ಸಿರಿ ಪಾಡ್ಡನಲೆಡ್ ಮಸ್ತ್ ಇನ್ ಗುತ್ತುಂದು ಗುರ್ತ ಮಲ್ಲಿನೆನ್ ತೂವೊಲಿ. “ಆತನೆ ಪೊರ್ತುಡು ಬಸಲೂರ ಗುತ್ತುಡು ಕೂಡಾನ ಮಂದೆ ಕೂಡು ಪಾಡೊಂದೆರೆ ಕಾಂತು ಪೂಂಜೆರ್” “ನಾರಾಯಿನ ನರುವ ಗುತ್ತುದ ರಂಗೋಜಿ ಸೀನಪ್ಪೆರ್” [Reasea, 148/2205-06] [, 244/4117] “ಸೂಲೂರು ಗುತ್ತುದ ಸಂಕರಾಲ್ವನ ಮಗೆ ಅಣ್ಣು ಸೆಟ್ಟಿ” [, 244/4120] “ಕುಂಟಾಲಡಿ ಗುತ್ತುಡು ಉಲ್ಲೇರೆ ಪುತ್ರಾಡಿ ಬನ್ನಾಕುಲೆ ಬರಿ ಬಾಂದ್ರೆ” " [, 308/5422-23] “ಬೊಟ್ಟು ಬೊಟ್ಟು ಪನ್ಸಿ ಗುತ್ತು ಮಗಾ” [, 328/5815] “ಉಜಮಾರ ಗುತ್ತುಡು ಬಾಮು ಕಿಲ್ಲೆರೆಗ್” [, 442/8073] “ಕಾನೆಬೊಟ್ಟು ಗುತ್ತು ಒರಿದ್‌ಂಡ್‌” [, 714/13336] “ಆವ ಸಮಯೊಡು ಕೊಟ್ರಾಡಿ ಕೊಡರಾಳುವೆರ್” [ಅಮೃತ ಸೋಮೇಶ್ವರ, ಪುಟ 195] “ಗುತ್ತು” ಪನ್ನಿನ ಇಲ್ಲುಲತ್ತಂದೆ ಬರಿಕೆ (ಅಂಗರ ಜಾಲ ಬರಿಕೆ), ಪರಾಡಿ/ಪರಾರಿ (ಕೇಂಜ/ಕೆಲಿಂಜ/ಕೆದಿಂಜ ಪರಾರಿ) ಉಂದೆಕ್‌ಲೆನ ಸಿರಿ ಕಾವೊಲೆಡ್ ತೂವೊಲಿ. ಸಿರಿ ಕಾವೊಲೆಡ್ ತಿಕ್ಕುನ ಗುತ್ತು ಎರಮನೆತ್ತ ವಿವರೊಲು ಸತ್ಯನಾಪುರದ ಎರಮನೆತ್ತ ಆರ್ಯಬನ್ನಾರ್ ತನಕ್ಕೆ ಸಂತಾನ ಇಜ್ಜಂದಿನ ಬೇನೆನ್ ಪನ್ನಗ ಅರೆನ ಎರಮನೆತ್ತ ವಿವರೊಲು ತಿಕ್ಕುವ. “ಸತ್ಯನಾಪುರಂದ ಎರಮನೆದ್ ಎನ ಕಾಲೊಡು ಸಾವಿರ ದಂಡ ಮಡಲ್ ಪಾಡೊಂದಿತ್ತೆ ಇನಿ ಸಾವಿರ ಕೀತ್ ಮಡಲ್ ಪಾಡರ ದಿಕ್ಕ ದೆಸೆ ಇಜ್ಜಿಗೆನ ಎನ ಕಾಲೊಡು ಸಾರ ಕಟ್ಟ ಮುಲಿ ಪಾಡೊಂದಿತ್ತೆ ಇನಿ ಸಾವಿರ ಸೂಡಿ ಮುಲಿ ಪಾಡ್ಯರೆ ದಿಕ್ಕ ದೆಸೆ ಇಜ್ಜಿಂದ್ ಸಿಂತೆಡ್‌ಲಂತಾರ ಪೋಪೆರ್ ಒರಿ ಅಜೆರ್‌ಗೆನ 79 [ರಾಮಕ್ಕ ಮುಗ್ಗೆರ್ತಿ, ಪುಟ 2]
