© 3 ಇಂಚ ತುಳುವೆರೆ ನಾಗಬಿರ್ಮೆರೆ ತಾನ ಪಿರಾಕ್ ಬಯಿದಿ ನಂಬಿಕೆದ ಮೂಲಜಾಗ, ತುಳುವೆರೆ ನಾಗರಿಕ ಜಗತ್ತೇ ಮಾತ್ರ ಅನುಕೂಲ ನಂಬಿಕೆಲೆಗ್ ಒರೊಂದು ಒಪ್ಪಿತೊಂಡೆರಲಾ ತನ್ನ ಹಿರಿಯೆರೆ ನಂಬುದು ಬಯಿದಿನ ಪಿರಾಕ್ದ ಸಂಸ್ಕೃತಿ ಕಟ್ಟಿ ಕಟ್ಟಲೆನ್ ಒರಿತ್ ಬಯಿದಿನಕುಲು. ಜಾತಿ ದಾಂತಿ ತುಳುವರೆ ಆನಿದ ಜಗತ್ತದ ಆಚರಣೆಲು ತುಳುವೆರೆಗ್ ಪೆರ್ಮೆ. ಆಂಡ ಇತ್ತೆ ಅಷ್ಟಮಂಗಳ ಪ್ರಶ್ನೆಡ್ ಪನ್ನೆರ್ “ನಿಕಲೆ ಇಲ್ಲದ ಸೈತಿನಕುಲು ನಾಗಡಪ್ಪ, ಬೂತಡಪ್ಪ ಸೇರ್ದೆ. ಆಕಲೆನ್ ಬುಡ್ವಾದ್ ಮೋಕ್ಷ ಕೊಲ್ದಾವೊಡು ಪಂಡ್ದ್ ಯಾನ್ ಸುರುಟು ಪಂಡಿ ಲೆಕ್ಕ ಶೈವ ತೈತೆಲ್ಲ ಕೈಲಾಸೊಗು ಈಶ್ವರನೆಡೆ, ವೈಷ್ಣವ ತೈತೆಲ್ಲ ವೈಕುಂಠಗು ವಿಷ್ಣುನೆಡೆ, ಅಂಚೆನೆ ತುಳುವೆರ್ ತೈತೆರ ಮೂಲತಾನೊಗು, ಹಿರಿಯೆರೆಡೆ, ಬಿರ್ಮೆರಡೆ ಸೇರುವೆರ್ ಪನ್ನಿನ ನಂಬಿಕೆ ಬೊಕ್ಕ ತುಳುವೆರೆ ಆಸೆ. ತುಳು ಜನಪದೊಡು ಸ್ವರ್ಗ ನರಕದ ಕಲ್ಪನೆ ಇಜ್ಜಿ.. ಮಡೆ ಬೊಜ್ಜದಾನಿ ಇಜ್ಜಿಡ ಪದಿನಾಜೆಡ್ ಬಲಸ್ ದೀದ್ ಆನಿದ ಕುಲೆನ್ 'ಉಲಯಿ ಲೆಪ್ಪುನ' ಪದ್ಧತಿ ಉಂಡು. ಮುಲ್ಪ ಪಂಡ್ ಪುಡ್ನಡ್ನಗ 'ಇನಿತ ಕುಲೆನ್ ಹಿರಿಯೆರ್ ತನ್ನಲೆ ಕುಟುಂಬ ಕೂಟೊಗು ಸೇರ್ಸಾವೊಂದು ಕುಟುಮೊಗು ನಾ ತರದ ದೋಷ ಬರಂದಿಲೆಕ್ಕ ತೂವೊಂಡು' ಇಂದ್ ಇಲ್ಲದ ಆನ್ ಅಂಜೊವು ಕೈಮುಗಿವುನ ಪದ್ಧತಿ. ಇಂಚ ತುಳುವೆರೆ ಮೂಲತಾನ ತುಳುವೆರ್ ತೈತಿ ಬೊಕ್ಕ ಸೇರು ಜಾಗ, ಪ್ರತಿಯೋರಿಯಗ್ಲಾ ಅಕುಲು ನಂಬಿ ಜಾಗೇ ಸ್ವರ್ಗ, ಶೈವರ ಕೈಲಾಸ ಸ್ವರ್ಗ, ವೈಷ್ಣವರೆ ವೈಕುಂಠ ಸ್ವರ್ಗ. ತುಳುವೆರೆ ಅಕಲೆ ಹಿರಿಯೆರ್ ಬೊಕ್ಕ ಬಿರ್ಮೆರ್ ಇತ್ತಿ ಮೂಲತಾನ ಆಲಡೆ ಸ್ವರ್ಗ. ಮೂಲ ತಾನೊಡು ಸೈತಿ ಹಿರಿಯೆರ್ ಉಲ್ಲೆರ್ ಇಂದ್ ಅನೇಕ ಮೂಲ ತಾನೊಡು ಮಾಲಕಾರ್ಯ ನಡಪುಂಡು. ಆಂಚಾದ್ ಉಪ್ಪುನಗ ಅಷ್ಟಮಂಗಳ ಪ್ರಶ್ನೆಡ್ ಪನ್ಸಿ ಪಾತೆರದ ಮರ್ಮ ದಾದ. ಆ ಹಿರಿಯರೆನ್ ನಾಗ ಬಿರ್ಮೆರನ ಲಕ್ಕಾದ್ ಒಡೆ ಕಡಪುಡುನು?
1 ಡಾ| ಭೋಜರಾಜ ಪಾಟೀಲ ನಾಗರ ಖಂಡ -70 ಒಂದು ಅಧ್ಯಯನ ಪು.224 2 ಎಸ್. ಕೆ. ರಾಮ ಚಂದ್ರ ರಾವ್, ಭಾರತೀಯ ದೇವಾಲಯಗಳು, ಪು.29 1980 . 16,17 3 ಎಸ. ಕೆ. ರಾಮ ಚಂದ್ರ ರಾವ್, ಭಾರತೀಯ ದೇವಾಲಯಗಳು, ಪು. 29 1981 4 ಪೆರಿಯ' ಪಂಡ ಮಲ್ಲ 5 ಹಿರಿಯಡ್ಕ ಆಲಡೆಗ್ ಪೊಗ್ಗುನಲ್ಪ ಪಟ್ಟಿ ಶೆಟ್ಟಿ ಪೆನ ಪಿರಾಕ್ದ ಇಲ್ಲಿ ಉಂಡು. ಪೇಂಟೆ ಇತ್ತಿನಲ್ಪ ಮಾತ್ರ ಪಟ್ಟ ಶೆಟ್ಟಿ ಇಲ್ಲೆಲು ಉಪ್ಪುನು. ಪಟ್ಟ ಶೆಟ್ಟಿ ಪಂಡ ಪೇಂಟೆದ ಬೇರೆದಕ್ತನ ತೆರಿಗೆ ವಸೂಲಿ ಮಲ್ಲು 'ಹಲರು' ಪನ್ನಿ ಅಧಿಕಾರಿಲೆ ಮಿತ್ ಇತ್ತಿನ ಅಧಿಕಾರ. - ವಿವರಣೆಗ್ ತೂಲೆ-ಇಂದಿರಾ ಹೆಗ್ಗಡೆ. 2004- ಪು. 75 -
70
