ಮಲ್ತ್ದ್ ಕಿರಿಯ ಪತ್ತುವೆರ್. ಬೊಜ್ಜದ ದುಂಬಿನಾನಿ ರಾತ್ರೆಗ್ ಇಲ್ಲಡ್ ನೀರ್ ನಿರೆಲ್ ಕಟ್ಸ್, ಮರ್ದಿನ ಪುಲ್ಲೆಕಿಲ್ಗ್ ಜಾಲ್ಡ್ ಬಾರೆ ಬಂಬೆ ಕುಂಬುಡ ಕಡ್ಸ್, ಅಣ್ ಸಂತೆಸಿ ಚವರ ಮಲ್ಲೊಂದು, ಮಾತೆರ್ಲ ಮುರ್ಕ್ ಮೀದ್ ಬಿರ್ದ್ದೂಲಿಗೆಡ್ ಸುಡಲೆಗ್ ನುಪ್ಪು ಬಲಸುವೆರ್. ಆ ದಿನ ರಾತ್ರೆಗ್ ಕುಲೆನ್ ಉಲಯಿ ಲೆತ್ತ್ದ್ ಬಲಸೂನ ಮಡೆ ಬೊಜ್ಜ ಮಲ್ಪುವೆರ್. 3 ತುಳುನಾಡ್ ಆನಿದ ಕಾಲೊಡ್ ಸುತ್ತುಮದಲ್ಲ ಇಲ್ಡ್ ಇನಿ ನಿನೆಪೊಡಾಯಿನವು. ಉದ್ದಾನುದ್ದ ಇಲ್ಡ್. ಬಡಕಯಿ ಮರ್ಗಿಲ್ಡ್ ಆನೆ ಬಾಕಿಲ್ ಇಲ್ಲದ ಬಡಕಾಯಿ ಉಸ್ಟೆಲ್, ಬೊಕ್ಕ ತುಲಸಿ ಕಟ್ಟೆ, ಇಲ್ಲ ಎಲ್ಡ್ ಮಲ್ಲ ಜಾಲ್, ಅಲ್ಪನೆ ಪಡ್ಡಯಿ ಮರ್ಗಿಲ್ಡ್ ಜೋಡು ಸಿರಿತುಪ್ಪ, ಬಡಕಯಿ ಮರ್ಗಿಲ್ಡ್ ಇಲ್ಲಗ್ ಮೋನೆ ಪಾಡ್ ಉದ್ದಾನುದ್ದ ಕಿದೆ. ಕಿದೆ ನಿಲಿಕೆ 50- 100 ಕೈಕಂಜಿಲು. ಇಲ್ಲ ಸುತ್ತ ಮಲ್ಲ ಮಲ್ಲ ಜನಜಾಲ್, ಬೆಯಿಪದಿ ಬಾರ್ ನುಂಗೆರೆ. ಇಲ್ಲ ಉಲಯಿ ಮಲ್ಲ ಚಾವಡಿ, ಪಡ್ನಲೆ, ಅಡ್ಡಿಅದೆ, ಕುಟ್ಟ, ಕುಟ್ಟ ನಿಲೀಕೆ ಮುಡಿಯರಿ, ಚಾವಡಿಡ್ ಮದನಕ್ಕಾದ ಮಿತ್ತ್ ಪಲಯಿಡ್ ದೈವೊಲೆ ಮಂಚವು. ಒಂಜಿ ಕಾಲೊಡ್ ತುಳು ನಾಡ್ಡ್ ಕಂಬುಲ ಕೋರ್ತಟ್ಟ, ಸರಿಮುಗುಲಿ, ಚೆನ್ನೆಮಣೆ ಆಟ, ಸೋಡಿ ಆಟ, ತಾರಯಿ ಕಟ್ಟೋನ್, ತಪ್ಪಂಗಾಯಿ ಇಂಚ ಪತ್ಪದಿನಾಜಿ ಬಗೆತ ಗೊಪ್ಪುಲು ಇತ್ತ. ಇನಿ ನಮ್ಮ ತುಳುನಾಡ್ ಜನೊಕುಲು ಊರಿಡೀ ಪಸರ್ದ್ ಪೋತೆರ್. ದೂರ ದೂರದ ಊರುಡ್ ಬ್ಯಾರ ಮಲ್ಲೊಂದು ಉಲ್ಲೆರ್, ಬದ್ಡ್ ಆಚಾರೊನು ಅನುಕೂಲೊಗು ಬೋಡಾಯಿಲಕ್ಕ ಬದಲಾವಣೆ ಮಲ್ಪುವೆರ್. ಅಂಚೆನೆ ಪರತ್ ಮದೆಪೆರೆಗ್ ಸುರು ಕೊರ್ತೆರ್. ಬದಲಾವಣೆ ಕಂಡಿತಾ ಬೋಡು. ಐತ ಒಟ್ಟುಗು ಬೇತೆ ಕಡೆಡ್ ಎಡ್ಡ ಅಚರ್ನೆನ್ ಪತ್ತೊನೈಟ್ ಅಡ್ಡಿ ಇಜ್ಜಿ. ಆಂಡ ದುಂಬುದ ಜನಾಂಗೊಗು ನಮ ಹಿರಿಯೆರ್ನ ಕಾಲೊಡು ನಡತೊಂದು ಬೈದಿನ ಎಡ್ಡೆ ಆಚೆರ್ನೆನ್ ನಿನೆಪು ದೀದ್ ತೆರಿಪಾವುನ ಅಗತ್ಯ ಉಂಡು. 32
