3 ಕಪ್ಪು ಮದೆ ಮುಚ್ಚೆ ಬಲ್ಲಿಂದ್ ಸುದಾದ ಕಟ್ಸ್ ಕಣದಿನ ಸಿರಿನ್ ದೇವತೆನಂಚ ಬಾಮಿದ್ ತರತಕ್ಕಾವೊಡಾಪುಂಡು. ತುಳುನಾಡ್‌ದ 'ಸಿರಿ' ಸತ್ಯದಪ್ಪೆ ಆದ್ ಆರಾಧನೆಡ್ ಒರಿದೊಲು, ಸಿರಿ ಮೆಯಿಟ್ ಬರಿನವು ಜನಪದ ಪೊಂಜೊಲೆಗ್ ಅಭಿಮಾನೊದ ಸಂಗತಿ ಮನಸ್‌ದ ಅಕಾಲೊಡ್ಡು ಬುಡುಗಡೆ ಪಡೆಪಿ ತಾದಿಲಾ ಆದುಂಡು. ಕೋಟಿಚನ್ನಯ ಬಂಟೆರೆ ಸಂಧಿಡ್ ತೋಜಿ ಬಸ್ಸಿನ ದೇಯಿ ಪೆರೆದ ಪೆರೆನೇ.... "ಒಂದಿ ರಾಜ್ಯದ ಅರಸು ಬಲ್ಲಾಳ್ ಕುಲ್ಲುದಿನ ದಂಡಿಗೆ ಉಂದು.... ಯಾನಾಂಡ ಬೈದೆದಿ ಪೊಣ್ಣು. ಅರಸುನ ದಂಡಿಗೆಗ್ ಆವಂದ್‌..." ಇಂಚ ಗೌರವೊದ ಇಚಾರೊದ ಪಾತೆರ ಅಳೆಡ ಉಂಡು, ದಿಂಜೆಲ್ ಬಂಜಿನಾಲ್ ಆಂಡಲಾ ಬಲ್ಲಾಳನ ಬೂಡುಗು ನಡತೊಂದೇ ಬಸ್ಸಿನ ತಾಕತ್ ಅಳಡ ಉಂಡು. ತನ್ನ ಇಷ್ಟಕಷ್ಟ ಗಣಂದೆ ನನೊರನ ಉಪಕಾರೊಗು ದುಂಬಾಪಿನ ಮಲ್ಲ ಮರಿ ಉಂಡು. ತನ್ ತೆರಿದಿನ ಮರ್‌ ಮಾಯೊದ ಬೈದ್ಯ ವಿದ್ಯೆಡ್ ಪೆರ್ಮಲೆ ಬಲ್ಲಾಳೆರೆನ ಜೂವ ಒರಿಪಾವುನ ಆತ್ಮವಿಶ್ವಾಸ ಉಂಡು. ಅಂಚ ಬಲ್ಲಾಳೆರೆನ ಪ್ರಾಣ ಒಪ್ಪಾಯೊಲುಲಾ.. ಆಂಡ, ಪರ್ಮಲೆ ಪಂಡಿ ಪಾತರದಂಚ 'ಮಾನ' ಮಲ್ಪೆರೆಗ್ ಪಿರದುಂಬು ತೂದು ಅಡ್ಡಿ ಪಾತೆರೆಕ್ ಸೊಡ್ಡು ತಿರಾದ್ ಜತ್ ಬರಿನ ಗಲಾ ಉಂಡು, ಸಜ್ಜಂದಿ ಜನೊಕ್ಲಿನ ಬಂಜಿ ಉದ್ಘಾಂಡ ಪದ್ಮನೇ ಆವು... ಬಲ್ಲಾಳೆರೆನ ಗಾಯೊದ ಕಟ್ಸ್ ಬಿಚ್ವ್, ದೇಯಿಗೆ ದಮ್ಮಯ ಪಾಡ್ಜ್, ಪಿರಲೆಡ್, ಮಾನ ಕೊಯ್ದು ಕಡಪುಡಿನೆಟ್ ದೇಯಿನ ಸತ್ವ, ಸತ್ಯ ರಡ್ಡೆ ಲಾ ಎಚ್ಚಿದ್ ತೋಜುಂಡು. ಕಟ್ಟ ಪುಣಿಟ್ ಬನ್ನಗ ಪೆದ್ದುನ ಬೇನೆದ ಸಂಕಡೊಡುಪ್ಪುನ ಬುದ್ಯಂತನ ಹಾಂಕರೊದ ಕಟು ಪಾತೆರ ಕೇಣ್ಣಗ ನೀತಿ ನಿರ್ಮಲೆದಿ ದೇಯಿ ಮಣಿಪಂದೆ ಕುಲ್ಲಯೊಲು...."