ಬೊಕ್ಕ ಕೆಲವು ಕಡೆಟ್ ಬೆರಣೆರ್ಲಾ ಈ ಸಮಾರಾಧನೆದ ವನಸ್ ಮಲ್ಪುವೆರ್. ಆಯಿಡ್ಡಾತ್ರಾದ್ ಉಂದು ಸಾವುದ ವನಸ್ ಪನ್ನಿ ತುಳುವೆರೆ ನಂಬಿಕೆನ್ ಅಕುಲು ಒಕ್ಕರೆ ತಯಾರಿಜೆರ್. ಕಡೆತ ಜಾತ್ರೆದಾನಿ 'ಅಂಬಿದ ವರಸರಿ' ಮಲ್ಪೆ ಶುದ್ದ ಮಲ್ಪುವೆರ್.
ನಾಗಗ್ ಮನ್ಸರ್, ಪೂಜಾರು, ಕಾಡೆರ್, ಬಾಕುಡರ್ -ಇಂಚಿತ್ತಿನಕುಲು ಪೂಜೆ ಮಲ್ಪುವೆರ್. 'ಮರಿ ಮಯಿಸುವೆ.' ಮುಲ್ಪ ಬೆರೆಣೆರ್ಲಾ ಭಕ್ತಿಡ್ ಬತ್ತ್ ಉಂತುವೆರ್. ಆಂಡ ನಮ್ಮಕುಲು ಪೂಜೆದ ಬಟ್ಟೆಗ್ ಕೊರಿನ ಪ್ರಾಶಸ್ತ್ರ ಎಚ್ಚಾದ್ ಅಕುಲು ತುಳುತ ನಂಬಿಕೆನ್ ಬುಡ ಮೇಲು ಮಲ್ಲೊಂದು ಉಲ್ಲೆರ್. (ಪೂಜೆದ ಭಟ್ರನಕುಲು ಪನಿ 'ನಾಗ ಪಾತ್ರಿಲೆ ಬೊಕ್ಕ ತಂತ್ರಿಲೆ ಕೊರಿ ಪ್ರಾಶಸ್ತ್ರ ಎಚ್ಚಾದ್ ಇಂಚ ಮಾತ ಆವೊಂದು ಉಂಡು' ಇಂದ್) ನಾಗ ಪಾತ್ರಿ ಆವೇಲೊಡು ನುಡಿ ಕೊರಗ ಕಡೆ ಮುದೆಲ್ ಇಜ್ಜಿಡ್ಲಾ ನಮ್ಮಕುಲು ನಾಗ ದರ್ಶನ ಮಲ್ಲುನ ಉಂತಾವುಜೆರ್, ಒರ ಬಿರ್ಮೆರೆ ಗುಂಡ ದರ್ತ್ ಗುಡಿ ಕಟ್ಟಾವೆರ್, ಬೊಕ್ಕೊರ ಅವು ಸಮ ಆಯಿಜಿ. ಪಂಡ್ದ್ ದರ್ಪಾವೆ, ಯಾನ್ ಇಂಚಪ್ಪ ಕೇನಿನ ನಾಗ ದರ್ಶನೊಡು ಪಾಡ ಇಂಚ ಸಂಭಾಷಣೆ ಪಾತ್ರಿ : ನನ್ನನ್ನು ಸನ್ನಿಧಾನಕ್ಕೆ ಯಾಕೆ ಕರೆಸಿದಿರಿ? ಯಜಮಾನ: ಅಷ್ಟ ಮಂಗಳ ಪ್ರಶ್ನೆಡ್ ನಾಗಡಪ್ಪ ಕುಲೆಕುಲು” ಸೇರಿನನ್ ಬುಡ್ಡಾವೊಡು ಪಂಡೆ. ಪಾತ್ರಿ : ನಾನು ಬಿಟ್ಟ ಮೇಲೆ ಅದನ್ನು ಏನು ಮಾಡುತ್ತೀರಿ? ಯಜಮಾನ: ಅಯಿಕ್ ಅಷ್ಟ ಮಂಗೊಲೆಡೇ ಪರಿಹಾರ ಪಂತೆರ್. ಪಾತ್ರಿ: ಸರಿ ನನ್ನ ಸನ್ನಿಧಾನದಿಂದ ಬಿಟ್ಟು ಕೊಡುತ್ತೇನೆ. ನಿಧಾನಿಸದೆ ಉಳಿದ ಕೆಲಸ ಮಾಡಿ. ಬೇರೇನಾದರೂ? ಯಜಮಾನ: ಎಂಕುಲು ಚಾವಡಿದ ಜುಮಾದಿನ್ ಪಿದಯಿ ಕನತ್ತ ಚಾವಡಿ ಕಟ್ಟುನ ತೀರ್ಮಾನ ಆತ್ಂಡ್. ಪಾತ್ರಿ: ಸರಿ. ಸನ್ನಿಧಾನದ ಒಪ್ಪಿಗೆ ಇದೆ. ಯಜಮಾನ: ಆಂಡ ಕುಟುಮೊಡು ಕೆಲವೆರೆ ಇಲ್ಲದ ಚಾವಡಿದ ದೈವೊನು ಪಿದಯಿ ಕನ್ನತ್ತ ಚಾವಡಿ ಕಟ್ಟುನೆಟ್ಟ ಸಮಧಾನ ಇಜ್ಜಿ. ಪಾತ್ರಿ : ಯೇರೆಗೆ ಸಮಾದಾನ ಇಜ್ಜಿ? ಮುಲ್ಪ ಪನೊಲಿ. ಆಪಗ ಯೇರ್ಲಾ ಸರ ದೆಲ್ತ್ಜೆರ್, ಅಪಗ ಪಾತ್ರಿ ಇಂಚ ಪಂಡೆ: “ರಾಶಿಯ ಒಪ್ಪಿಗೆ ಪಡೆದು ಮುಂದುವರಿಸಿ. ಒಬ್ಬರ ಒಪ್ಪಿಗೆ ಇಲ್ಲವಾದರೂ ಸನ್ನಿಧಾನದ ಒಪ್ಪಿಗೆ ಇಲ್ಲ.” ಪಾತ್ರಿ ಪಿರಿಂಡ್. ಬಯ್ಯಡ್ ಬೂತ ದರ್ಶನ ಆಂಡ್, ಅಷ್ಟ ಮಂಗಲೊಡು ಪಂಡಿ ಲೆಕ್ಕ ಮಲ್ವುಲೆ ಪಂಡೆ, ಜುಮಾದಿ ಉಂತಿನ ಪೂಜಾರಿ. 68
