3 ಪೊಣ್ಣನ ರೂಪೊನೊರ ತೂದು ಉಪಾಯೊಡು ದೇವೇಂದ್ರನ್ ಸೋಪಾದ್, ಪಂತ ಗೆಲ್ದ್ ಮದಿಮೆ ಆವೊಡಾಂಡ ಕಾರಣ ದಾದ? ಈರೆನ ಮನಸೆ ಇಂಚಾಂಡ ಬಾಕಿದನ ಮಲ್ಲ ಸಂಗತಿಯಾ? ಬಿಕ್ಕೆ ನಟ್ಟೆಲೆ ಕನೊಟು ಅರಸು ಪಟ್ಟ ನಾಡ ಎಚ್ಚರಿಗೆಡ್ ಊರಾಯ ಬಾಕಿಲ್ ಗಣ್ ಜೆಡ ತೆಲಿ ಆಂಡಲಾ ಪರೆರುಂಡಾ? ಉಪ್ಪೆರಾವಂದ್ ಎದುರುಕೋಪ ರುಸಿಕುಲೆಗಿಂಚ. ಮೂಂಕುದಿತ್ತಂಡ ಮಜ್ಜಿ ಮೂಂಕುನೆ ಕೊಯ್ ದಕ್ಕೋಡಾ? ದೊಕ್ಕೊಡಾ? ಪಣ್ಣೆ... ಚಾಲ್ಡಿನ ಅಕ್ಕನ ಕಮ್ರತ್ದ್ ಈ ಉಳಾಯಿ ಲೆತೊಂದು ಬರೊಡುಂದು ಅರಿಕೆ ಮನುವ ಪಿನ, ರಾಮನ ಈ ಅರಿಕೆಡ್ ಗೌತಮನ ಸಂಬಾವುದ ದೋಸೊನೇ ತೋಜಿಂಡ, ಅಹಲೈನ ತಪ್ಪು ಮನಶಾದ ಮುದೆಲ್ಲೇ ಬತ್ತಿನೆಟಾತ್ರ ಅಲೆನ ಪೆರೆನ್ ಕಮ್ಮಿ ಮಲ್ಪುಜಿ... ತಂನ ಅಪನಂಬಿಕೆ ಅಪರಾದೊನು ಪೊಂಜೊವುಲು ತೂಪಿನಲಕ ಆಂಜೊಲು ತೂಪುಜೆರ್, ಆಂಜೊಲೆಗ್ ತಂಕ್ಲನ ತಪ್ಪು ಎಲ್ಯ, ಪೊಂಜೊಲೆಗ್ ತಪ್ಪು ಏಪೊಲಾ ಮಲ್ಲೆನೇ ಆದ್ ತೋಜುಂಡು -ಪಣ್ಯಪಿನ ವರಾಹಮಿಹಿರನ ಪಾತೆರೊನು ನಿಜ ಮಲ್ಪುಲೆಕದ ಉದಾರೈಡ್ ಮಂದಾರೆ ಪೊಂಜೊಲೆಗ್ಲಾ ಒಂಜಿ ಮನಸ್, ಮನಸ್ಡ್ ಆಲಚನೆ, ಅಂಗ್ ಅರೈಲ್, ಮೋಕೆ ಸೂಕದ ಬಾದೊಲುಲ್ಲ ಪಣ್ಣಿನೆನ್ ದರ್ ತೋಜಾದ. ಪತಿವ್ರತೆ ಪಟ್ಟ ತಿಕ್ಕೊಡಾಂಡ ಕಂಡನಿನ ಆರಬೀರೋಡು ನಕ್ಕುನನೇ ಮುಕ್ಯ ಅತ್ತೆ, ಕಂಡನಿನ್ ದೋಸದುರ್ಜನೂನು ತಿದ್ದುನವು... ನ್ಯಾಯ ಪಡೆತೊನುನವುಲಾ ಮುಕ್ಕನೇ ಪಣ್ಣಿನ ನಿಜೊನು ತುಳು ರಾಮಾಯಣದ ಅಹಲೈಡ ತೆರಿಯೊನೊಲಿ.... 3 ಪಣಿಯಾಡಿ ಶ್ರೀನವಾಸ ಉಪಾಧ್ಯರ 'ಸತಿಕಮಲೆ' ಕಾದಂಬರಿ ಕಮಲೆನ ಪೆರೆನೇ ಪುಗರವು. ಈ ಶತಮಾನೊದ ಸುರುಟು, ಬೆರಣೆರ ಸಂಪ್ರದಾಯೊದ ನಡುಟು, ಕಮಲೆನಂಚಿನ ಪಾತ್ರ ಚಿತ್ರಣನೇ ಮಲ್ಲ ಸಾದ್ರೆ. ಕಮಲೆಗ್ ಸ್ತ್ರೀವಾದಿ ಚಳುವಳಿತ ಲೀಡರ್ ಆಪಿನ ಸಾಮರ್ತಿಗೆ ಉಂಡು... ಸ್ತ್ರೀವಾದೊದ ಸಿದ್ದಾಂತೊಳಾಯಿನ ಉದಾರವಾದಿ, ಸಮಾಜವಾದಿ, ಮನೋ ವಿಶ್ಲೇಷಣಾತ್ಮಕವಾದಿ, ಅಸ್ತಿತ್ವವಾದಿ ಇಂಚಿತ್ತಿನ ಪಾಕ ವಾದೊದ ಅಂಶೂಳೆನ್ ಕೂಟುದು ಅಡ್ಡಿನ ಈ ಕಾದಂಬರಿಡ್, ಮಹಾತ್ಮಗಾಂಧಿ, ಈಶ್ವರ ಚಂದ್ರ ವಿದ್ಯಾಸಾಗರ, ಅರವಿದ ಮಹರ್ಷಿ ಇಂಚಿತ್ತಿನಕ್ಲಡ ಇತ್ತಿನ ಪೊಂಜೊಲೆನ ಹಿತಚಿಂತನೆದ, ಪೊಂಜೊಲೆನ ವ್ಯಕ್ತಿತ್ವ ವಿಕಸನದ ಆಸಯ ಮೂಡ್ ಬಯ್ಲೆಂಡ್. ಭಾರತದ ಸ್ವಾತಂತ್ರ್ಯ ಚಳುವಳಿಡಡ್ ತೀವ್ರಗಾಮಿ ಪಕೊಡಿತ್ತಿನ ತನ ಕಂಡನಿ ಉಮೇಶರಾಯೆ ಆತ್ಮಹತ್ಯೆ ಮಲ್ಲೊಂಡಿನ ಸುದ್ದಿ ಬತ್ತ್ಂಡಲಾ ಕಮಲನೆ ನಂಬಂದೆ ಸಮಾಜೊದ ದಿಸ್ಟಿಗ್ ವಿಧವೆನೇ ಆದ್ ತೋಜಿಂಡಲಾ, ಮನಸ್ ಮುಸ್ಲಿಸಿ ಆದೇ ಬದ್ರಿಯೊಲು... ತಮ್ಮಲೆ ಸಾಯೊಡು ಮದ್ರಾಸ್ಡ್ ಕಾಲೇಜಿಗ್ ಪೋದ್ ಪದವಿಲಾ ಪಡೆತೊಂಬೊಲು, ಅತ್ಯಾಚಾರೊಗು ತಿಕ್ಕೋಡಾಯಿನ ಪೊರುಡು "ನಿನಲೆಕಂತಿ ನೀಚನ್ ತೂವರೆಲ್ಲಾ ಎಂಕ್ ಮನಸ್ ಬರ್ಪುಜಿ' ಪಣ್ ಬಿಸ್ತಿ ತೋಜಾದ್ ಮಾನ ಒರೊಂಬೊಲು, ಖಾದಿ ಪ್ರಚಾರ, ಅಸಹಕಾರ ಚಳುವಳಿಡ್ ಸೇರೊಂದು 'ಜೈಭಾರತ್' ಪಡೊಂದು ಕಂಡನಿನ ಆದರ್ಶಡೇ ದುಂಬರಿಪೊಲು, ಕಡೇಕ್ ಆಲ್ ಎಣ್ಣಿನಂಚೆನೇ ಆಪುಂಡು. ಪೋಲಿಸರ ಕೈಕೋಳುಗು ಗುಡುಗು ತಿಕ್ಕಂದ, ಹಿಮಾಲೊಯಗು ಪೋದು, ಮೂಕ ರುಸಿ ಆದ್ ಬಡ್ಕೊಂದಿತ್ತಿನ ಉಮೇಶ್ರಾಯ್ ಕಮಲೆಗ್ ತಿಕ್ಕುವೆ.... ಕಂಡನಿನ ಎಡ್ಡೆ ಗುಣೋಲಾ, ಬೊಡೆದಿನಾ ಪತಿವ್ರತೆ ಮಳ್ಳುಂಡು, ದಾಂಪತ್ಯದ ಗೇಲ್ ಕಂಡನಿ ಬೊಡೆದಿನ ನಡುತ ಇಸ್ಟಾಸೊಡೇ ಉಂಡುಣ್ಣಿನೆ ತಪ್ಪಾದ್ನ ಕಮಲೆ- ಸತ್ತೋದ, ಸತೀದ ಪೆರೆದ ಪ್ರತಿರೂಪ..... ತುಳುನಾಡ್ಡ ಚರಿತ್ರೆಡ್ ಮಲ್ಲ ಪುದರ್ ಪಡೆತಿನ ಅಬ್ಬಕ್ಕನ ಬಗ್ಗೆಡ್ ಕಾದಂಬರಿ, ಕಬಿತೆ, 47
