನೋಟೊ ದೀದ್ ಒಂಜಿ ರಸ್ಟ್ ಕೇಂಕ, ಮೇರ್, ಪುದಕ್ಟ್ ಲೆನ್ ಪೊಡಿ ಕಟ್ಟಾದ್ ಬೋಂಟೆದ ಬದ್ಕ್ಗ್ ಶ್ರೀನಾಮ, ಓನಾಮ ದುಂಬೇ ಪಾಡೊಂದ ಇತ್ತೆ 'ಮಾತ ಬುಡಿಯೆ ಬಂಗಿ ನಡಿಯೆ' ಪುನ ಸ್ಥಿತಿ ರೈಕುಲೆನ ಓದು ಬರವುಗು ಮಂಗಳಾರತಿಯಾತ್ಂಡ್. ಕೈತಲ್ದಕುಲೆಡ್ದ್ ದೂರೊ ಆತ್ ಅಂಡ್, ಬತ್ತ್ ಬತ್ತ್ದ್ ಆಜ್ಞೆ ಪಟ್ಲರೆನ ಪುಗೆಲ್ಗ್ ಬತ್ತ್ದ್ ಕುಲ್ಲು ದಾಂಡ್. ನನೊದ ವಿಷಯೊ ಬುಡಿ ಆರ ರೈಸಟಿಗೆ, ಅಜ್ಜನ ಬೇಡಿ, ಕೇಂಡ್ಂಡ ಕೊರಯೆರ್ ಪಂಡ್ದ್ ಕೇನಂದೆನೆ ದೆರ್ತದ್ ಪುಗೆಲ್ಗ್ ದೀತ್ ಕಾಡ್ಗ್ ರೈಕುಲು ಪೊಯೆರ್ಂಡ ಬರನೆ ಬಯ್ಯಗೆ, ಸುರು ಸುರುಡು ಕೆದಂಬಾಡಿ ಜತ್ತಪ್ಪ ರೈ / 16
