ಎಲ್ಯ ಬಾಸೆಲುಲಾ ಅಕಾಡೆಮಿ ಕೇನುನ ಸಾಧ್ಯತೆ ಉಂಡು (2) ಉಂದು ಕನ್ನಡದ ಹಿತಾಸಕ್ತಿಗೆ ತೊಂದರೆ ಆಪುಂಡು, ಅಂಚಾದ್ ಒಂಜಿ ಭಾಷಾ ಅಕಾಡೆಮಿ ಮದ್ ಅವು ಮಾತಾ ಬಾಸೆಲ್ಗ್ ಕೆಲಸ ಮಲ್ಪಡ್ ಪನ್ನಿ ವಾದ ಬತ್ತ್ಂಡ್. ಉಂದೆನ್ ಮೂಲು ದಾಯೆಪಂಡೆ ಪಂಡ ಈ ವಾದೊಲೆನ್ ಬೆಂಗಳೂರುದ ಸಾಹಿತಿಲು ಬೊಕ್ಕ ರಾಜಕಾರಣಿಲು ಮಲ್ಲೊಂದುಪ್ಪುನಗ ನಮ್ಮ ಜಿಲ್ಲೆದ ರಾಜಕಾರಣಿಲು ಅಯಿಕ್ ಮೌನ ಸಮ್ಮತಿ ಕೊರಿಲೆಕ್ಕೊ ಅಕಾಡೆಮಿಲು ಪುನರಚನೆ ಆಂಡಲಾ ತುಳು ಅಕಾಡೆಮಿದ ಪುನರಚನೆಗ್ ಬೊಕ್ಕಲಾ ದಿನ ಬೊಡಾಂಡ್. ನಮ್ಮ ಜಿಲ್ಲೆದ ರಾಜಕಾರಣಿಲೆ ನಿರಾಸಕ್ತಿಗ್ ಕುಡೊಂಜಿ ಉದಾರ್ಮೆ ಕೊರ್ಪೆ. ಕೊಂಕಣಿ ಬಾಸೆಗ್ ಸಂವಿಧಾನದ ಎಡನೆ ಪರಿಚ್ಛೇದೊಡು ಸ್ಥಾನ ಕೊರ್ನಗ ತುಳುಬಾಸೆಗ್ಲಾ ಈ ಬಗ್ಗೆ ಪರಿಶೀಲನೆ ಮಲ್ಲುವ ಪಂಡ್ದ್ ಅಪಗದ ಗೃಹ ಮಂತ್ರಿಲಾಯಿನ ಎಸ್.ಬಿ. ಚವಾಣೆರ್ ಪಂಡೆರ್, ರಾಷ್ಟ್ರಮಟ್ಟದ ಮೂಮಲ್ಲ ರಾಜಕೀಯ ನಿರ್ಧಾರಾತ್ಮಕ ಸದನವಾಯಿನ ಲೋಕಸಭೆಟ್ ಅಪಗ ಗೃಹಮಂತ್ರಿಲು ಇಂಚ ಆಶ್ವಾಸನೆ ಕೊರಿಯೆರ್ಡಲಾ ಬೊಕ್ಕ ನಮ್ಮ ಜನಪ್ರತಿನಿಧಿಲು ಉಂದೆನ್ ಮರತ್ ಬುಡಿಯೆರ್. ಈ ಬಗ್ಗೆ ಏರ್ಲಾ ಹೆಚ್ಚ ಪ್ರಯತ್ನ ಅಯಿರ್ದ್ ಬೊಕ್ಕಲಾ ಒಂಜಿ ರಡ್ ಸರ್ತಿ ಈ ವಿಚಾರನು ಪ್ರಸ್ತಾಪ ಮಲ್ಲಿನಾ ಚಾಮರಾಜನಗರದ ಸಂಸದೆ ಆದಿತ್ತಿನ ಶಿವಣ್ಣೆರ್. ಆರ್ ತುಳುಬಾಸೆ 8 ನೇ ಪರಿಚ್ಛೇದೊಡು ಸ್ಥಾನಮಾನ ಕೊರೊಡುಂದು ಪ್ರಶ್ನೆ ಕೇಂಡೆರ್. ಆಂಡ ನಮ್ಮ ರಾಜಕಾರಣಿಲೆಡ್ ಕೆಲವೆರ್ ಒಂತೆ ಆಸಕ್ತಿ ತೋಜಾಯೆರ್ಡಲಾ ಹೆಚ್ಚಿನಕಲು ಈ ಬಗ್ಗೆ ಮೌನವಾದೇ ಇತ್ತೆ. ಎತೋ ಜನಪ್ರತಿನಿಧಿಲು ಖಾಸಗಿಯಾದ್ ಪಾತೆರ್ನಗ, ಉಂದು ದಾಯೆಗ್? ತುಳು ಪಾತೆರು ಬಾಸೆ ಅತ್ತ? ಅಯಿಕ್ ಸಂವಿಧಾನದ ಮಾನ್ಯತೆ ತಿಕ್ಕಿದ್ ದಾದ ಆವೊಡು ಪನ್ಸಿ ಪ್ರಶ್ನೆನ್ ಎಂಕ್ ಕೆಂದಿನಲಾ ಉಂಡು. ನೆಕ್ಕ ಮುಖ್ಯ ಕಾರಣ ಅಕ್ಲೆಗ್ಲಾ ತುಳು ಶಕ್ತಿದ ಪರಿಚಯದ ಕೊರತೆ ಉಂಡು. ಇಂಚೊಗು ರಡ್ ಒರ್ಸೊಡ್ಡು ದುಂಬು ತುಳುನು ಆಜಿನ ಕ್ಲಾಸ್ಡ್ ಒಂಜಿ ಬಾಸೆಯಾದ್ ಕಲ್ಪಾವುನ ಬಗ್ಗೆ ಡಿ.ಎಸ್.ಇ.ಆರ್.ಟಿ ದ ಮೂಲಕ ಸರಕಾರೊಗು ಒಂಜಿ ಪ್ರಸ್ತಾವನೆನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಕೊರುಂಡು. ಈ ಬಗ್ಗೆ ಜಿಲ್ಲೆದ ಮಾತಾ ಜನ ಪ್ರತಿನಿದೆಲೆನ್ ಬೆಂಗಳೂರುಡು ಭೇಟಿಯಾದ್ ಅಕಾಡೆಮಿದ ಅಧ್ಯಕ್ಷೆ ಸದಸ್ಯೆ ಒತ್ತಾಯ ಮಲೆರ್, ಒಂಜಿರಡ್ ಜನ ಬುಡುಂಡ ಬೊಕ್ಕ ಹೆಚ್ಚಿನ ಜನಪ್ರತಿನಿಧಿಲು ಉಂದೆನ್ ಗಂಭೀರವಾದ್ ಗೆತೊಂಜೆ, ಮಂತ್ರಿಲಾಯಿನ ಡಾ. ವಿ.ಎಸ್. ಆಚಾರ್ಯ ಬೊಕ್ಕ ಕುಡ್ಲದ ಶಾಸಕೆರಾಯಿನ ಯೋಗೀಶ್ ಭಟ್ರೆನ ಪ್ರಯತೊರ್ದಾವರ ಅವು ಕ್ಯಾಬಿನೆಟ್ ಮುಟ್ಟ ಬತ್ತಂಡ್. ಅವು ಕ್ಯಾಬಿನೆಟ್ಡ್ ಪಾಸ್ ಅವೊಡುಂದುಪ್ಪುನಗ ಅಪಗದ ಸರಕಾರ ಪತನ ಆಂಡ್ ಅಯಿರ್ದಾವರ ಈ ಪ್ರಸ್ತಾವನೆಗ್ ಹಿನ್ನೆಡೆ ಆಂಡ್. ತುಳು ಸಾಹಿತ್ಯ ಅಕಾಡೆಮಿ ನೆಕ್ಕ ಪೂರ್ವ ತಯಾರಿ ಮಲ್ತ್ದ್ ಪುಸ್ತಕಲಾ ತಯಾರ್ ಮಲ್ತ್ದಿತ್ತ್ಂಡ್. ಆಯಿರ್ದ್ ಬೊಕ್ಕ ಪೊಸ ಸರಕಾರ ಬತ್ಕಂಡ್, ಅಕಾಡೆಮಿ ಈ ದಿಸೆಡ್ ಬಾರಿ 35
