ರೈಕುಲೆನ ಅಜ್ಞೆ ಪಂಡ ಅಪ್ಪೆನ ಅಮ್ಮೆ ಪನ್ನೆಗುತ್ತು ಜತ್ತಪ್ರಾಲ್, ಬ್ರಿಟೀಷರ ಆಡಳೆದ ಸಮಯೊಡು ಮುಪ್ಪ ವರ್ಷ ಪುತ್ತೂರು ತಾಲೂಕುದ ಸಬ್ ರಿಜಿಸ್ಟ್ರಾರ್ ಪಂಚಿ ಘನಂಧಾರಿ ಸರ್ಕಾರಿ ಕೆಲ್ಲೊಡು ಇತ್ತಿನಾರ್, ಪನ್ಸನಾಯಿ ಬೊಕ್ಕೊ ಬೆಳ್ಳಾರೆದ ಬೆಂಚ್ ಕೋರ್ಟು (ಬ್ರೇಂಚ್ ಕೋರ್ಟು)ದ ತೀರ್ಪುದಾರರಾತ್ ಲೆಕ್ಕೊ ಇಜ್ಯಾಂದಿನಾತ್ ನ್ಯಾಯೊಲೆಗ್ ಯೋಗ್ಯ ತೀರ್ಪು ಬರೆಯಿನ ಸಜ್ಜನ ಜನೋ, ಅಜ್ಜಿ ವೆಯಕ್ಕು ಪೊಣುಂಜೊ ಕೆದಂಬಾಡಿ ತರವಾಡ್ ಇಲ್ಲದಾರ್, ಪುದಾರ್ ಪೋಯಿನ ನಾಟಿ ವೈದ್ಯ ಆದ್ ಇತ್ತೆರ್. ಈ ಕಂಡನಿ ಬುಡೆದಿಗ್ ಒರುಂಬೊ ಜನೊ ಜೋಕುಲು. ಏಳ್ ಪೊಣ್ಣು, ರ ಆಣ್, ಮಾತರೆ ಜಿಲ್ಲಾ ಅಣ್ಣಪ್ಪ ರೈಂದ್ ಪನ್ನಿನಾ. ಅನಿತ ದಿನೋಟೆ ಇಂಟ ಮೀಡಿಯಟ್ ಪಾಸಾದಿತ್ತೆರ್. ಸನ್ನಿ ಜ್ವರೂ ಆರೆನ್ ಬಲಿ ದೆತೊಂಡು, ರಡ್ಡನೇ ಮಗ ಡಾ. ಕೆದಂಬಾಡಿ ಮಂಜುನಾಥ ರೈಕುಲು, ಪುದಾರ್ ಪಡೆಯಿನ ಕ್ಯಾನ್ಸರ್ ಪಂಡಿತೆ. ಭಾರತೊದ ಸುರೂದ ರಾಷ್ಟ್ರಪತಿ ಡಾ. ರಾಜೇಂದ್ರ ಪ್ರಸಾದೆರೆಗ್ ಗೌರವಾನ್ವಿತ ಆರೋಗ್ಯ ಸಲಹೆನ್ ಕೊರ್ಪುನ ಯೋಗ್ಯತೆ ಪಡೆದಿತ್ತೆರ್, ಅವುಲಾ ಆತ್ತಂದ ಮದ್ರಾಸು ಮೆಡಿಕಲ್ ಕಾಲೇಜ್ 'ರೇಡಿಯೋಲಜಿ' ಪಾಲ್ದ ಗುರಿಕ್ಕಾರ್ಮ ಉಂಬೆರೆಗ್ ಇತ್ತ್ಂಡ್, ಉಂಬೆ ಕೆದಂಬಾಡಿ ಜತ್ತಪ್ಪ ರೈಕುಲೆನ ಖಾಸಾ 'ಮಾಮಣ್ಣ'. ಒರಿನ ಏಳ್ ಜನ ಪೊಣ್ಣು ಜೋಕುಲೆನ ಕಂಡನಿಯಲ್ಲು ಊರುದ ಪಟ್ಟೇರಾತ್, ಬೆನ್ಯಾಲೆರಾತ್, ತನ್ನ ಊರುದಕುಲೆನ ಸುಖ ದುಃಖಡು ಸರಿ ಸರಿಯಾದ್ ಬೆರೆಯೊಂದು ಜನೊಕುಲೆ ಪ್ರೀತಿ ಪಡೆದಿತ್ತೆರ್ ಪನ್ನುನವು ನೇಲ್ಯ ಸಂಗತಿ. ಶ್ರೀ ರೈಕುಲು ಮುಕುಲೆನ ಬದ್ಕ್ ಇಡೆಟ್ ಪುಟ್ಟಿಯೆರ್. ಅಜ್ಜಿ ಜತ್ತಪ್ರಾಲೆನ ಪುದಾರ್ನ ಉಂಬೆರೆಗ್ ದೀಡಿಯರ್, ರೈಕುಲು 'ಕೆದಂಬಾಡಿ ಜತ್ತಪ್ಪ ರೈ' ಆಯೆರ್. ಅಜ್ಜೆರೆಗ್ ಕುಶಿಯೋ ಕುಶಿ. ಮಗಳ ಬಾಲೆ ಆಣ್, ಅತ್ತಂದೆ ಆಯಿಕ್ ತನ್ನನೇ ಪುದಾರ್, ಅಚ್ಚರೆಗೊಂಜೇ ಆಸೆ, ಬಾಲೆ ಜತ್ತಪ್ಪ ಮಲ್ಲ ಪುದಾರ್ ದೆಪ್ಪೋಡು, ಆಯನ ಪುದಾರ್ದೊಟ್ಟಿಗೆ ಎನ್ನ ಪುದಾರ್ಲ ಬಾನೊದ ಎತ್ತರೊಗು ಏರೊಡು. ಅಜ್ಜೆ ದೇವರ ಪಾದೊ ಸೇರ್ದ್ ಅಜಿಪ್ಟ್ ವರ್ಸೊಡ್ಡು ಬೊಕ್ಕೊ ಪುಳ್ಳಿ ಅಜ್ಜೆರನ ಪುದಾರ್ನ್ ಮುಗ್ಗಾಲ್ ಮೀರ್ ಬಾನೊದ ಮುಟ್ಟ ಮುಟ್ಟಾಗ್ ಮುಟ್ಟಾಯೆರ್. ಅಂಡ ಅಚ್ಚೆ ಬದ್ದಿತ್ತಿನ ದಿನೊಟು ಈ ಪುಲ್ಲಿ ದಾನೆ ಮತ್ತೊಂದಿತ್ತೆರ್. ಅಯಿನ್ ಆ ಅಜ್ಜನ ಬಾಯಿಷ್ಟೇ ಕೇನುಕೊ, ದಾಯೆಗಪ್ಪಾ... ಈ ದರಿದ್ರಗ್ ಎನ್ನ ಪುದಾರ್ ದೀಡಿಯರ್, ಎನ್ನ ಮಾನ ಮರಾದಿನ್ ಮಾತಾ ದತ್ತ. ಅಪ್ಪ, ಇದ್ಯಂದಿ ಪರಕ್ಕೋಳಿ ಬಾಲೆ ಪನ್ನುನ ಯೋಗೊ ರೈಕುಲೆನವು. ಆರೆ ಏಳನೇ ವರುಷೋಡೆ ಅಷ್ಟೆ, ದೇವೆರೆ ಪಾದೊ ಸೇರಿಯೆ, ಅಪ್ಪ, ಇದ್ಯಂದಿ ಈ ಬಾಲೆ ತನ್ನ ಆಜಿ ಜನೊ ಸಿದಪ್ಪಲೆನ ಮಟ್ಟೆಲ್ ಸೇರೊಂಡ, ಮಾತಾ ಈ ಪರಕ್ಕೊಲಿ ಬಾಲೆದ ಕೆದಂಬಾಡಿ ಜತ್ತಪ್ಪ ರೈ 19
