ಆಯೆರೆಗಾಂಡ್, ಅಧಿಕಾರ, ಪಣವುದಕ್ಕೆನ ಕಾರಡಿತ ಕುಲಾದ್, ಮನಸ್ಡ್ ಹೊದಿ ದಿಂಜಿದಿತ್ತಿನಕ್ಲಗ್ - ಸಾಮಾಜಿಕ ನ್ಯಾಯೊಗಾದ್, ತಂಕ್ಲನ ತಾನಮಾನೊಗಾದ್ ಪೊರುಂಬೊಡುನ ಗೇನ ಪುಟ್ಟಾವರೆಗಾಂಡ್. ಸದ್ಯೋಗು ತಿಗಲೆಡ್ ತಾದಿ ಕೊರುವ, ಅನ್ನೆಯೊಗು ಸುರಿಯೊಡು ತಾದಿ ಕೊರುವ ಪಡೊಂದು ಪಂಡಿನಂಚ ನಡತೊಂದು, ತುಳುನಾಡ್ಡ್, ಅಮರ್ ಬೊಳ್ಳಿಲಾದ್ ಆರಾಧನೆಡ್ ಒರಿದಿನ ಕೋಟಿಚೆನ್ನಯರ ಅಪ್ಪೆ ದೇಯಿಗ್ ಧನ್ಯತೆದ ಪೆರೆ ಉಂಡು. ತುಳು ಜನಪದ ಸಾಹಿತ್ಯೋಡು ಪೊಂಜೊವನ ಪೊರು ಪರೆ ರಂತ ಬಣ್ಣನೆಲ್ಲಾ ತೂವೊಲೆ ತುಳು ಪೊಣ್ಣು ಜಾಕಿನ ಸೀರೆ ತುತ್ತೊಂದು, ಸರಾನ ರಾಕಿ ಪಾಡೊಂದು, ಎಣ್ಣೆ ಓಲೆ, ಎಸಲ್ ಬುಗಡಿ, ಮುಲ್ಲು ಕೊಪ್ಪು ದೀವೊಂದು ಮುತ್ತುಡು ಮುಲ್ಲಾವೊಂದು, ಕುಂಕುಮೊಡು ಅಲ್ಲೊಂದು "ಐಶ್ವರ್ಯ ರೈ" ಲೆಕ ಪೊಗ್ಗು ಕಂಟ್ ತೋಜುವೊಲು. ಕತ್ತಲೆದ ಇಲ್ಲಗ್ ಮುತ್ತುದ ತುಡರ್ ಆವೊಲು, ಕಾಲ ದೀಪೊಲಿದ ಮಂಚಿಲ ಮಂಚದಂಚ ಪುಳೊವೊಲು, ಬೊಲ್ಲುದ ತಿಬಿಲೆಗ್ ಎಣ್ಣೆ ಮಲ್ಲೊಲು. ಬತ್ತಿ ಬಿನ್ನೆರೆಗ್ ಕೊರಾನ ಸಮ್ಮನ ಕೊರುವೊಲು. ಮುನ್ನೂದು ಬಗೆತ ಅಟಿಲ ಬಳಸೋಲು, ನೀತಿಡಿತ್ತೊಂದು ಸತ್ಯಗೆಂದಾವೊಲು. ಅಂಚನೇ ಅನ್ನೊಯೊಗು ಬಗ್ಗಯೊಲು, ಕಟ್ಟಪಾಡ್ ಮಿತಿಮೀಂಡ ಬೇಲಿ ಕಡ್ ದಾಂಟುವೊಲು. ಸತ್ಯ ಪರೀಕ್ಷೆಗ್ ಕೊದ್ದೆಲ್ ಎಷ್ಟೊಡು ಮುರುದು ಲಾವೊಲು. ಸಂಕಪಾಲ ಸರ್ಪದ ಬಾಯಿಗೇ ಕಯಿ ಪಾಡ್ಜ್ ಒರಿವೊಲು, ಮೆಚ್ಚಿನಾಯನೇ ಮಧ್ಯೆ ಆವೊಲು. ಆಯಿಜಿಡ ಸೊಂತ ಇಚ್ಚೆಡ್ ಸೈತ್ಾ ಪೋವೊಲು. ಎಡ್ಡೆ ನಡಕದ ತುಳುವದಿ ಕಲುಕುಚ್ಚಣದ ನೆರಡೆಲಾ ತಡೆತೊಂಬೊಲು... ತಮೆರಿ ಮೀರಿ ಪೊಣ್ಣು, ಸೊಕ್ಕುದ ಸಿರಿಗಿಂಡ, ದಾಡೆ ಕಲೆಯಿ ದೋಡೆ, ತೂಟೆ ಮಾಂಕಾಳಿ, ಗೊಡ್ಡುದಡ್ಡೆ, ಮಂಜಾಲ ಮರಡೆ.... ಇಂಚಿ ನಂಜಿನುಡಿ 'ಎಂಕತ್' ಪಡೊಂದು ಸಾದಗೊಡು ಗಂದುವೊಲು, 'ಕಪ್ಪೆ ಸೊರುಂಡ ಪಳೊಡು ಕುಳ್ಳಂದ್, ಪೊಣ್ಣು ಸೊರುಂಡ ಇಲ್ಲಡ್ ಕುಳ್ಳಂದ್' ಗಾದೆ ಅಳೆಗೆ ಅಡ್ಡಿ ಆಪುಜಿ. ಪೊಣ್ಣು ಇಂಚಿತ್ತಿನೆನ್ ಪೊಟ್ಟು ಪಾತೆರೊಲುಂದೇ ಗ್ರಯಿಪೊಲು. ಮಂದಾರ ರಾಮಾಯಣೋಡು ಕೇಶವ ಭಟ್ ಅಹಲೈನ ಒಂಜಿ ಚಿತ್ರಣ ಇಂಚ ಕೊಪ್ಪೆರ್..... ಗೌತಮನ ಆಶ್ರಮೊಗು ಕೌಶಿಕೆ ರಾಮ ಲಕ್ಷ್ಮಣರನೊ ಲೆತೊಂದು ಬರೆರ್. ಅಪಗ ಜಾಲ್ಡ್ ಕಲ್ಲೆದಂಚ ಕುಲ್ಲುದಿತ್ತಿನ ಅಹ ಕಯಿತಲ್ ಬತ್ತಿನ ಕಂಡನಿನ ಅಬತಾರೊನು ಮುರಾನಿ ಇನಿದ್ರೆಡ್ ನಂಬರಿಡ್ ದೇವೇಂದ್ರಡಪ್ಪ ಚಕ್ಕಂದ ಪಾತೆರಿಯೆ ಯಾನಂದ್ ಎನನ್ ಅಪಗನೇ ಮೆಣ್ದ್ ಇತ್ತೆನೇ ನಡಪು, ಎನ್ನಿಲ್ಲ ಮುಟ್ಟಿಕಲ್ಸ್ಗ್ ಮಿತ್ತ್ ಕಾರ್ ದೀಯೆರ ಬಲಿ ಪಂಡ್ದಾ ರಾತ್ರಿಡೇ ಪಿದಾಡ್ನಯೆರ್. ಇಂದು ಸಮಾನಾ? ಪಣ್.... ದೇವೇಂದ್ರಡಪ್ಪ ಮದಿಮೆಗ್ ಮನಸ್, ಕೆಕ್ಕಿಲ್ಲ ಗುರಿ ಮುಟ್ಟ ದುಂಬು ಇತ್ತಿನ ಅಂದ್ ಎಂಕ್ ಜವಣಾದಿಗಡ್ ಪೊರು ತೂದೊಂಜಿ ಪೊಣ್ಣು ಮೆಯ್ಯರಂದಾ? ಮಂಡ ತಪ್ಪಾವ? ಕನೊಟು ನಡೆತಿನೆಕಿಂಚ ಮಳ್ಳಿ ನರಮಾನ್ಯಾದ್ ಯಾನ್ ಸಮ್ಮೇಂದ್ ಕನ್ನ ಕಟ್ಂಡ್ ಯೆನನ್ ಪೊತ್ತಾದ್ ಕಕ್ಕೆಗ್ ನುಪ್ಪು ದೀವಾಯೆರ್ಂದೆಂಚ ದೈರ ನಂಬುನು ಪಣ್ಣೆ.... ಎನ ತಪ್ಪು ದಾನೆ ಪಣ್ ತೆರಿಯೊಡು.... ಅಯ್ಕಾದ್ ತಪ್ಪಾಯ. ಈಯೆ ಪಣ್ಣಾಂದ್ ಅಹಲೈ ನ್ಯಾಯ ಕೇಣ್ಣಗ, ಗೌತಮೆಲ್ಲಾ ತನ ಬಿರೊಲಿನ್ ಸಮರ್ತನೆ ಮಲ್ಲೊಂಡೆ, ಕಂಡನಿ ಬೊಡೆದಿನ ನ್ಯಾಯೊಡು ರಾಮನ ನುಡಿ ಇಂಚ.... 3 ಈರ್, ಈತ್ ಕಲ್ಲಿನಾರಾದ್ (ಈತ್ ಪಿರಯದಾರಾದ್ ಇಂದ್ ಪಂಡಿಜೆ) ಈ ಲ 46
