ತುಳು ಪರಿಸರೋ ಡಾ. ಬಿ. ಶಿವರಾಮ ಶೆಟ್ಟಿ ತುಳು ಬಾಸೆದ ಪೊಲಬು ಇತ್ತಿನಕೆಗ್ ಗೊಂತಿಪ್ಪು ಪರಿಸರೊ ಪತ್ನಿ ಪದೊನೇ ತುಳುಕು ಒಂಜಿ ಪೊಸ ಪದೊ ಪಂಡ್‌ದ್. ಅಂಚಾದ್ ಪರಿಸರೂ ಪನ್ನಿನೆನ್ ಪಿನೊನಂದೆ ತುಳು ಪರಿಸರೊ ಪಂಡದಾದಂದ್ ಪನಿಯೆರೆ ಆಪುಜಿ. ಪರಿಸರೂ ಪನ್ನಿನವು ಒವೆನಾ ಒಂಜೆನ್ ಗುರುತು ಮಲ್ಲುನ ಪದೊ ಮಾತ್ರ ಅತ್ತ್. ಅವೊಂಜಿ ಪರಿಕಲ್ಪನೆ. ಈ ಪರಿಕಲ್ಪನೆ ಜಗತ್ತ ಬೇತೆ ಬೇತೆ ದೇಶಲೆಡ್ ಬೇತೆ ಬೇತೆ ಕಾಲಗಟ್ರೊಲೆಡ್ ಮೊಡೆದ್ ಬೈದಂಡ್. ಊರುಲೆಡ್ ಕಾರ್ಕಾನೆಲು ಬತ್ತಿನೆಡ್ಡಾವರ ಕಾಡ್ ನಾಡುಲು ಮಾತಾ ನಾಶ ಆವೊಂದು ಬನ್ನಗ ಅವೆನ್ ಒರಿತೊನೊಡು ಪನ್ನಿಗೇನೊಡು ಪರಿಸರೋ ಪನ್ಸಿ ಪದೊ ಉದಿಪನ ಆಂಡ್. ಪಡ್ಡಯಿದ ದೇಸೊಲೆಡ್ ಸಾಧಾರಣ ಪದಿನೆನ್ನ ಪದಿನೊರುಂಬನೆ ಶತಮಾನೊಡು ಇಂಚಿನ ಒಂಜಿ ಪರಿಸ್ಥಿತಿ ತೋಜಿದ್ ಪರಿಸರೊ ಪಕ್ಷಿ ಪರಿಕಲ್ಪನೆ ಉದಿಪನ ಆಂಡ, ನಮ್ಮವುಲು ಕರಿನ ಶತಮಾನೊದ ಅಕೇರಿದ ಕಾಲಗಟ್ಟೋಡು ತೋಜಿದ್ ಬತ್ತಂಡ್. ಮಲ್ಲ ಮಲ್ಲ ಕೈಗಾರಿಕೆಲು ಬನ್ನಗ ಕಾಡ್‌ನ್ ಕಡ್ಲೆರ್, ಕಂಡೊಲೆಡ್ ಮಣ್ ಜಿಂಜಯ. ಕಾರ್ಖಾನೆಗ್‌ ಬೋಡಾಪಿ ಕರೆಂಟ್‌ನ್ ಉತ್ಪಾದನೆ ಮಲ್ಪರೆ ಮಲ್ಲ ಮಲ್ಲ ಸುದೆಕುಲೆನ ಪರಪು ನೀರ್‌ನ್ ಒಂಜಿ ಕಡೆಟ್ ಒಂದಾಯರೆ ಬೋಡಾದ್ ಮಲ್ಲ ಮಲ್ಲ ಕಟ್ಟಲೆನ್ ಕಟ್ಟಿಯೆರ್, ಇಂಚಾದ್, ಮಲ್ಲ ನೀರ್ ಬೊಲ್ಲದಲೆ ಕರೆಟ್ ಒಂದುನಗ ಏತೋ ಊರುಲು ಮುರ್ಕುದು ಅಲ್ಲದ ಜನಕುಲು ಊರು ಬುಡುದು ಒಕ್ಕೆಲ್ ಲಕ್ಕದ್ ಪೋವೊಡಾಂಡ್. 23 ಒಂಜಿ
