ಪಿರಾಕ್ದ ಕಾಲೊಡು ಪಾತೆರದ ಬದಲ್ಗ್ ಚಿಹ್ನೆ, ಸಂಕೇತ್, ಗುರ್ - ಇಂಚ ಬೇತೆ ಬೇತೆ ರೂಪೊಲೆನ್ ದೆತೊನುನಂಚಿನ ಪ್ರಯತ್ನ ಆಂಡ್. ಈ ಲೆಕ್ಕಂತಿನ ಬರವಣಿಗೆಗ್ Embryo writing ಪಂಡ್ಸ್ ಪುದರ್, ಮೆಲ್ಲನೆ ಈ ಬರವಣಿಗೆ ಚಿತ್ರೋಲೆನ ರೂಪೊಗು ತಿರ್ ಮನಸ್ಸಿದ ಭಾವೊಲೆನ್ ಚಿತ್ರೋಛನ ಮೂಲಕ ಸೂಚಿಸಾವುನ ಚಿತ್ರಲಿಪಿ ಅಥವಾ Pictography ಆದ್ ಬದಲಾಂಡ್, ಉಂದು ಬರವಣಿಗೆದ ಸುರುತ ಹಂತೂ, ಉಂದತ್ತ ಲೆಕ್ಕೊಡು `ಒಂಜಿ ವೃತ್ತೊ ಸೂರನ್ ಸೂಚಿಸಾವೊಲಿ, ನರಮಾನ್ಯನ ಚಿತ್ರೋ ನರಮಾನ್ಯನ್ ಸೂಚಿಸಾವೊಲಿ, ಮರತ್ತ ಚಿತ್ರೋ ಮರನ್ ಸೂಚಿಸಾವೊಲಿ, ಈ ಚಿತ್ರಲಿಪಿ ಭಾವಲಿಪಿಯಾದ್ ಬುಲೆಂಡ್, ಉದಾಹರಣೆಗ್ ವೃತ್ತೂ ಸೂಯಟ್ ಸೂಚಿಸಾವುನ ಒಟ್ಟುಗು ದೊಂಬುನ್ನಾ ಸೂಚಿಸಾವೊಲಿ. ಕಣ್ಡ್ ನೀರ್ ಜಪ್ಪುನ ಮೋರೆದ ಚಿತ್ರೋ ಬೇಜಾರೊನು ಸೂಚಿಸಾವೊಲಿ. ಒಂಜಿ ಅತಂರಾವಸ್ಥೆ ಕರಿತ್ ಧ್ವನಿಲಿಪಿ ಅಥವಾ Phonography ಪುಸ್ಟ್ಂಡ್. ಉಚ್ಚಾರತ ಧ್ವನಿಕ್ಸೆಗ್ ಬರವಣಿಗೆದ ರೂಪೊ ಕೊರಿನ ಪ್ರಯತ್ನ ಉಂದು. ಉಂದೆಟ್ಸ್ Syllabic ಶಬ್ದಾತ್ಮಕ ಬೊಕ್ಕ Alaphabetic- ವರ್ಣಾತ್ಮಕ ಪಂಡ್ದ್ ರಡ್ ವಿಥ್ ಶಬ್ದಾತ್ಮಕೊಡು ಒಂಜೊಂಜಿ ಉಚ್ಚಾರ ಮಸ್ತಿನ ಶಬ್ಲೊಗುಲಾ ಒಂಜೊಂಜಿ ಲಿಪಿ ಸಂಕೇತೊ ಉಪ್ಪುಂಡು, ಮೋನೆದ ಚಿತ್ರೋ ಮೋನೆನ್ ಸಂಕೇತಿಸುವ ಬದಲ್ ಮೋನೆ ಪನ್ಸಿನ ಉಚ್ಚರಿತ ಶಬ್ಧನು ಸಂಕೇತಿಸಾಪುಂಡುಂದಾಂಡ ಅವು ಶಬ್ದಾತ್ಮಕ ಲಿಪಿ. ಒಂಜಿ ಧ್ವನಿಕ್ ಒಂಜಿ ಲಿಪಿ ಸಂಕೇತ್ ಇಂಡ ಅವು ವರ್ಣಾತ್ಮಕ ಲಿಪಿ, ವರ್ಣಾತ್ಮಕ ಲಿಪಿ ಬುಲೆತ್ತ್ ಇತ್ತೆದ ಲಿಪಿಕುಲು