ಸತ್ಯದ ತರೆ ಮಿತ್ತೊಡೆ ಸುಳ್ಳುದ ಸವಾರಿನ್ ಗಿಡಪುನ ಕಲೆ ರೈಕುಲೆಗ್ ಎಲೈಟ್ಸ್ ಇತ್ತ್ಂಡ್ಗೆ ತನ ಬದ್ಕ್ ಆ ದಿನೊಕುಲೆನ್ ನೆನೆತ್ ರೈಕುಲೇ ಪನೊಂದಿತ್ತಿನ ಪಾತೆರೊ : ಪೆತ್ತ ಪಾವೂರುಡು, ಕಂಜಿ ನಾವೂರುಡು ಅರ್ಕಂಜಿ ವಾ ಉರುಡೊ ಪೇರ್ ಪರೊಡು ಯಾನ್ ಬಿಡಿ ಕೊರ ಜಾಗೊಡು ಮೂಲಿನಿ ಪಾಣಾಜೆ ಕೆದಂಬಾಡಿಟ್ ಅಂಚಿ ಇಂಚಿಯಾತ್ ಈ 'ಊರು ತಿರುನ' ಜೋಕುಲಾಟಕದ ದಿನೊ ಮುಗಿಂಡ್. ಪ್ರಾಥಮಿಕ ಸಾಲೆದ ವಿದ್ಯಾಬ್ಯಾಸೊ ಮುಗಿ ಬೊಕ್ಕೊ ಹೈಸ್ಕೂಲುಗು ಸೇರಾವುನ ಆಸೆ ಇಲ್ಲಾ ದಕುಲೆನ. ರೈಕುಲೆಗ್ಲಾ ಶಾಲೆ ಬರಾವು ಬೋಡ್ಡಿಂದ್ ಆತ್ಜಿ. ಆಂಡ ಈ ಲೆಕ್ಕೊಡು ಆರ್ನ ಆಲೋಚನೆ ಬೇತನೇ ರೀತಿದ. ಏನ್ ಶಾಲೆದ ಮಟ್ಟಿಗ್ ಎಂಕ್ ಬೋಡು ಪನ್ನಿನ ಒತ್ತಾಸೆಕೊರಿಯೆಂದಾಡ ಬೊಕ್ಕೊ ಎಂಕ್ ತಿಕ್ಕುನ ವಿಸೇಸ ಸವಲತ್ ಕಡಿಮೆ ಆವುಂದ್ ಪಂಡ್ ದಿತ್ತ್ಂಡ್. ಮಲ್ಲ ಶಾಲೆಗ್ ಪೋಯರ ಬಯಕ್ಕಂದ್ನ ನಾಟಕೊ ಗೊಬ್ಬುನ ಈ ಬಾಲೆಗ್ ಇತ್ತೆ ಇಲ್ಲದಕುಲೇ ಡೊಗ್ಗು ಸಲಾಮು ಪಾಡೊಡಾಂಡ್, ರೈಕುಲು ಪಂಡ್ನ ಬೋಡು - ಬೊಡ್ಡಾಂದಿನ ಮಲ್ಲ ಪಟ್ಟಿಗೆ ಒಪ್ಪಿಗೆದ ದರ್ಕಾಸ್ ಪಾಡೊಡಾಂಡ್. ಬುಕ್ಕೊದ ಸಾದಿ ಸಲೀಸ್. ರೈಕುಲೆನ್ ಪುತ್ತೂರು ಬೋರ್ಡು ಹೈಸ್ಕೂಲುಡು ಆಜನೇ ಕ್ಲಾಸ್ಗ್ ಸೇರಿಸಾಯೆರ್. ಆಂಡಲಾ ಅಪ್ಪೆಗ್ ನಂಬಿಕೆ ಇಜ್ಜಿ. 'ಈ ಕಂಡು ಗೋನ ಏಪೊ ನುಗೊ, ನಾಯೆರ್ದೊಟ್ಟಿಗೆ ಕಂಡೊ ಲಾಯ್ತಿದ್ ಬಲಿಪುಂಡಾ'ಂದ್. ಇಲ್ಲದಕುಲು ಸಂಸಯೊದ ಮಿತ್ತ್ ಒಂಜಿ ಕಣ್ ರೈಕುಲೆ ಮಿತ್ತ್ ದೀವೊಂದೇ ಇತ್ತೆ, ಇಲ್ಲದಕುಲೆನ ಅದೃಷ್ಟೋಲಾ ತೀರಾ ಪೊಟ್ಟು ಆಲ್ಡ್. ಅವೇ ಸಮಯೊಡು ರೈಕುಲೆನ ಸಮ್ಮಲೆ ಡಾ. ಕೆ. ಮಂಜುನಾಥ ರೈಕುಲು ಪುತ್ತೂರು ಸರ್ಕಾರಿ ಆಸ್ಪತ್ರೆದ ಡಾಕ್ಟರ್ ಆದಿತ್ತೆರ್. ಆರೆಗ್ ಸರ್ಕಾರೂ ಕೊರಿ ಇಲ್ಲೆ ಈ ಅರುವತ್ತಗ್ ಅರಮನೆ ಆಂಡ್. ಸಾಲೆಲಾ ಇಲ್ಲಗ್ ಕಯಿತಲ್, ಓದು ಬರವುಡು ಪ್ರೀತಿ ಇತ್ತಿನಕುಲೆಗ್ ಎಡ್ಡೆನೆ ಅತ್ತೆ? ಈ ಪೋಕ್ರಿ ಬಾಲೆನ್ ಗೂಂಟೊ ತಾದ್ ಬಲ್ಡ್ಡ್ ಕಟ್ಸ್ ಪಾಡಿರೆ ಜಾಗೆ ಎಡ್ಡೆಂತಿನಾವುಂದ್ ಪಂಡ್ದ್ ಹಿರಿಯಾಕುಲೆ ಮನಸ್ ಬೊಲ್ಲುಡ್ಡು ಬಯ್ಯ ಮುಟ್ಟ ಬಾಲೆಗ್ ಸಾಲೆ, ಬಯದ ಪೊರ್ತು ಮಾಮನ್ನನೊಟ್ಟಿಗೆ ಕೇರಂ, ಬಾಲ್ ಬ್ಯಾಡ್ಮಿಂಟನ್ ಗೊಬ್ಬು, ಪೊರ್ತು ಪೋಯಿನಾನೆ ಗೊತ್ತಾಪುಜಿ ರೈಕುಲು ಗೊಬ್ಬುನ ಗೊಬ್ಬುಟು ತೋಜುಪಾವುನ ಚುರುಕುತನ, ಉಲ್ಲಾಸತನ ದುಂಬುದ ಬದ್ಕ್ಡ್ ತೋಜಿಪಾಯೆರ್ಂಡ ಆ ದಾನಕ್ಕೂ ದಾನೆಲಾ ಆವರ್ ಪಂಡ್ದ್ ಸಮ್ಮಲೆ ಎನ್ನಿಯೆರ್. ಅಂದ್ ಆರ್ ಎನ್ನಿನವು ಸತ್ಕನೇ ಆಂಡ್, ರೈಕುಲು ದಾನನೋ ಕೆದಂಬಾಡಿ ಜತ್ತಪ್ಪ ರೈ / 12