ಯಾನ್ ಸೊರುಡು ಉಂತುದೆಡ ದೇವ ತೂವೊಂಬೆ, ಬಂಜಿದ ಬೇನೆಜ್ ಉಂತುದೆಡ ಎನ ಬಂಜಿದ ಬಾಲೆಲ್ ತೂವೊಂಬೆರ್" ಇಂಚ ದುದ ನುಡಿ ಕೊಲು. ಪೊಂಜೊಲೆನ ನಂಜಿ ಮಚ್ಚರೊಡು, ಇನ್ಯಾರೊಡು, ಕಡುಡು, ಕೆಡ್ ತೂಪಿನಕ್ಷೆಗ್ ಉಂದು ಪ್ರತಿಭಟನೆದ ಸವಾಲ್. ಪಾಳೆಯಗಾರಿಕೆದ ಪುಂಡಾಟಿಕೆಗ್ ಬಂಡಾಯಲಕ್ಕಿನ ಕೋಟಿ ಚೆನ್ನಯರೆಗ್ ಬೋಡಾಯಿನ ಬಂಡಾಯೊದ ಸತು, ಮತಿ ಮಲ್ಲಾದಿಗೆ, ಪೆದ್ದಿನ ಅಪ್ಪೆ ದೇಯಿನ ನೆತ್ತೆಲ್ಲೇ ಇತ್ತಂಡ್, ಸರೀಟೆ ತೂಂಡ ದೇಯಿ ಜನ್ಮದನ ರೀತಿಡೇ Survival of the fittest ತತ್ವ ಅಡಕ ಆದುಂಡು, ಕೇಂಜವ ಪಕ್ಕಿದ ತೆತ್ತಿದ ಕಡಲ್ಸ್ ಬೂರುಲಾ ದರಿಯಂದೆ ಒರಿದ್, ಲಿಂಬೆಪುಳಿತ ರೂಪುಡು ಪೆಜನಾ ಬೆರಣಗ್ ತಿಕ್‌, ಪೊಣ್ಣಾದ್ ಪುಟುದು, 'ಜೇವುಕೇದಗೆ ಆದ್ ಬುಳೆಯೊಲು. ಮಧ್ಯೆ ಆವೊಡಾಂಡ ಮದ್ಮಲಾಯಿನೆಕ್ ದುಸ್ಪರೂಡಿದಂಚ ಸಂಕಮಲೆ ಕಾಡ್‌ಪಾಲ್ ಆದ್ರಾ, ಮುರೆದ ಬಾಯಿಗ್ ಬೂರಂದ, ಮೂರ್ತೆದಯನ ಕಣ್ಣಿಗ್‌ ಬೂರು ಬದಿಯೊಲು, ಬೆರಣೆರಿಲ್ಲದ 'ಜೇವು ಕೇದಗೆ' ಬಿರುವೆರಿಲ್ಲಡ್ ದೇಯಿ ಬೈದದಿ ಆದ್ ಅಲ್ಪದ ತಿತಿಗತಿಕ್ ಒಂಬೊಂದು, ಕಳಿತ ಕುಜಿಲಿನ್ಹಾ ತುಂಬಿಯೊಲು. "ಈಸಬೇಕು ಇದ್ದು ಜಯಿಸಬೇಕು" ಪಣ್ಣಿನ ಹಟ.... ಕೋಡೆದೆನ್ ಕೋಡೆಗೇ ಬುಡ್ಡು, ಎಲ್ಲೆದೆನ್ ಎಲ್ಲೆಗೇ ದೀದ್, ಇನಿಕ್ ಇನಿ ಇಂಚ ಇಡಿನ ಬೋದ ಅಳಡ ಉಂಡು. ಇಂಚಿತ್ತಿನ ಅಪ್ಪೆ ದೇಯಿನ ಜೋಕುಲು ಬೀರೊದ ಬಂಟೆರಾದ್, ದುರ್ಜನದ ಬಿದೆ ಅರಪುಲೆಕಾಂಡ್, ಜಾತಿಪದ್ಧತಿದ ಪರಪಂತೆಡ್, ಊಳಿಗಮಾನ್ಯ ವ್ಯವಸ್ಥೆಡ್, ಶೋಷಣೆದ ನುಗನಾಯೆರ್‌ಗ್‌ ಕೆಕ್ಕಿಲೊಡ್ಡುದು ಬಲ, ಕಡಿಬಾಯಿಬಲದಾಂತೆ ದುಡ್ಡಿನಕ್ಸೆಗ್‌ ಧೈರ ಕೊರಿಯೆರಗಾಂಡ್ ಡೊಂಕು ಸಲಾಮುದ ದುತೊಡು ನರವುನ ಜನ ಮಂದೆಗ್ ಬೆರಿಬಲ 45
