ತುಳು ಜಾತಿಲೆಡ್ ಅಮ್ಮನ್ನಾಯ - ತಾಲೆನ್ನಾಯ - ಕೋಟ್ಯನ್ಯಾಯ- ಬಂಗರಾಯ- ಚನಿಲನ್ನಾಯ- ಪಾಂಗುಲನ್ನಾಯ- ಸೋಬನ್ನಾಯ -ಉಪ್ಪನ್ನಾಯ- ಕುಂದರನ್ನಾಯ-ಮಾಬೆನ್ನಾಯ್- ಜತ್ತನ್ನಾ- ಕಕ್ಕೆರನ್ನಾ ಇಂಚ ಇರುವ ಬರಿನ್ ಇಂಗಡನೆ ಮಲ್ಪೆರ್. ದುಂಬುದ ಕಾಲೊಡ್ ಪಿರ್ತಿ ಒರಿ ತುಲುವಗ್ರ- ಒಂಜಿ ನಾಗ ಮೂಲ, ಒಂಜಿ ಆಲಡೆ, ಬಡಕಯಿ ಮಾರ್ನಕಟ್ಟೆ, ಒಂಜಿ ದೈವ ಮೂಲ ಇತ್ತ್ಂಡ್. ಇಡೀ ತುಳುನಾಡ್ಗ್ ನಾಗೆ ಮೂಲ, ಈ ಬೂಮಿ ನಾಗಗ್ ಸೇರ್ದಿನವು. ಅಂಚಾದ್ ಇಡೀ ತುಳು ಬೂಮಿ ನಾಗನಡೆ-ನಾಗಬನ ನಾಗಕಲ್ಸ್ಡ್ ದಿಂಜಿದ್ ಪೋತುಂಡು. ದುಂಬುದ ಕಾಲೊಡ್ ನಾಗರ್ ತುಳು ಜನೊಕುಲು ಮುಟುದು ಪೂಜ ಮತ್ತೊಂದಿತ್ತೆರ್. ತುಳುವರ್ ನಾಗಮೂಲೊಗು ಸೇರ್ದಿನಗ್ಲ್. ತುಳುವರ್ ದೈವ ನಂಬೂನಗಲ್, ಕೂಡು ಕುಟುಮೊಡ್ ಪುಟುದ್ ಪತ್ತೆರೆಗಾದ್ ಎಡ್ಡೆ ಬೇಲೆ ಬೆಂದ್ದ್ ಸತ್ತೆ, ದರ್ಮ, ನ್ಯಾಯೊನು ಕಾತ್ ಕಡೆಕೊಂಜಿ ದಿನ ಪಿರಣ ಕೊರ್ನಗಲೆನ್ ತುಳುವೆರ್ ಏಪೊಗ್ಲಾ ಮದಪಯರ್. ಕೆಲವು ದೈವೊಲು ಈಸರ ದೇವರ್ನ ಗಳೊಕ್ಲ್. ಕೆಲವು ನರಮಾನಿ ದೈವ ಆತಿನವು. ಒರಿದಿನವು ಮುರ್ಗೊಲ್ (ಪ್ರಾಣಿ) ದೈವೊಲ್. ಜುಮಾದಿ, ಜಾರಂದಾಯೆ, ಒಡಿಲ್ತಾಯೆ, ಇಂಚಿತ್ತಿ ದೈವೊಲು ಈಸರ ದೇವೆರ್ನ ಗಣೋಕುಲ್, ಪಂಜುರ್ಲಿ, ಪಿಲ್ವಂಡಿ, ಮೂಲ ಮಯಿಸಂದಾಯಿ, ನಂದಿಗೋಣೆ, ಹಾಗೂಳಿ, ಇಂಚ ಪ್ರಾಣಿ ದೈವೊಲು, ನರಮಾನಿ ದೈವತ್ತೊಗ್ ಏರ್ದಿನೈಕ್ ಕೊಡಿದ ಬಬ್ಬು ಬೀರು ಕಲ್ಕುಡೆ - ವರ್ತೆ, ಬಬ್ಬರ್ಯ, ಮಾಯಂದಾಲ್, ತನಿಮಾನಿಗ, ಕೊಡಮಂದಾಯೆ, ಇಂಚ ಉದಾರ್ನೆ ಕೊರೂಲಿ. ಕುಟುಮ್ ನಂಬೊಂದು ಬರ್ಪಿನ ದೈವೊಲೆನ್ ಇಲ್ಲದ ಉಲಯಿ ಒಂಜೇ ಮಂಚಾವುಡ್ ಅಲವುದ ಕಡಲೆ, ಕಂಚಿದ ಕೂಜಿಡ್ ನೀರ್ ದೀದ್ ನಂಬೊಂದ್ ಇತ್ತೆರ್. ದೈವೊಲೆಗ್ ಮಾನೆಚ್ಚಿದ ದರ್ಸನ, ಬೋಗ - ತಂಬಿಲ, ಕೋಲ-ನೇಮ ನಡಪುಂಡ್, ತುಲು ಜನೊಕುಲೆಗ್ ಈ ಬೂಮಿದ 'ಸತ್ಕಲ್' ಪಂಡ್ದೇ ನಂಬುದಿನ ದೈವೊಲೆನ ಮೂಜಿರೆ ಗಂದ, ತಿಂಗರದ ಕುರ್ಪ ಮಾಮಲ್ಲ ನಿದಿ ಸಿಕಿಲಕ್ಕ. ತುಳು ಜನೊಕುಲೆನ ಜಾನಪದ ಆಚರ್ನೆ ಬೊಕ್ಕ ಪರ್ಬೊಲೆಡ್ ಬಾಲೊಂಜಿ ಅರ್ತ ದಿಂಜಿದ್ಂಡ್, ವರ್ಸೊಗೊರ ಬರ್ಪಿನ ಇಗಾದಿ (ಯುಗಾದಿ) ಬೆನ್ನಿದಲ್ ಪೊಸ ವರ್ಸ ಬೊಕ ಬುಲೆ ಬೆನ್ನೆಲ್ ಮೂರ್ತ ಮಲ್ಪುನ ಪರ್ಬ. ಒಂಜಿ ಕಂಡದ ಮುಗ್ಧ ಕೊಚ್ಚಿ, ರಡ್ ಎರು ಕಟ್ದ್ ಒಂಜಿ ಪೊಲಿ ಮಾದವೊಡ್. ಕೂಡು ಕುಟುಮದ ಆಣ್ ಬಲೆಲ್ ಮೂಜಿ ಪುಂಡಿ ಬಿತ್ (ಬಾರ್) ಮೂಜಿ ಪುಂಡಿ ಮುದರ (ಗೊಬ್ಬರ) ಕೊನೊದು ದತ್ತಿ ಕಂಡೊಗು ಬಿಸ್ದ್ ಬರೊಡು. ಪರ ಬೆನ್ನಿ ಬುಡ್ಡಿನಿ, ಪೊಸ ಬೆನ್ನಿ ಮಲ್ಲುನ್ ಇಗಾದಿದಾನಿಯೆ. ತುಳುವೆರ್ನ ಅಟ್ಟೆಮಿ (ಅಷ್ಟಮಿ) ಬೇತೆನೆ ಪೊರ್ಲು ಉಂಡು, ಅಟ್ಟೆಮಿದ ದುಂಬಿನಾನಿ ರಾತ್ರೆಗ್ ಬಂಜರ ಉಂಡ್ದ್ ಮೀದ್ ಪಾಸ ಕುಲ್ಲುಂಡ ಮರ್ದಿನ ನಡೀರ್ಗ್ ತಿಂಗೊಲ್ (ಚಂದ್ರ) ಉದಿತೊಂದ್ ಬತ್ತಿ ಬೊಕ್ಕ ತುಲಸಿ ಕಟ್ಟೆದ ಎರ್ ದೇವೆರೆಗ್ ಅರ್ಗೆ ಕೊರಿ ಬೊಕ್ಕನೆ ಉನ್ನಿನಿ, ಆನಿದ ಮದ್ದೆನೊಡ್ ಒಂಜಿ ಬೊಂಡ ಪರ್ದ್ ಕುಲ್ಲುವೆರ್ ತುಲುಜನ ಆನಿದ ಕಾಲೊಡ್ ಬೆನ್ನಿದ ಬೇಲೆದ ನಡುಟ್ ಬೇತೆ ಉಪ್ಪಸ ಪತ್ತುಜೆರ್, ಆಂಡ ಮಲ್ಲಿ ಬೇಲೆಡ್ ತೂಪರ್ಕೆಗ್ 30
