ನಾಟಕೊಲು ದಿಂಜ ಉಂಡು, ಪೋರ್ಚುಗೀಸ್ ಪ್ರವಾಸಿ ಪಿಯಾಯತೊದೆಲ್ಲಾವೆಲ್ಲಾನ ಪ್ರವಾಸ ಕಥನೊಡ್ತಾ ಅಬ್ಬಕ್ಕನ ನಡದ ಗಾಂಬಿರ, ದೂರದಿ, ಬುದ್ಧಿ ಪರದ ಪುಗರ ಉಂಡು. "ಯುರೋಪುಡು ಪುದರ್ ಪಾರೊಂದಿತ್ತಿನ ಈ ಕಡಲರುತ ರಾಣಿಗ್ ತೂವೆರೆಗಾದೇ ಉಳ್ಳಾಲೊಗು ಬತ್ತೆ. ಬತ್ತಿನವು ಸಾರ್ತಕ ಆಂಡಂಡ್ ದೆಲ್ಲಾವೆಲ್ಲೆನೇ ಪಿಲೆಕದ ಪೆಮ್ಮೆ ಅಬ್ಬಕ್ಕನವು. ಕಂಡನಿನ ಅಸ್ಟೆಲ್ ನಾಲಾಯಿಗ್, ಕುರೆಲ್ ಮನಸ್ಗ್ ಹೀಕರಿನ ರಾಣಿ 'ಒಲಿದರೆ ನಾರಿ ಮುನಿದರೆ ಮಾರಿ' ಆಯೊಲು, ಕಂತ್ರೀಸೀಂತ್ರಿದ ಪೋರ್ಚುಗೀಸೆನ್ನ ದಂಡ್ದಾಳಿಗೆ ರಣಚಂಡಿ ಆಯೋಲು, ದೇಸೊದ ಸ್ವಾತಂತ್ರೋಗಾದ್ ಪುಣೆಯಿನ ದೇಶ ಪ್ರೇಮಿಲೆನ ನಡುಟು ಮಿನ್ನತ್ ತಾನಮಾನ ದೆತೊಂದಿನ ಅಬ್ಬಕ್ಕನ ಮೆಯಿ ಮನಸ್ದ ಸಗಿ ಸಂಸ್ಕಾರ ಸಾಮಾನ್ಯದತ್ತ್, ಗುಣೋಕು ಪೊಣ್ಣು ಆಣ್, ರಾಣಿ ರಾಜೆ ಬೇಧ ಇಜ್ಜಿ, ಆಯಿಕಾದ್ ರಾಣಿ ಅಬ್ಬಕ್ಕಡಪ್ಪ ರಾಜಯೊದ ಜನಮಾನ್ಯರೇ ಬೋವಿಬ್ಯಾರಿಲೇ ಒಂಜಾದ್ ಜನ್ಮಬೂಮಿದ ಸ್ವಾತಂತ್ರೋಗಾದ್ ದುಸ್ಮನಲ್ಲ ಪೊರುಂಬಿಯೆರ್. ಇಂಚ ಕಣ್ಣಿಗಾರಿಕೆ ತೋಜಾದ್ ಚರಿತ್ರೆಡ್ ಮಿಂಚಿನ ರಾಣಿ ಅಬ್ಬಕ್ಕೆ ತುಳು ಪೊಣ್ಣುಲೆನ ಪೆರೆಗೊಂಜಿ ಪದ್ಮದ ಮುಗುಟ ಪಿಲೆಕ ಸಾಹಿತ್ಯಾ ತೋಜಿ ಬರೊಲು. ಡಾ| ಸುನೀತಾ ಶೆಟ್ಟಿ, ಇಂಬೆಲ್ಲ 'ಸಂದಿ' ಪಿನೊಂಜಿ ಎಲ್ಯ ಕಬಿತೆ ಇಂಚ ಉಂಡು... ರಾವೋ.... ರಾ... ಕೊರುಂಗೊ.. ರಾಯರೇನೆ ಕೇನುಜಲ್... ಕಂಡನಿ ಇಲ್ಲಡೆ ಬಲ್ಲದೆ ಕೋರುಂಗೋ... ಬರಿಯೇರೇನೆ ಕೇನುಜಲ್.....ಕಬಿತೆಡ್ ಕಂಡನಿ ತನ ಇಲ್ಡ್ ಬದ್, ಆಸ್ತಿ, ಬಂಗಾರ್, ಇಂಚ ಮಾತೆತ ಅಂದಾಜಿ ಪಂಡ್ದ್, ರಾವು ಪಂಡಲಾ ರಾವಂದಿನ ಕೊರುಂಗು, ಅಕೇರಿಗ್ “ಎನ ಮನಸ್ಡ್ ನಿನ ರೂಪ ಅತ್ತಂದೆ ಮಗ್ತೊಂಜಿ ಇಜ್ಜಿ. ಒಂಜಿ ಜೂವೊಡು ಬೆಸ ತೋಜುಂಡು, ಲಚ್ಚನ್ನ ಸಿರಿದೇವಿ ಈ ಬಲ್ಲಯ ' ಪಂಡಿಗಿನ, ತುತ್ತು ಪದ್ದೆಯಿ ಐತ ಆವೊಂದು ಕಂಡನ್ಯ ಬೆರಿ ಪತ್ಕಾಲ್.. ಅಡೆಗ್ ಕಬಿತೆ ಮುಗೀಂಡ್. ದಾಂಪತ್ಯೋಡು ಕಂಡನಿ ಬೊಡೆದಿನ ನಡುತ ಮೋಕೆದ ಉರುಗೆ ತುಳುಪೊಣ್ಣು ದಿಂಜ ಬಿಲೆ ಕೊರೊಲು ಪನವೇ ಈ ಕಬಿತೆದ 'ಧ್ವನಿ'. ನೀತಿಡಿತ್ತಿನ ಬೊಡೆದಿಗ್ ಮಲ್ಲ ತೊಡು ಪಂಡ ತನ ಕಂಡನಿನ ಮನಸ್ದ ರಾಣಿ ತಾನೊರಿಯೆ ಆದುಪೊಡು . ಅಂಗಿದ ಮೇಲ್ ಅಂಗಿ ಪಾಡುನೆಕ್ ಅರ ಇಜ್ಜಿಂದೇ ಅಳನ ಗ್ರಿಯಿಕೆ. 'ಬೊಡೆದಿಡ ಮೋಕೆ ಇತ್ತಿನ ಕಂಡನಿಗ್ ಲೋಕೊಡಿತ್ತಿನ ಮಾತ ಪೊಝುಲಾ ತನ ಬೊಡೆದಿಡನೇ ತೋಜುಂಡುಗೆ ಅಂಚನೇ ಕಂಡನಿಡ ಮೋಕೆ ಇತ್ತಿನ ಬೊಡೆದಿಗ್ ಲೋಕೊಡಿತ್ತಿನ ಮಾತಾ ಮಲ್ಲಾದಿಗೆಲಾ ಐಸ್ರಲಾ ತನ ಕಂಡನಿಡನೇ ಉಂಡುಣ್ಣಿನಲೆಕ ಆಪುಂಡುಗೆ, - ಕುವೆಂಪು ಪಣ್ಣಿನ ಈ ಪಾತೆರೊಡ್ಡು ಮರೊನು ತುಳು ಕತೆಕ್ಲಡ್ ನಮ ತೂವೊಲಿ. ತುಳು ಸಾಹಿತ್ಯನು ಒಟ್ಟುಗು ಅಜತ್ ತೊಂಡ ಪೊಂಜೊಲೆನ ಗುಣಮಾನೊಡು ಸತುತೇಜಿಡ್ ಸಮಾಜದ ಏಳೆ ಉಂಡುನ್ನಿನ ಸತ್ಯ ತೆರೀದ್ ಬರುಂಡು... ಲಿಂಗ ಆದಾರೊದ ಬೇದೊಲು ಪೊಕ್ಕಡೆಗಾದ್ ತೋಜುಂಡು.... ಅಂಚಾದ್ ಪೊಣ್ಣು ಪುಟುಂಡ ಕುಟುಮೊಗು ಎಡ್ಡೆ ಪಂಡ್ಹೆಣ್ಣುನ ಕಾಲ ಬೇಗ ಬರು ಪಣ್ಣಿನ ನಿರೀಕ್ಷೆ ದೀವೊಂದು ಈ ನಿಲೆಟ್ ತುಳು ಸಾಹಿತ್ಯದ ಪೊಂಜೊಲೆನ ಪೆರೆಗ್ ಸೊ ಸಂದಾವೆ..... 48
