ಎಂದ್ ಪುದರ್ ಪಡೆದಿನವು. ಅವೆಡ್ ಬೊಕ್ಕ ತುಳುಕೋ ಸ್ತಾನೊ ಉಂಡು ಎನ್ನಿನವು ಹೆಮ್ಮೆಡ್ ಪಡಾಯಿ ಸಂಗತಿ. ತುಳು ಬಾಸೆದ ಬುಳೆಚ್ಚಿಲ್ ಅತ್ತಡ ತುಳು ಸಾಹಿತ್ಯದ ಒಟ್ಟು ಸಂಪೊತ್ತುನು ತೂನಗ ನಂಕ್ ಮಾಮಲ್ಲ ಕಟ್ಟಿ ತಿಕ್ಕಿಜಿಡಲ ನಮ್ಮ ಸಂತೆಸೊಡು ಪನಾತ್ ಸಾಹಿತ್ಯ ಉಂಡೇ ಉಂಡು. ಮುಲ್ಪ ಆದುನಿಕ ಕಾಲೊದ ಸಾಹಿತ್ಯದ ಬಗ್ಗೆ ಅಯಿಟ್ಲಾ ಮುಕ್ಯವಾದ್ ಬಾಸೆಲ್ ಮಿಶನರಿದಕುಲೆನ ತುಳು ಬರವುಲೆನ ಬಗ್ಗೆ ಪಣೋಡೊಂದು ಎನ್ನ ಉದ್ದೇಸೊ, ಬಾಸೆಲ್ ಮಿಶನರಿದಕುಲೆನ ತುಳುಕೆಲಸೊಲೆಡ್ ನಾಲ್ ನಿಲೆಟ್ಸ್ ತೂವೊಲಿ. 1. ದಾರ್ಮಿಕ ಬೂಕುಲೆ ಅನುವಾದ 2. ನಿಗಂಟು, ವ್ಯಾಕರಣ ಸಂಬಂದಿಂಚಿ ಬೂಕುಲೆ ಪ್ರಕಟಣೆ 3. ತುಳು ಜಾನಪದ ವಿಚಾರಲೆಗ್ ಸಂಬಂದಿಂಚಿ ಬೂಕುಲು 4. ತುಳು ಪಾಟ ಪುಸ್ತಕೊಲು. ತುಳು ನಿಗಂಟ್ ರಚನೆಡ್ ಎ,ಮೇನರ್ ಮೇರೆನ್ ನೆನೆತೊಡು.ಅರೆನ ತುಳು- ಇಂಗ್ಲಿಷ್ ನಿಘಂಟು, ಇಂಗ್ಲಿಷ್-ತುಳು ನಿಘಂಟು (1888), ಎ ಕ್ಯಾನರಿಸ್ ತುಳು ಬುಕ್, 500 ತುಳು ಗಾದೆಲು,ಕಲಿ ಗಂಗಸರದ ತಯಾರಿ ಕ್ರೈಸ್ತೆರೆಗ್ ಯೋಗ್ಯದವು ಆದುಂಡಾ?, ಪಾಡ್ಡನೊಳು ಪಡಾಯಿ ಕೆಲಸೊಲು. ತುಳು ಬಾಸೆಗೊಂಜಿ ಶಾಸ್ತ್ರೀಯವಾಯಿನ ವ್ಯಾಕರಣ ಬರೆಯಿನಾ ಬ್ರಿಗೆಲ್, ಅವು ಬೊಲ್ಪುಗು ಬೈದಿನ ವರ್ಸೊ 1872. 