ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
'ತುಳುರಾಮಾಯಣೋ' ಶ್ರೀಭಾಗವತೊನೇ! ಡಾ. ಕಬ್ಬಿನಾಲೆ ವಸಂತ ಭಾರದ್ವಾಜ ಶ್ರೀ ಮಂಜುನಾಥೇಶ್ವರ ಪುಸ್ತಕ ಪ್ರಕಾಶನ ಮಾಲೆಡ್ ಬೊಲ್ಪುಗು ಬತ್ತಿನ 'ತುಳು ರಾಮಾಯಣ' ಕಾವೊ (ಸಂ:ಡಾ.ಎಸ್.ಆರ್.ವಿಘ್ನರಾಜ) ವಿಷ್ಣುತುಂಗ ವಿರಚಿತ 'ಶ್ರೀ ಭಾಗವತೊ' ಕಾವೊದ ಭಾಗೊನೇ ಇಪ್ಪೆರೆ ಯಾವು ಪಂಡ್ದ್ ಅವು ಪ್ರಕಟ ಆಪಿನ ದುಂಬೇ ಯಾನ್ ಊಹೆ ಮಲ್ತದ್ ಲೇಖನ ಬರೆದಿತ್ತೆ. (ಪಳಂತುಳುಕಾವ್ಯ-2001). ಅತನಗ ಮಿತ್ತ್ ಪಂಡಿನ ತುಳುರಾಮಾಯಣಲಾ ಬೊಲ್ಪುಗು ಬತ್ತದಿತ್ತಿಜಿ. ಕನ್ನಡಭಾಗವತೊದ ಪೂರ್ಣಪಾಠಲಾ ಗ್ರಂಥರೂಪೊಡು ತಿಕ್ಕೊಂದಿತ್ತಿಜಿ. ಇಂಚಪ ಸಂಪೂರ್ಣ ಕರ್ಣಾಟಕಭಾಗವತಕಾವೊ ರಡ್ಡೆ ಸಂಪುಟೊಟು ಪ್ರಕಟವಾತ್ಂಡ್. (ಸಂ: ಹೊಳಲ್ಕೆರೆ ರಂಗರಾವ್ ಚಂದ್ರಶೇಖರ್) ಆನೆಡ್ಡಾವರ ಅಯಿತೊಟ್ಟು ತುಳುಭಾಗವತೊನು ತೌಲನಿಕವಾದ್ ವಿಶ್ಲೇಷಣೆ ಮಲ್ಪೆರೆ ಸಾಧ್ಯ ಆತ್ಂಡ್. ಅಂಚಾದ್ 'ತುಳು ರಾಮಾಯಣ' ಪ ಪುದರ್ಡ್ ಪ್ರಕಟವಾಯಿನ ಕೃತಿ ವಿಷ್ಣುತುಂಗನ 'ಶ್ರೀ ಭಾಗವತೊ'ದ ಭಾಗನೇ ಪಂಡ್ಸ್ ಇತೆ ಸಂಶಯದಾಂತೆ ಪಣೋಲಿ. 37
