ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಚಾವಡಿ ಚರ್ಚೆ ಡಾ. ವಾಮನ ನಂದಾವರ (ಬೈಯದ ಪೊರ್ತು, ಇಲ್ಲ ಚಾವಡಿಡ್ ಸುಬ್ಬಣ್ಣ ಕುಲೊಂದುಲ್ಲೆ ಜಾಲ್ಡ್ ಸುಬ್ಬಣ್ಣನ ಬೊಡೆದಿ ಪದ್ದಕ್ಕೆ ಇಲ್ಲದ ಬೇಲೆದಾಯನ್ ಲೆತ್ತೊಂದುಲ್ಲೆರ್) ಪದಕ್ಕೆ : ಲೋಕೋ! ಓ ಲೋಕೋ! ಈ ಲೋಕು ಓಡೆ ಪೋತೆಪ್ಪ? ಈ ಜೋಕುಲಾಂಡಲಾ ಉಲ್ಲೆರಾ ಮುಲ್ಪ? ಸುಬ್ಬಣ್ಣ : ಈ ಏರೆನ್ಯಾ ಇಂಚ ಲೆಕೂಟುನೆ? ಅಕುಲು ಇತ್ತೆ ಏರಾಂಡಲಾ ಮುಲ್ಪ ಉಪ್ಪುವೆರಾ? ಪದ್ದಕ್ಕೆ : ಉಪ್ಪಂದೆ ಬೊಕ ಓಡೆ ಪೋಪೆರ್? ಅಕುಲು ಮಾತ ಓಡೆ ಪೋತೆಂದ್ ಬೋಡತ್ತ? ಸುಬ್ಬಣ್ಣ : ಓಡೆ ಪೋತೆರ್ಂದ್ ಎನಡ ಕೇನುವನಾ? ನಿಮ್ಮ ಗೊತ್ತುಜ್ಜಯಾ! ಈ ಮುಲ್ಪನೇ ಇಲ್ಲಲೇ ಉಪ್ಪುನಾಲತ್ತ? ಪದಕ್ಕೆ : ಅಂದಂದ್ ಯಾನೊರಿ ಇಲ್ಲಲೇ ಉಪ್ಪುನಾಲ್ಂದ್ ಎಂಕ್ ಪತ್ತೆ ಕೆಬಿ ಪದ್ನಾಜಿ ಕಣ್ಣುಲು ಉಪೊಡು. ಬೊಕ ಈರ್ ಓಲು ಉಪ್ಪುನೆ? ಇಲ್ಲಲೇ ಅತ್ತೇ? ಚಾವಡಿಡ್ ಕುಲ್ಲುಂಡ ಎನಡ್ ಎಚ್ಚ ಅತ್ತೆ ಈರೆಗ್ ಬೈಲ್ ಬಾಕ್ಯಾರ್ ಮಾತ ತೋಜುನೆ? 13