19ನೇ ಶಮಾನೊದ ರಡ್ಡನೆಗಳ್ಕೊಡು ತುಳುಟ್ಟು ತಿಕ್ಕ ಕ್ರಿಸ್ತರೆ ಸಾಹಿತ್ಯ ಪಂಡ ಅವು ಬೈಬಲ್ ಗ್ರಂತೊದ ಅನುವಾದೊಲೆ. ನಂಕ್ ಸ್ವಾತಂ ತಿಕ್ಕ ದುಂಬು ಬತ್ತಿಂಚಿ ಈ ಅನುವಾದೊಲು ತುಳುಕ್ಕೊಂಜಿ ಪೊಸ ತಾದಿನ್ ತೋಜಯಿನವು ಸತ್ಯದ ಸಂಗತಿ. ತುಳು ಬರವಣಿಗೆಗ್ ಪೊಸ ಮರ್ಗಿಲ್ನ್ ಕೊರ ಪುಗರ್ತೆ ಮಿಶನರಿದಕುಲೆಗ್ ಸೇರುಂಡು. ತುಳುತ್ತ ಅನುವಾದ ಸಾಹಿತ್ಯದ ಬಗ್ಗೆ ಏಚನೆ ಮಲ್ಪುನಗ ನಂಕ್ ಉಂದೊಂಜಿ ಮುಕ್ಯ ಮೊಟ್ಟಿಲ್ ಎಂಡ್ದ್ ತೆರಿಪುಂಡು, ಬೈಬಲ್ ಅನುವಾದ, ದಿನ ನಿತ್ಯದ ಪ್ರಾರ್ಥನೆಲು, ಪೂಜೆದ ವಿದಾನ, ನೀತಿಗ್ರಂತೊಲು, ತುಳು ಪದ್ಯೋಲು, ತುಳು ರಾಗೋಲು ಇತ್ಯಾದಿಲು ಅಪಗ ಬತ್ತಿನ ಕ್ರಿಸ್ತರೆ ಸಾಹಿತ್ಯೋಡು ಸೇರುವ, ಜೋಕುಲೆ ಗೀತೊಲು ನಂಜಿ ಎಡ್ಡೆ ಬೂಕುಂದು ಪನೊಲಿ, ತುಳುಟ್ಟು ಅನುವಾದ ಕೆಲಸೊ ಎಂಚ ಸುರುವಾಂಡ್, ಅವೆತ್ತ ಬೇತೆ ಬೇತೆ ನಡಕ್ಕೆ, ಅಂಚನೆ ಬೇತೆಬೇತೆ ಅಂಶೋಲೆ ಬಗ್ಗೆ ತೆರಿವರೆ ಈ ಕಾಲೊಡು ಬತ್ತಿ ಸಾಹಿತ್ಯಲು ನಂಕ್ ಸಾಯೋ ಮಲ್ಲುವ. 1834ಡ್ ಬಾಸೆಲ್ ಮಿಶನ್ದ ಫಾ.ಹೆಬಿಕ್, ರೆವಲೇನ, ಫಾ.ಮೊಗ್ಲಿಂಗ್, ಬ್ರಗುಂಡರ್ಟ್ ದುಂಬಾಯಿ ವಿದ್ವಾಂಸೆರ್ ತುಳುನಾಡ್ಗ್ ಬತ್ತೆರ್. ಕುಡ್ಲ, ಮುಲ್ಕಿ, ಒಡಿಪುಡು ಅಕುಲು ಬೋದನೆ ಮತ್ತೆರ್. ಅವು ಮಾತ್ರ ಅತ್ತಂದೆ ಅಕುಲು ಬೇತೆ ಕ್ಷೇತ್ರೋಲೆಗ್ಲ ಬೋಡಾಯಿನಾದ್ ಬೆನ್ನೆ, ಸಮಾಜಸೇವೆದೊಟ್ಟುಗು ವಿದ್ಯಾಬ್ಯಾಸ ರಂಗೊಡು ಎಡ್ಡೆ ಕೆಲಸೊ ಮಲೆರ್, ವೈದ್ಯಕೀಯ, ಆದುನಿಕ ವ್ಯಾಪಾರ ವ್ಯವಸ್ತೆ, ಕೃಷಿ,ಅಚ್ಚಿ, ಬೂಕುಲೆ ಪ್ರಕಟಣೆ ಇಂಚ ಎಡ್ಡೆಡ್ಡೆ ಕಲಸೊ ಮಲ್ತ್ದ್ ಪುದರ್ ಪಡೆಯೆರ್, ಅಚ್ಚಿದ ಯಂತ್ರೋ 72
