ಪ್ರಯತ್ನ ಬತ್ತ್ಂಡ್. ಆಂಡಲಾ ಈ ಉದ್ದೇಸೊ ನನಲಾ ಕೈ ಕೂಡುದ್. ನೆಕ್ಕೆ ಹಕ್ಕೊತ್ತಾಯ ಮಲ್ಪುನ ಅಗತ್ಯ ಉಂಡು. ಉಂದು ದಾಯೆಪಂಡ ಸೀತಾಕಾಂತ ಮಹಾಪಾತ್ರೆ ಪಾಡ್ದಿನ ಮಲ್ಲ ಆಕ್ಷೇಪ ಪಂಡ ತುಳು ಶಾಲೆಲೆಡ್ ಕಲ್ಪಾವೊಂದಿಜ್ಜೆರ್ ಪನ್ನಿ ಆಕ್ಷೇಪ. ಅಂಚಾದ್ ತುಳುನು ಶಾಲೆಲೆಡ್ ಕಲ್ಪಾಂಡ್ ತುಳುಬಾಸೆನ್ ಸಂವಿಧಾನದ 8 ನೇ ಪರಿಚ್ಛೇದೊಗು ಸೇರಾವರೆಗ್ ಹೆಚ್ಚ ಸುಲಭ ಆಪುಂಡು, ಅಯಿರ್ದ್ಲಾ ಒಂಜಿ ಬಾಸೆ ಶಿಕ್ಷಣ ವ್ಯವಸ್ಥೆಡ್ ಬಂಡ, ಅವು ಪ್ರಬಲ ಶಕ್ತಿಯಾದ್ ಬುಲೆವುಂಡು. - ಅಂಚಾದ್ ರಾಜಕೀಯ ಶಕ್ತಿ ಇನಿ ತುಳುಬಾಸೆದ ಬುಲೆಚ್ಚಿಲ್ಗ್ ಅತಿ ಅಗತ್ಯ. ಇನಿ ಕನ್ನಡ - ತೆಲುಗು ಬಾಸೆಲೆಗ್ ಶಾಸ್ತ್ರೀಯ ಬಾಸೆದ ಸ್ಥಾನಮಾನ ತಿಕ್ದಿನ ನಂಕ್ಲಾ ಕುಸಿಯೆ, ಆಂಡ ಒಂಜಿ ಸಾವಿರ ವರ್ಸೊದ್ರಾ ಜಾಸ್ತಿ ಇತಿಹಾಸ ಉಪ್ಪುನ ತುಳುಭಾಷೆ, ಶಾಸ್ತ್ರೀಯ ಬಾಸೆಯಾವೆರ್ ಪೂರಾ ರೀತಿಡ್ತಾ ಅರ್ಹತೆ ಪಡೆದ್ಂಡಲಾ ಶಾಸ್ತ್ರೀಯ ಬಾಸೆ ಬುಡ್ಡು ಸಂವಿಧಾನದ 8ನೇ ಪರಿಚ್ಛೇದೊಗು ಸೇರ್ಸಾವೆರೆಲಾ ಸಾಧ್ಯ ಆಯಿಜಿ ಪಂಡ ಉಂದು ವಿಚಿತ್ರ ಅಂಡಲಾ ಸತ್ಯ ! ತುಳು ಪಂಡ 'ಮೃದು' ಪಂಡದ್ ಅರ್ಥಗೆ. ಆಂಡ ಪ್ರಜಾಪ್ರಭುತ್ವ ವ್ಯವಸ್ಥೆಡ್ ಕೆಲವು ಸರ್ತಿ 'ಮೃದುತನ ದೌರ್ಬಲ್ಯಲಾ ಆಪಿನ ಸಾಧ್ಯತೆ ಉಂಡು. ಗಟ್ಟಿ ಸ್ವರೊಟ್ಟು ಕೇಂಡ ಮಾತ್ರ ಅವು ತಿಕ್ಕುಂಡು. ಅಂಚಿನ ಗಟ್ಟಿ ಸ್ವರೊತ್ತ ಒಂಜಿ ಜನಾಂದೋಲನ ಆಪಿನ ಅಗತ್ಯ ಇತ್ತೆ ಉಂಡು, ತುಳುನು 8 ನೇ ಪರಿಚ್ಛೇದೊಗು ಸೇರ್ಸಾವೊಡುಂದು ರಾಜಕೀಯ ಇಚ್ಚಾಶಕ್ತಿರ್ದ್ ಗಟ್ಟಿ ಸ್ವರೊತ್ತ ಅಹಿಂಸಾತ್ಮಕ ಶಾಂತಿಯುತ ಜನಾಂದೋಲನ ಆಂಡ ಮಾತ್ರ ತುಳುಕ್ಕು, ತುಳು ಬಾಸೆ - ಸಂಸ್ಕೃತಿಗೆ, ತುಳುನಾಡ್ ಮಾನ್ಯತೆ ತಿಕ್ಕು. -
- ***
36
