ಕಾಲಿ ಜಾಗೆಡ್ ಪರಿಸರೂ ಪನ್ಸಿ ನಿಲೆಟ್ ಪಚ್ಚೆ ನಿಲೆಟ್ ಪಚ್ಚೆ ಪಜಿರ್‌ನ್, ಪಕ್ಕಿ ಪರಣೆ ಮುರ್ರೊಲೆನ್, ಅಂಚನೇ ಕಲ್ಲು ಖನಿಜಲೆನ್ ಮಾತ್ರ ನಮ ಪರಿಸರೊಂದು ಪನೊನುವ. ಬಹುಷಃ ತುಳು ಪರಿಸರೊನು ನಮ ಈ ಮಾದರಿಡ್ ಕಟ್ಟಂದೆ ತುಳು ಸಂಸ್ಕೃತಿದ ಸ್ವರೂಪೊಡು ತುಳು ಪರಿಸರೊನು ಕಟ್ಟರೆ ಆಪುಂಡಾ ಪಂಡ್ ನಮ ಯೋಚನೆ ಮಲ್ಲೊಡಾಪುಂಡು, ಪರಿಸರೂ ಪನ್ನಗ ಅವು ಮರದೈಕುಲು, ಪಕ್ಕಿಪರಣೆಲು, ಕಲ್ಲು ಖನಿಜೊಲು ಮಾತ್ರ ಅತ್ತೆ ಬಾಸೆ, ಕುಟುಂಬೊ, ಕೂಡುಕಟ್ಟೆ, ರೀತಿನೀತಿ ನಂಬೊಳಿಗೆ ಇಂದು ಮಾತ ಸೇರ್ದ್ ಇಪ್ಪುನ ಸಂಸ್ಕೃತಿದ ನಿಲ್‌ಟ್ ನಮ ಪರಿಸರೊನ್ ಪರಿಕಲ್ಪಿಸವೊಲಿಯಾ ಪಂಡ್ ಯೋಚನೆ ಮಲ್ಲೊಡಾಪುಂಡು, ದಾಯೆಂದಂದಾಂಡ ಸಂಸ್ಕೃತಿದ ಉಲಯಿಡ್ ಒಂಜೆನ್ ಬುಡುಂಡ ಕುಡೊಂಜಿ ಇಪ್ಪುಜಿ ಪನೆನ್ ನಮ ಪಿಂದೊನೊಡಾಪುಂಡು, ತುಳುತ ಕೂಡುಕಟ್ಟಿದ ಉಲಾಯಿಡ್ಡೆ ನಮ ತುಳು ಪರಿಸರೊನು ಕಳ್ಕೊಂಡ ನಮ ಒವೆನ್ ಪರಿಸರೊಂದು ಪನ್ದನಾ ಅವು ಕೇವಲ ಗುರುತು ಮ ಅವನೊಂಜಿ ಬಿಲೆ ಇತ್ತಿ ಸೊತ್ತುಲಾದ್ ಮಾತ್ರ ಒರಿತೊನುನಲೆಕ್ಕ ನಮ ಪಾತೆರುಜ. ದಾಯೆಂದಾಂಡ ಅವು ಇಜ್ಜಂದಾಂಡ ನಮ್ಮ ಸಂಸ್ಕೃತಿ ಪನ್ನಿನವು ಇಪ್ಪುಜಿ. ತುಳು ಪರಿಸರೊನು ನರಮಾನಿನ ನಿಲೆಟ್ ತುಳು ಸಂಸ್ಕೃತಿದ ನಿಲೆಬಿಲೆಟ್ ನಮ್ಮ ಕಟ್ಟುವದಾಂಡ ಕಲ್ಲುಲು ಮಾತ್ರ ಅತ್ತೆ ಈ ಮಣ್ಡ್ ಪುಟ್ಟುಬಲತಿನ ಮರದೈಕುಲು, ಪಕ್ಕಿ ಪರಣೆಲು, ಮುರ್ಗೊಲು ಮಾತಾ ತುಳು ಪರಿಸರೊದ ಕತೆಕುಲೆನ್ ಪನೊಂದುಲ್ಲಂದ್ ತೋಜುಂಡು, ನಮ್ಮ ತುಳುತ ಅಜ್ಜಿಕತೆಟ್ ಬಾಲೆಮೀನ್ ಬೊಕ್ಕೊ ಮುಗುಡು ಮೇನ್‌ ಮಿತ್ತ ಕತೆ ಕೇನ್ಗುಪ್ಪ, ಈ ಕತೆಟ್ ಬರ್ಪಿಲೆ, ಪಲಯೆ ಮಲ್ಲಿಗೆದ ದಮಡೆನ್ ಕಂತ್‌ ಇಲ್ಲದ ತಡ್ಯಡ್ ದೀದ್ ಏರ್ ಈ ಪೂತ ದಮಡೆನ್ ತರೆಕ್ ದೀಪರಾ ಅನ್ ಯಾನ್ ಮಧ್ಯೆ ಆಪೆಂದ್ ಪನ್ನೆ. ಪಲಯೆ ಪಂಡಿ ಪಾತರ ತೆರಿಯದೆ ಇಲ್ಲಡಿತ್ತಿನ ಆಯನ ಮೆಗ್ಗಿ ಈ ಸೂತ ಚೆಂಡ್‌ನ್ ತಡ್ಕಡ್ ತರೆಕ್ ಮುಡಿಪಲ್‌ಗೆ, ಮೆಗ್ರಿ ಪೂ ಮುಡಿತ್ತಿನೆನ್ ತೂಯಿನ ಪಲಯೆ ನಿನನ್ ಯಾನ್ ಮಧ್ಯೆ ಆಪೆಂದ್ ಪನ್ನೆಗೆ, ಅಪಗ ಮೆಗ್ಗಿ ಪೋಡಿದ್, ಈ ಮಧ್ಯೆ ಆವಂದ್ವಂದ್ ಪೋಯಿನ ಮೆಗ್ಗಿ ಈ ಮದನ್ ತಪ್ಪಾವರೆ ಬೋಡಾದ್ ಇಲ್ಲದ ತಡ್ಯ ಕಡತ್ತ ಜಾಲ್‌ಗ್ ಕಾರ್ ದೀಪಲ್‌ಗೆ, ಮಗ್ಗಿ ಇಲ್ಲಿ ಬುಡ್ಡು ಜಾಲ್‌ಗ್ ಪಾರ್ ಪೋಯಿನೆನ್ ತೂಯಿನ ಪಲೆ ಅಲೆನ ಬೆರಿಪತ್ತೊಂದು ಪೋಪೆಗೆ. ಇಂದೆನ್ ತೂಯಿನ ಮೆಗ್ಗಿ ಪಲಯಡ್ಡ ತಪ್ಪಾಯರೆ ಬೋಡಾದ್ ಅಲ್ಲೇ ಇತ್ತಿನ ಮರನ್ ಮಿತರುವಲ್‌ಗೆ, ಪಲೆಯೆಲಾ ಮರ ಮಿತರುವೆಗೆ. ಮೆಗ್ಗಿ ಮರ ತಿರ್ತ್‌ಲಾಗಿದ್ ಮರತ ಅಡಿಟ್ ಇಪ್ಪುನ ಕೆದುತ ನೀರ್‌ನ್ ಸೇರುವಲ್‌ಗೆ, ಪಲಯಲಾ ಕೆದುಕು ಲಾಗಿವೆಗೆ, ಕೆದುಟು ಮೊಕುಲು ರಡ್ಡೆ ಜನಲಾ ಮೀನ್ ಆದ್ ರೂಪಾಂತರ ಆಪೆಲ್‌ಗೆ, ಮೆಗ್ಗಿ ಬಾಲೆ ಮೀನುಲು ಆದ್ ರೂಪಾಂತರ ಆಪೆರ್‌ಗ್, ಮೆಗ್ಗಿ ಬಾಲೆ ಮೀನು ಆಯಲ್ಲ, ಪಲಯೆ ಮುಗುಡು ಮೀನು ಆಪೆಗೆ ಅಪಗ ಕೆದುತ ಬರಿಟ್ ಮೀನುಲೆನ ಬೋಂಟೆ ಮದ್ ಅವೆನ್ ಇಲ್ಲಡೆ ಕಂತ್‌ ಅಡ್ಡೆಗೆ, ಅಪಗ ಪೊಣ್ಣು ಮೀನು ಪನ್ನುಂಡುಗೆ ಪಲಯೆಲಾ ಮೆಗ್ಗಿಲಾ ಕುಚು ಕುಚು ಒಟ್ಟಿಗೆ ಅಡಡ ಪಂಡ್ಸ್. ಮೀನುದ ಬಾಸೆ ತೆರೆಯೊನೊರೆ ಆವಂದಿನ ಆಯೆ ರಡ್ಜ್ ಮೀನುಲೆನ್‌ಲಾ ಬಿಸಲೆಡ್ ಒಟ್ಟಿಗೆ ಪಾಡ್ ಅಡ್‌ಗ ಬಿಸಿಲೆ ನಿನ್ನೆ ನೆತ್ತ ತೋಜುಂಡುಗೆ. ಪೋಡಿದ್ ಪೋಯಿನ ಆಯೆ ಅವೆನ್ ಇಲ್ಲದ ಪಿದಯಿ 25