ಉಂಡಾತೊ. ಭಾಸೆಗ್ಲಾ ಲಿಪಿಕುಳೆಗ್ಲಾ ಒಂಜಿ ಸಾಮಾಜಿಕ ಒಪ್ಪಂದೊನೆ, ಕಾಲ ದೇಶಲು ಬದಲಾಯಿನಂಚೆನೆ ಒಂಜೇ ಲಿಪಿತ್ತ ಬರವಣಿಗೆಗಟ್ ಕೈವ್ಯತ್ಯಾಸೊಲು ಆಪುಂಡು, ಒರನ ಕೈಬರವು ಒಂಜೊಂಜಿ ರೀತಿ ಇತ್ತ್ದ್ ಅವು ಬೇತೆ ಬೇತೆ ಪರಂಪರೆಲೆಗ್ ಕಾರಣ ಆಪುಂಡು. ಒಂಜೇ ಲಿಪಿಟ್ಸ್ ತೋಜುನ ಉಲಯಿದ ವ್ಯತ್ಯಾಸೊಲು ಎಚ್ಚಾವೊಂದು ಪೋಯಿನಂಚೆನೆ ಅವು ಸ್ವತಂತ್ರ ಲಿಪಿಕುಳಾಪ. ಕನ್ನಡ-ತೆಲುಗು, ತುಳು - ಮಲಯಾಳಂ ಭಾಸೆಲೆನ ಲಿಪಿಕುಳೆನ ಬೆಳವಣಿಗೆಡ್ ಉಂದೆನ್ ಗುರುತಿಸಾವೊಲಿ. ಒಂಜೇ ಭಾಷೆನ್ ಪಾತೆರುನ ಪ್ರದೇಡು ಅಯಿತ್ತ ವಿಸ್ತಾರೊಗು ಅನುಗುಣವಾದ್ ಕೈಬರವುದ ದಿಂಜ ಶೈಲಿಕುಳು ಉಪ್ಪುವ. ಆಂಡ ಆ ಲಿಪಿ ಮುದ್ರಣಗ್ ಅಳವಡಿಸೊಡಾದ್ ಬನ್ನಗ ಒಂಜೇ ರೂಪೊಗ್ ಹೊಂದಿಸಾವೊಡಾದ್ ಬರ್ಪುಂಡು. ಒಂಜೇ ರೂಪೊಗು ಮನ್ನುನ ಕ್ರಿಯೆ ಬೇತೆ ಬೇತೆ ನೆಲೆಕುಲೆಟ್ ಆಪಿನಂಚಿನ ನಿಧಾನಗತಿದ ಕೆಲಸ. ದುಂಬು ಅಧಿಕೃತ ರೂಪೊನು ನಾಡ್ಜ್ ಪತ್ತೊಡು. ಬೊಕ್ಕ ಅಯಿನ್ ಅಳತೆಗೆ ಸರಿಹೊಂದಿಸಾದ್ ಬಾಗು ಬಳಕುಗ್ನೆಟ್ ಸಮತೋಲನ ಮಲ್ಲೊಡು, ಪೊರ್ಲು ಮಲ್ನೋಡು, ಸರಳವಾದ್ ಒತ್ತುಲೆಗ್ಲಾ ಕಾಗುಣಿತೊಲೆಗ್ಲಾ ಒಗ್ಗುನಂಚೆನೆ ರೂಪಿಸಾವೊಡು. - ಇಂಚ ಉಂದು ಮುದ್ರಣ ಯಂತ್ರೋಲೆನ ವಿಕಾಸದೊಟ್ಟುಗು ಆಪಿನ ನಿರಂತರ ಕ್ರಿಯೆ. ಆಂಡ ಮುದ್ರಣ ಯಂತ್ರೋಲು ಬರುನಾಡೆ ಮುಟ್ಟ ಆಂತರಿಕ ಭಿನ್ನತೆಲೆನ್ ಹೆಚ್ಚಾವೊಂದೇ ಬುಳೆಯಿನ ಲಿಪಿ ಸಪ್ರದಾಯೊಲು ಮುದ್ರಣ ಸುರುವಾಯಿನೊಡನೆ ಪ್ರಾದೇಶಿಕ ಭಿನ್ನತೆಲೆನ್ ಕಳೆಯೊಂದು ಏಕರೂಪಿಕ್ಳಾಯೊ. ಕೈ ಬರವುನು ತೂದು ಮುದ್ರಣ ರೂಪೊಲೆನ್ ರೂಪಿಸಾವುನ 84
