ಕಮ್ಮಿ ಆಂಡ್. 5) ತುಳುವೆರೆಗ್ ಪತ್ರಿಕೆ ಓದುನ ಅಭ್ಯಾಸ ಕಮ್ಮಿ, ಮಲಿಯಾಳಿ, ತಮಿಳದಲೆಕ ಕಾಂಡೆ ಲಕ್ಕದ್ ಪತ್ರಿಕೆಲೆನ್ ಕಾತ್ ಕುಲ್ಲುನ ಅಭ್ಯಾಸ ತುಳುವೆರೆಗಿಜ್ಜಿ 6) ತುಳು ಭಾಷೆದ ಪದಕುಲೆಟ್ ಅರ್ಧಾಕ್ಷರ ಹೆಚ್ಚ ಇಪ್ಪುನೆಡ್ಡಾವರ ಓದರೆಗ್ ಬಂಜ ಆಪುಂಡ್ಂದ್ ಹೆಚ್ಚಿನನ ಅಭಿಪ್ರಾಯ. ಉಂದು ಮಾತಾ ತುಳು ಪತ್ರಿಕೆಲು ಅರಿದ್ ಪೋಯರ ಕಾರಣೋಲು. 3 ತುಳು ಪತ್ರಿಕೆದ ಬುಳೆಚ್ಚಿಲ್ ಆವೊಡಾಂಡ ಶಾಲೆಲೆಡ್ ತುಳು ಭಾಷೆನ್ ಕಲ್ಪಾವುನ ಕಾನೂನು, ಸರಕಾರ ಮಲ್ಗೊಡು, ತುಳು ಪತ್ರಿಕೆಲೆನ್ ವಾರ್ತಾ ಇಲಾಖೆ ಕಡಿಮೆ ದರೊಟ್ಸ್ ಮುದ್ರಣ, ಕಾಕಜಿ, ಜಾಹಿರಾತುಲೆನ್ ಕೊರೊಡು. ತುಳು ಪತ್ರಿಕೆಲೆಡ್ ಕನ್ನಡೊಡ್ ಬತ್ತಿನ ವಿಷಯ ಅತ್ತಂದೆ ಪೊಸ ಪೊಸತ್ ವಿಷಯೊಲೆನ್ ಕೊರ್ಪುನ ಯೋಜನೆ ಪಾಡೊಡು. ಓದುನಕ್ಸೆಗ್ ಅವು ಸ್ವಾರಸ್ಯವಾದ್ ಉಪೊಡು. ಬುಕ್ಕ ಸುದ್ದಿ ಸಮಾಚಾರೊಲು ಸೋಜಿಗ, ಕುತೂಹಲ ಹೆಚ್ಚಿಸಾವುನಂಚಿನವಾದಿಪೊಡು. ಪತ್ರಿಕಾ ಸಂಪಾದಕೆರ್ ಬೊಕ್ಕ ಮಾಲಕ ಉಮೇದ್ಡ್ ಕೆಲಸ ಮಲ್ಗೊಡು, ಪತ್ರಿಕೆಲ್ ಪೊರ್ತು ಪೊರ್ತುಗ್ ಸರಿಯಾದ್ ಜನಕುಲೆನ ಕೈಕ್ ತಿಕ್ಕುಕಾವೊಡು. ತುಳು ಓದುಜೀಂದ್ ಪನ್ನಿನಕುಲೆಗ್ ಮನಸ್ ಒಲಿಸಾದ್ ಓದಾವುನಂಚಿನ ಪ್ರಯತ್ನನ್ ಸಂಘ ಸಂಸ್ಥೆಲು ಮಲ್ನೋಡು, ಮುಖ್ಯವಾದ್ ತುಳುವೆರೆಗ್ ತುಳು ಭಾಷಾ ಸಾಹಿತ್ಯದ ಬಗ್ಗೆ ಅಭಿಮಾನ ನನಲಾತ್ ಹೆಚ್ಚಾವೊಡು, ತುಳು ಪತ್ರಿಕೆಲೆನ್ ಒರಿಪಾವೊಡುಂದ್ ಪನ್ನಿನ ಪುಣೆಚಿಲ್ ಸಾಧನೆಗೆ ಸಹೃದಯರ್ ದುಂಬು ಬರೊಡು. 196
