3' ಜನಪದ ಮಹಾಕಾವೊಲುಂದೇ ಗ್ರಯಿಪೊಡಾಯಿನ ಪಾಡನೊಲೆನ್ ಬಾಯಾನ ಬಾಯ ಒಂದು, ಬುಳಪಾವೊಂದು ಬಯ್ದಿನೆಟ್ ಪೊಂಜೊಲೆನ ಪಾಲ್ ದಿಂಜ. ತುಳು ಪೊಂಜೊಲು ಪ್ರಾಕ್ಡ್ಕೊಂಚ ಪಣೋಡಾಯಿನೆನ್ ಪಡೊಂದು, ಪಿಡಾಯಿನೆನ್ ಪಿಂದು, ದೂರುದುದ್ದನೊದ ಮುದೆಲ್ ತವುರೊಂದು ಬಯ್ಲಿನ ಸಂಗತಿ ಪಾಡ್ಡನೊಡು ತೆರಿಯುಂಡು. “ಅನ್ನೆಯೊನು ನಿಂಗೊಂದು, ಪೊಣ್ಣಾದ್ ಪುಟ್ಟಿನೆಕೇ ಕಣನೀರ್ ಅಲ್ಪಾವುನ ಪೊಂಜೊಲಿತ್ತಿನ ನಾಡ್, ಏಪೊಲ ಉದ್ದಾರ ಆಪುಜಿಗೆ ನಮ ತುಳುನಾಡ ಪೊಂಜೊಲು ಬಜೀ ಕಣನೀರ ಕಂದಲ್ಲ, ಚಲ, ಚೈತನ್ಯ, ಆತ್ಮವಿಶ್ವಾಸ, ಆತ್ಮಗೌರವೊದ ನರಮಾನಿಲ್ಂದ್ ಜಗತ್ತಿಗೇ ತೋಜಿ ಬನ್ನಿನಂಚಿನ ಚಿತ್ರಣ ತುಳು ಸಾಹಿತ್ಯಡುಂಡು, ಪೊಂಜೊಲೆನ ಪೊರು, ಗುಣೋತ ತಿ, ಮನದ ದುನ್ನಬಾರ, ಬದ್ದ ಸಿಕ್ಸೇಂಕ್, ಅಂಗ್ಬೆಂಗ್, ಬಡ್ತಿಯಿಗ್ರಿ.... ಸಮಾಜೊದ ಅನಿಸ್ಕೊಲು ಮಾತೆನಾ ಬನ್ನಣೆ ಮಲ್ಪುನ ಪಾಕ್ಷನೊಲೆಡ್, ಸಂಧಿಲೆಡ್ ಪೆರೆದ ಪೊಣ್ಣುಲೆನ ಪಟ್ಟಾಮುನೇ ತೂವೊಲಿ, ಸತ್ಯದ ಸಿರಿ, ದೇಯಿಬೈದೆದಿ, ಕಲ್ಲುರ್ಟಿ, ಮಾನಿಗ, ಪರತಿ ಮಂಗಣೆ, ನಾಗಸಿರಿ.... ಇಂಚ ಉದಾರೈಲ್ ದಿಂಜ. ಪೊಣ್ಣ ದನಿಯೆ ಮಿಂಚಿದ್ ಕೆಬಿಕ್ ತಟ್ಟುನಂಚ, ಮನಸ್ಸಿಗೆ ಮುಟ್ಟುನಂಚ ಮುಂತಿನ ಸಿರಿ ಪಾಡ್ಡನೊದ 'ಸಿರಿ' ಆಂಜೊವುಲು ಮುಕ್ತರಾಯಿನ ಊಳಿಗಮಾನ್ಯ ವ್ಯವಸ್ಥೆಡ್, ಅಳಿಯ ಕಟ್ ರೂಡಿಡ್ ಪೊಸ ರಿವಾಜಿ ರೂರೊಡಿನ್ ಕಣತಿನಾಲ್, ಪೊಣ್ಣಗ್ ಬಲ ಕಮ್ಮಿ, ಬಿಲೆ ಇಜ್ಜಿಂದ್ ಎಷ್ಟೊಂದು, ಪಡೊಂದು ಆಣೇ ದಿಗ್ಗಣ ಪಾಡುನ ಸಮಾಜೊಡು, ಆಣನ ನಿರೆಲ್ದಂಚ ಪೊಣ್ಣು ಬಡ್ಕೊಡಾದಿತ್ತಿನ ಕಾಲೊಡು.... ಪಂಡಿ ಪಾತೆರೊಗುತತ್ತೊಂದು, ನಡಿಕೆ ಸೆಟ್ಟಾವೊಂದು ಸೆಡಕ್ ತೋಜಾಯಿನ ತನ ಕಂಡನಿಗ್ ತಾನೇ 'ಬರ ಪಂಡ್ದ್ ಬುಡುಗಡೆ ಪಡೆತೊಂಬಿನಿ ಪಂಡ ಕುಸಲಾ? ತನ ಅಷ್ಟೆರ ಆಸ್ತಿದ ಅಂಗ್ಡ್, ಕಲುಕಬಟ ಗೊಬ್ಬುದು ಪಂಚೆತಿಗೆ ಕೂಟ ಕೂಡಾದ್ ಅಡ್ಡ ಪಾತರ ಪಣ್ಹಾಯಿನೆಕ್... ಅರಮನೆ ಜತ್ತೊಂದು ಪೋನಗ... "ಅರಮನೆ ಸುಡ್ಡು ಪೋವಡ್, ನಿಲ ಪಾಳ್ಚ್ಛಾವಡ್" ಪಣ್ಣಿನ ಸಿರಿನ ಸಾಪೊಡು, ಕುಟುಂಬುದ್ದಿದ ಕುಟುಮದಾಯೆ ಆಂಡಲಾ ಕೇಡ್ ಆವಡಿನ ಹಟ ಉಂಡು.. "ಸತ್ಯದ ಮಗಳ ಯಾನಾಂಡ ಅಚ್ಚೆರ ಪುಣ ಮಲ್ಲಿಗೆದ ಪೂತಂಚ ಹಗುರ ಆವೊಡು.." ಸತ್ಯದ ಮಗಳ್ ಯಾನ್ ಗೆಂದು ನುಂದಾಂಡ ತುದೆತ ಪರಿಪು ಉಂತುದು ಮಿತ್ತ ನೀರ್ ಮಿಲ್ಫ್, ತಿರ ನೀರ್ ತಿರ್, ನಡುದಂಡೆ ಬರೊಡು" ಇಂಚ ತನ್ನ ಬಂಜೋದ ಸಂದಿಗೊಗು ತನ ಸತ್ಯದ ನಡತೆನೇ ಪ್ರಮಾಣ ಮಲ್ಪುನ ಸಿರಿ.... ದಯೆ ದಾರಣ, ಗುಣಮಾನ ದಾಂತಿನಕುಲು ಏರೇ ಆವಡ್, ಪೂಜೆದ ಬಟ್ ಆವಡ್, ತುದೆ ಕಡಪುದಾಯೆ ಆವಡ್, ಅತ್ತೆನ ಹಮ್ಮುದ ಬಿದೆ ಮುತ್ತಾವಂದೆ ಕುಲ್ಲುಜೊಲು... ಸಿರಿನ ಪುಟುಬಲಕೆಡ್, ಪಾಡ್ಡನೊಡ ನಡಕೆಡ್ 'ಮಾಯೆ', 'ಜೋಗ' ಇಂಚಿತಿತ್ತಿನ ಸಂಗತಿಲಿಂಡಲಾ, ಸಿರಿನ ಪ್ರತಿಭಟನೆದ ರೀತಿ ವೈಯಕ್ತಿಕ ಮಟ್ರೊಡಾಂಡಲಾ, ತುಳುನಾಡ್ಜ್ ಬೇತೆ ಪೊಣ್ಣುಲೆನ ಅಸರ್ ಬೆಸ ಬೆಗಾರುದುಕ್ಕೊಗು ಅಯಿಟ್ ಪರಿಯಾರೊದ ತಾದಿ ತಿಕ್ಂಡ್. ಕಂಡನಿಗ್ 'ಬರಪಂಡಿ'ನ ಸಿರಿ ಸಾರಿಸಾರಿದ್ ಪಣೋಲು... "ನನಮಿತ್ಗಾಂಡಲಾ ದುಸ್ಯೆ ಕಂಡನಿನೊಟ್ಟುದ ಇತ್ತಿನ ಸಿರಿನ ಈ ತೀರು ತುಳುನಾಡ್ಡ್ ಏತೋ ಪೊಂಜೊಲೆನ ಬದ್ಗ್ ಬೊಲ್ಪು ತೋಜಾದ್ಂಡ್. ಮುಂಡೆ ಮುತ್ತೇಸಿ ಆಂಡ ಲೋಕನೇ ಅಂತಾರ ಆಪಿಲೆಕ ಗಡಿಬಿಡಿ ಮತ್ತೊಂಬಿನಕುಲು... ಕಂಡನಿ ಸೈತಿಬೊಕ್ಕತ ಮರುಮದ್ಯೆ ಸರಿಯಾ ಪಿನೆನ್ ಶಾಸೊಡು ನಾಡ್ ತೂಪಿನಕುಲು ಇನಿಕ್ಲಾ ಉಲ್ಲೆರ್ ಪಣ್ಣಗ - ಪೊಣ್ಣನ ಬದ್ದ ಬಿಲೆ, ದಯೆದರೋದ ನಿಲೆ ತೆರಿಯೊಂದು, ಅಳೆನ ಬದ್ದ ಬೊಲ್ಪುಗು 44
