ತುಳು ಲಿಪಿ ಕೆಲವು ಟಿಪ್ಪಣಿಲು ಡಾ| ರಾಧಾಕೃಷ್ಣ ಬೆಳ್ಳೂರು ಪಳೆಯುಳಿಕೆಲು ಬೊಕ್ಕ ಪುರಾತತ್ವ ವಸ್ತುಲೆನ ಮಿತ್ತ್ ಬರೆಯಿನಂಚಿನ ಸಂಕೇತೊಲೆ ಆಧಾರೊಡು ಲಿಪಿತ್ತ ಉಗಮದ ಬಗ್ಗೆ ವ್ಯವಸ್ಥಿತವಾಯಿನ ತೀರ್ಮಾನೊಗು ಬತ್ತಿನ ಲಿಪಿಶಾಸ್ತ್ರಜ್ಞೆರ್ ಪನ್ನಿನಂಚೆನೆ ನರಮಾನ್ಯನ ಮಸ್ ಸಂಶೋಧನೆಗೈನ ಪೈಕಿ ಲಿಪಿಲಾ ಒಂಜಿ. ಲೋಕದ ನಾಗರಿಕತೆಲೆನ ಒಟ್ಟೋಟ್ಟಿಗೆ ಬುಲೆಟ್ ಬತ್ತಿನ ಲಿಪಿ ಸಂಪ್ರದಾಯೊಲು ಮಸ್ತ್ ಅವಸ್ಥಾಂತರೊಲೆನ್ ದಾಂಟ್ ಇತ್ತೆದ ರೂಪೊಗು ಬತ್ತ್ದೂ, ಲಿಪಿಕ್ಸನ ಉಗಮತ ಬಗ್ಗೆ ಏತೇತೋ ಕಾಲ್ಪನಿಕ ಕತೆಕುಲು ಇತ್ತ್ಂಡಲಾ ಪಾತೆರಗ್ ಬರವಣಿಗೆದ ಸಾಂಕೇತಿಕ ರೂಪೊ ಕೊಬ್ಬಿನ ಪ್ರಯತ್ನನೇ ಲಿಪಿ ಪುಟ್ಟರೆ ಮೂಲ ಕಾರಣ ಪನೈಟ್ ರಡ್ ಪಾತೆರಿಜ್ಜಿ. ಪಾತೆರದ ಉಚ್ಚಾರೊಲೆಗ್ ಲಿಖಿತ ಸಂಕೇತೊಲೆನ್ ಕೊರಿನವು ಲಿಪಿ, ಒಂಜಿ ಲಿಪಿ ಸಂಕೇತನು ತೂನಗ ಅಯಿನ್ ಉದ್ದೇಶಿಸ್ನಂಚೆನೆ ಉಚ್ಚಾರ ಮಲ್ಪೆರೆ ತೀರುಂಡುಂದಾಂಡ ಬರೆಯಿನಾಯನಲ ಉಚ್ಚಾರ ಮಲ್ತಿನಾಯನಲ ನಡುವೆ ಒಂಜಿ ಒಪ್ಪಂದ ನಿರ್ಮಾಣ ಆಯಿನಂಚೆನೆ. ಈ ಒಪ್ಪಂದ ಒಂಜೇ ಭಾಷೆ ಪಾತೆರುನ ಜನ ಸಮುದಾಯತ ನಡುವೆ ಆನಗ ಆ ಭಾಷೆ ಆ ಲಿಪಿ ಸಂಕೇತೊನು ತನ್ನ ಚಾಕ್ಷುಷ ಸಂವಹನೊಗಾದ್ ದೆತೊನುನ ಹಂತೊಗು ಎತ್ತುದುಪ್ಪುಂಡು, ಅಥವಾ ನಿರ್ದಿಷ್ಟ ಧ್ವನಿ ಸಂಕೇತೊಗು ಆ ಲಿಪಿ ಸಂಕೇತೊಚಾಕ್ಷುಷ ಮಾಧ್ಯಮ ಆಪುಂಡು. ಒಂಜಿ ಲಿಪಿ ಸಂಕೇತೂನು ಒಂಜಿ ಭಾಸೆ ಪಾತೆರುನ ವಾ ಸಮುದಾಯೊ ತನ್ನ ಭಾಸೆ ಟುಪ್ಪಿನಂಚಿನ ನಿರ್ದಿಷ್ಟ ಧ್ವನಿ ಸಂಕೇತೊಗು ಪರಾಯವಾದ್ ಚಾಕ್ಷುಷ ಮಾಧ್ಯಮೊ ಆದ್ ದೆತೊನುಂಡೋ ಅವು ಆ ಭಾಸೆಗ್ ಒಗ್ಗುನಂಚಿನ ಲಿಪಿಯಾದುಪ್ಪುಂಡು. ಆಯಿನೆಡ್ತಾವರ ಲಿಪಿ ಒಷ್ಟೇ ಭಾಸೆತ ಸ್ವತಂತ್ರ ಸೊತ್ ಅತ್ತ್. ಜನ ಸಮುದಾಯೊ ಒತ್ತೊನ್ನ ಭಾಷೆಗ್ ಅಯಿನ್ ದೆತ್ತೊನೊಳಿ. 83 9 ಬಾಸೆಲ್
