ರೈಕುಲು ಪಾಸಾಯೆರ್, ಪೆರಡಾಲ ಸಂಸ್ಕೃತ ಕಾಲೇಜ್ಗ್ ರೈಕುಲು ಸೇರಾಂಡ್. ಬಯ್ಯದ ಪೊರ್ತು, ಸಾಲೆ ಬುಡ್ದ್ ಬತ್ತ್ನ ರೈಕುಲು ನೇಲಮ್ಮ ವೈದ್ಯ ಶೆಟ್ರಿಗ್ ಮರ್ದ್ ಕುಟ್ಟಿಯೆರ್, ಆಸವ, ಅರಿಷ್ಟ, ಲೇಹ್ಯ, ಚೋಷ್ಯ, ಮೃತ, ಮಾತ್ರೆ ಪಂಚಿತ್ತಿ ಮರ್ದ್ನ ತಯಾರಿಕೆಡ್ ಸಾಯೊ ಕೊರೊಂದಿತ್ತೆರ್. ಇಲ್ಲಲ್ ದಿನ ನಿತ್ಯ ನಡತೊಂದಿತ್ತಿನ ಕಾವ್ಯವಾಚನ, ಹರಿಕತೆ, ತಾಳಮದ್ದಳೆಡ್ ಆರೆ ಆಸಕ್ತಿ ವಿಪರೀತೋ, ರಜೆ, ದಿನೊಟ್ಟು ನೇಲ್ಯಮ್ಮರೆನೊಟ್ಟಿಗೆ ಕಂಪೌಂಡರ್ ಕೆಲಸೊಲ ಮತ್ತೊಂದಿತ್ತೆರ್. ಇಲ್ಲದ ಬೇಲೆಡ್ ರೈಕುಲೆಡ್ ತಿಕ್ಕೊಂದಿತ್ತಿನ ಸಾಯ, ಆಸಕ್ತಿ ಅರೆಗ್ ಇಲ್ಲದಕ್ಲೆಡ್ ಎಡ್ಡೆ ಸರ್ಟಿಫಿಕೇಟ್ ತಿಕ್ಕಿ ಲೆಕ್ಕೊ ಮಲ್ತ್ಂಡ್. ಅಯಿಟ್ ಇಂಚ ಬರೆದಿತ್ತ್ಂಡಾ ದಾನ್ನೊ ಆಣನ ಮನಸ್ಸೇ ಮತ್ತೆ ಬುದ್ದಿ ಮಾತ್ರೆ ಹಾಳ್, ಕುಂಬಳೆದ ಬದ್ಕ್ ಏತೇ ಗಮ್ಮತ್ದವೇ ಆವಡ್, ರೈಕುಲೆಗ್ ಪುತ್ತೂರುದ ಬದ್ಕ್ ಮದಪ್ಪಿಯರೆ ಆಪುಜಿ, ಅಯಿಕ್ಕೊಂಜಿ ಚೇತನೇ ಬರಮ್ಮು, ಗತ್ ಇತ್ತ್ಂಡ್, ಒನಸ್ ಕೌರವರೆನವುಲು ಮನಸ್ ಪಾಂಡವೆರೆನವುಲು ಪತ್ನಿ ಗತಿ ರೈಕುಲೆನವು. ದಾನೆ ಆಂಡಲ ಮಲ್ತ್ದ್ ಈ ಊರು ಬುಡೋಡು, ಪುತ್ತೂರು ಸೇರೊಡು ಪನ್ನುನ ಆಸೆ ಆರವು. ಆ ದಿನ ಬರಡ್ ಪಂಡ್ದ್ ಕಾತೊಂದೇ ಇತ್ತೆರ್. ಕಾಲೊ ನಮನ್ ಕಾಪುಜಿ, ನಮೊ ಅಯಿಟ ಹೊಂದಾಣಿಕೆ ಮಲ್ಲೊನೊಡಾಪುಂಡು. ರೈಕುಲೆನ ವಿದ್ವಾನ್ಗಿರಿತ ಕಡೆತ ವರ್ಸೊ, ಪರೀಕ್ಷೆಗೆ ನನ ಕೆಲವೇ ದಿನ ಉಂಡು, ಪರೀಕ್ಷೆ ಮುಗಿಂಡಾ ಆಂಡ್. ಬೊಕ್ಕೊ ಕೆಲವೇ ದಿನೊಟು ರೈಕುಲು 'ಕೆದಂಬಾಡಿ ಜತ್ತಪ್ಪ ರೈ ಕನ್ನಡ ವಿದ್ವಾನ್' ಕಂಡಿತೊ. ಆಂಡ ವಿದಿ ಸಂಕಲ್ಸ್ ಬೇತನೇ ಇತ್ತ್ಂಡ? ರೈಕುಲೆನ ಬುದ್ದಿ ತಿರಾವುನ ಸಕ್ತಿ ಅಯಿಕ್ ಇದ್ಯಾ? ಪರೀಕ್ಷೆಗೆ ದುಡ್ಡು ಕಟ್ಟಿಯರೆ ಪಂಡ್ದ್ ನೇಲ್ಯಪ್ಪ. ಒಂತೆ ದುಡ್ಡು ರೈಕುಲೆನ ಕೈಟ್ ಕೊರಿಯೆರ್. ಆನಿತ ದಿನೊಡು ಅವು ಮಲ್ಲ ದುಷ್ಟೇ. ಗೆತೊನುನ ರೈಕುಲು ದುಡ್ಡುನ್ ಪರೀಕ್ಷೆ ಫೀಸು ಪಂಡ್ದ್ ಕಟ್ಟೆಯೆರಾ? ಇದ್ದಿಯಪ್ಪ ಇದ್ದಿ. ಆನಿ ಮುಟ್ಟ ಉನುಪ್ಪು ಪೇರ್, ನೀರ್ ಕೊರ ಕುಂಬಳೆಗೆ ನೇಲ್ಕರೆಗ್, ನೇಲ್ಯಪ್ಪೆಗ್ ದೂರೊಡ್ಡೆ ಕೈ ಮುಗಿಯೆರ್, ಓಲೋ ದೂರೊಡು ಇತ್ತ್ನ ದೋಸ್ತಿನ್ ತೂಯರ ಬೋಡಾದ್ ಆಯನ ಊರುದ ಬಸ್ಟ್ ಬಡ್ತಿಯೆರ್. ಕುಂಬಳೆದ ನೀರ್ ಮುಗೀಂಡ್, ಅಯಿತೊಟ್ಟಿಗೆ ರೈಕುಲೆನ ಕನ್ನಡ 'ವಿದ್ವಾನ್ಗಿರಿ'ಗ್' ನೀರ್ ಬುಡುದಾಂಡೆ, ದೋಸ್ತಿನ ಇಲ್ಲಲ್ ಏತ್ ದಿನೊ ಉಂತೊಲಿ, ಪಿರ ಪುತ್ತೂರೇ ಕೈ ಬೀಜ್ದ್ ಲೆತ್ತ್ಂಡ್. ಒಂತೆ ದಿನೊ ಪುತ್ತೂರು ಎಷ್ಟೊಂದ್ ತೋಜ್ಂಡ್. ಬೊಕ್ಕೂ ಅವುಲಾ ಬೊಡಿಂಡಾ ದಾನ್ನೊ, ಕಾರಣ ನೇಲ್ಯಪ್ಪ ಕೊರ ಕಾಸ್ ಮುಗಿಯೋಂದ್ ಬತ್ತ್ಂಡ್. ದುಡ್ಡಿಜ್ಜಿ, ಕೆದಂಬಾಡಿ ಜತ್ತಪ್ಪ ರೈ / 15
