ಒಂಜಿ ಊರುಡ್ಡು ಒಂಜಿ ಊರುಗು ಸಾಮನ್ನ್ ಸಾಗಾಯರೆ ರೈಲ್ದ ಪಟ್ಟಿನ್ ಪಾಡ್ನಗ ಏತೋ ಊರುಲು, ಕಂಡೊಲು, ಕಾಡುಲು ಮಾತ್ರ ಇಜ್ಜಾಂದೆ ಪೋಂಡ್. ಕೈಗಾರಿಕೆಲೆನ ಕುರ್ತೆಲ್ ನೀರ್ನ್ ಸುದೆ ಕಡಲೆಗ್ ಬುಡಗ, ಕಾಡ್ ಕಡ್ಡುನಗ ಏತೋ ಜೀವಿಲು ಇಜ್ಜಾಂದೆ ಪೋಂಡು, ಕಂಡೊಲೆಡ್ ಕಟ್ಟೋಣೋಲು ಲಕ್ಕಿ ಬೊಕ್ಕ, ಊರುಲು ಪೋದು ನಗರೊಲು ತೆರೆ ದೆರ್ತ, ಬಾನೊಡು ಮುಗೆ ಜಿಂಜೆಂಡ್. ಇಂಚ ಬೆನ್ನಿದ ಕಾಲೊಡ್ಡು, ಕಾರ್ಖಾನೆದ ಕಾಲೊಗು ನರಮಾನಿನ ಬದ್ಕ್ ರ್ಗನ ದುಂಬಿತ್ತಿ ಕಾಡ್ನಾಡುಲು, ಪಕ್ಕಿ ಪರೆಲು, ಪಚ್ಚೆ ಪಜಿರುಲು, ಕಲ್ಲ ಖನಿಜೊಲು ನಾಶ ಆಪ ಪನ್ನಿ ನಿಲೆಟ್ ಪರಿಸರೊ ಪತ್ನಿ ಪರಿಕಲ್ಪನೆ ಉದಿಪನ ಆಪಿನೆನ್ ನಮ ತೂಪ. ಅಂಚಾದ್ ಪರಿಸರೊ ಪನವು ಒಂಜಿ ಬಾಸೆಡ್ ತೋಜಿದ್ ಬರ್ಪಿನ ಪದೊ ಮಾತ್ರ ಅತ್ತೆ. ಅವು ಪರಿಕಲ್ಪನೆಲಾ ಅಂದ್. ಈಯೊಂಜಿ ಸಂಗತಿನ್ ಗೇನೊಡು ದೀವೊಂದೇ ನಮ್ಮ ತುಳು ಪರಿಸರೊನು ಪರಿಕಲ್ಪಿಸಾವೊಡಾಪುಂಡು. 2 ನಮ್ಮ ತುಳುನಾಡ್ ಕಡಲ್ಲ ಕರೆಟ್ ಇತ್ತಿನೆಡ್ಡಾವರ ಕಡಲ್ಪ ಮಾರ್ಗೊಲು, ರಾಷ್ಟ್ರದ ಮೂಲೆ ಮೂಲೆಲೆನ್ ಜೋತ್ಪಾವುನ ಸಾದಿಲು, ರೈಲ್ ಪಟ್ಟೆಲು, ಇಮಾನದ ಮಾರ್ಗೊಲು ಇಂಚ ಮಾತಾ ರೀತಿದ ಸೌಕರ್ಯೋಲು ಇತ್ತಿನೆಡ್ಡಾವರ ತುಳುನಾಡ್ಡ್ ಬಾರಿ ಬೇಗನೆ ಆಧುನೀಕರಣದ ಪ್ರಕ್ರಿಯೆಗ್ ತಿಕ್ಕನ್ ಬೂರುಂಡ್. ಇಂಚಾದೇ ಕಾರ್ಖಾನೆಲು ಬತ್ತಿನ ಮಾತ್ರ ಅತ್ತೆ ಇನಿತ ದಿನೊಟು ಸುದೆ ತಿರ್ಗಾವುಂನಂಚಿನ ಯೋಜನೆಲೆಡ್ಲಾ ಪರಿಸರೊ ಹಾಳಾಪುಂಡು ಪನ್ರಿ ಜನಮಾನಿನ ಬೇನೆ ಬೇಜಾರ್ದ ಪಾತೆರೊಲೆನ್ ನಮ ಕೇನುವ. ಅಂಚೆನೇ ಅಯಿಕ್ ಎದುರಾದ್ ಜನ ಸೊಂರ್ಬಿನ ಬಂಗೊಲೆನ್ಲಾ ನಮ ತೂಪ. ಇನಿ ಅಭಿವೃದ್ಧಿದ ಪುದರ್ ಏತೋ ಜನಕುಲೆನ ಬಂಜಿಪಡಿಲಾ ಈ ಕಾರ್ಖಾನೆಲೆಡ್ ತಿಕಿದಿನಿಲಾ ಉಂಡು. ಈ ಮಣ್ಣಿನ್ ತುಳುನಾಡ್ದ ಮಣ್ಡ್ ಕೊಡಿತ್ತೋದ್ ಎಗ್ಗೆ ಪಡಯಿನ, ಬುಲೆಯಿನ, ಪರಡಿನ ನಾನಾ ನಮೂನೆದ ಪಚ್ಚೆ ಪಜಿರ್ ಮಿತ್, ಅಂಚನೇ ಈ ಮಣ್ಡ್ ಜೀವ ಪಡೆದ ನರಮಾನಿನ ಚರ್ಮದ ಕಣ್ಣ ದಿಟ್ಟಿಗ್ ಬರಂದೆ ಕಾಡನಡುಟು ಬದುಕುನ ಅಂಚೆನೇ ಬಾನ ಮಿತ್ತೆ ಪಾರುನ ನಾನಾ ನಮೂನೆದ ಪಕ್ಕಿ ಪರಣೆಲು, ಮುರ್ಗೊಲೆನ್ ಅವು ಅತ್ತಾಂದೆ, ನರಮಾನಿನ ಕಣ್ಣೆಗ್ ರೋಜದೆ ನೆಲತ ಅಡಿಟ್ ಅಡೆಂಗ್ದುಪ್ಪುನ ಕಲ್ಲುಲು, ನಾನಾ ನಮೂನೆದ ಖನಿಜ ಸಂಪತ್ತದ ಸೊತ್ತುಲೆನ್ ಒರಿಪಾವೊಡು ಪನ್ನಿ ನಿಲೆಟ್ ಪರಿಸರೊನು ನಮ ಮೊಡೆದ್ ಕೊರ್ಪ. σ ಇಂಚ ನಂಕ್ ತೋಜಂದೆ ಬತ್ತಿನ ಈ ತುಳು ಪರಿಸರೊನು ನಮ ಗೇನೊಗು ಕನತ್ದ್ ಅವೆನ್ ಕಾತೊನುನ ಅಂಚೆನೇ, ಒರಿತೊನುನ ಬೇಲೆನ್ ಬಂದಿಜಾಂದಾಂಡ ಇನಿ ಅವು ಪೂರಾ ನಮ್ಮ ಕಣ್ಣ ಕರೆಡ್ ಮಾಜಿದ್ ನಿಸ್ಸಂತಾನ ಆದ್ ತುಳು ಪರಿಸರೊ ಇಜ್ಜಾಂದೆ ಪೋವು ಪನ್ನಿ ಎಚ್ಚರೊಲಾ ನಮ್ಮ ಉಡಲ್ಡ್ ಮಟ್ಟುಂಡು. ಅಂಚಾದ್ ಪರಿಸರೊಂದು ಪನ್ನಿ ನಿಲೆಟ್ ಇಂಚಿನ ಸಂಗತಿಲೆನ್ ನಮ ಗೇನೊಗು ಕನನಗನೇ ಬೇತೆ ಬೇತೆ ಕಾರಡೊಲೆಡ್ ಅವು ನಾಶ ಆಪಿನಂಚಿನವು ಪನ್ನಿ ನಿಲೆಟ್ ನಮ ಪರಿಸರೇನು ಗ್ರಹಿತೊನುವ. ಈ ಬಗೆಟ್ ನಮ ತುಳು ಪರಿಸರೊನು ಕಟ್ಟಿಯರೆ ಪೋಯಂದಾಂಡ ಅವೆನ್ ಒರಿತೊನೊಡು ಪನ್ನಿ ಇರಾದೆಡೇ ತುಳು ಪರಿಸರೊನು ನಮ ಕಟ್ಟುವ ಪರಿಸರೊ ಪನ್ನಿನ ಕಲ್ಪನೆನೇ ಆವೊಂಜಿ ಪೊಸ ಕಾಲೊದ ಕಲ್ಪನೆ. ಅಂಚಾದೇ ನರಮಾನಿದಾಂತಿನ 24
