ಅತಯಿಕ್ಕೋಸ್ಕರ ಗ್ರಂಥಾಲಯ ಬೋಡು. ಆತೆ ಅತ್ತಂದೆ ವಿಶ್ವವಿದ್ಯಾನಿಲಯೊಲೆರ್ಡ್ ಕಲ್ ಪಿದಯಿ ಬರ್ಪುನಂಚಿನ ವಿದ್ಯಾರ್ಥಿಲೆಗ್ ಅಕಲ್ ಓದುದುನೆನ್ ಪುನರಾನರ್ವತೆ ಮಿರೆ ಸಾರ್ವಜನಿಕ ಗ್ರಂಥಾಲಯೊಲು ಬೋಡು. ಕಡತ ಪಾತರ ಗ್ರಂಥಾಲಯ ವಿಜ್ಞಾನದ ಶಿಲ್ಪಿ ಆಯಿನಂಚಿನ ಡಾ| ಎಸ್. ಆರ್. ರಂಗನಾಥನ್ ಪನ್ಸೆಕ "ಗ್ರಂಥಾಲಯೊಲು ಕೇವಲ ಬೂಕುಲೆನ ಭಂಡಾರ ಅತ್ತಂದೆ ಶಿಕ್ಷಣ, ಸಂಸ್ಕೃತಿದ ಕ್ಷೇತ್ರೋಲು ಬುಲೆಯೆರೆ ನೀರ್ ಕೂರುನಂಚಿನ ಸುದೆ ಆದುಂಡು ದುಂಬುದ ಕಾಲೊಡು ಕಲ್ಪುನವು ಕಮ್ಮಿ ಇತ್ತೆರ್ದಾದ್ ಬೂಕುಲು ಕೇವಲ ದೆತ್ತ್ ದೀಯೆರೆ ಮಾತ್ರ ಇತ್ತಂಡ್, ಬೂಕುಲು ಉಪಯೋಗ ಮಲ್ಪೆರೆ ಅತ್ತ, ತೂಯೆರೆ, ದೆತ್ತ್ ದೀಯೆರ ಮಾತ್ರ ಪನ್ನುನ ನಂಬಿಕೆ ಜನಲ್ಲೆಡ ಇತ್ತಂಡ್, ಕಾಕಜಿದ ಬಳಕೆ, ಮುದ್ರಣದ ಬಳಕೆ ಸುರು ಆಯಿನೆರ್ದ್ ಬೊಕ್ಕ ಗ್ರಂಥಾಲಯದ ಕಲ್ಪನೆನೇ ಬದಲಾಂಡ್ ಗ್ರಂಥಾಲಯದ ಬಗ್ಗೆ ಇತ್ತೆದ ಯೋಚನೆ ಇಂಚೊಂಡು ಅವು ಜ್ಞಾನದ ಗಂಟ್ ಇತ್ತಿಲೆಕ, ಜ್ಞಾನದ ದೇವಸ್ಥಾನ. ಮಾತೆಲಾ ಉಪಯೋಗ ಬೋಡಾದ್ ಬೂಕುಲೆನ್ ಸಂಗ್ರಹ ಮಲ್ತ್ದ್ ಸರಿಯಾದ್ ದೀತಿನಂಚಿನ ವಿದ್ಯಾಸಂಸ್ಥೆ" ಉಂದು ಜನನ ಬೌದ್ಧಿಕ ಬೊಕ್ಕ, ಸಾಂಸ್ಕೃತಿಕ ಏಳಿಗೆಗ್ ಎಕ್ಕುನಂಚಿನ ಜನಕ್ಷೆನ ವಿಶ್ವವಿದ್ಯಾನಿಲಯ ಪಂಡ್ದೇ ಪುದರಾತ್ಂಡ್. ಗ್ರಂಥಾಲಯ ಪಂಡ ಜ್ಞಾನೊನು ನಾಡುನಂಚಿನ ಜಾಗ ಒಬ್ಬೇ ಒಂಜಿ ವಿಷಯೊದ ಬಗ್ಗೆ ಯೋಚನೆ ಮಲ್ಪೆರೆ ನಮಕ್ ಗ್ರಂಥಾಲಯ ಸಹಾಯ ಮಲ್ಪುಂಡು. ಎಡ್ಡೆ ವಿಷಯೊಲು ಒವು? ಬೊರ್ಚಂದಿನ ವಿಷಯೊಲು ಒವು? ನಮ ಎಚ್ಚೆಂತ್ನಕಲೇ ದಾಯೇ ಆವೊಡು? ಪುಟ್ಟು, ಸಾವು ದಾಯೆ? ದೇವೆರ್ ಉಲ್ಲೆರಾ? ಇಂಚಿನ ಪ್ರಶ್ನೆಲೆಗ್ ನಮಕ್ ಉತ್ತರ ಕೊರ್ಪುನಿ ಬೂಕುಲು, ಅಂಚಿನ ಬೂಕುಲೆನ್ ನಮಕ್ ಗ್ರಂಥಾಲಯೊಲು ಕೊರ್ಪ ನಮ ಮಾತೆಲ್ಲಾ ಎಷ್ಟೆ ಜ್ಞಾನೊನು ಪಡೆಯೆರ್ ಗ್ರಂಥಾಲಯ ದಂಚಿನ ಮಾತೆರೆಗ್ಲಾ ಸುಲಭವಾದ ಪ್ರವೇಶ ತಿಕ್ಕುನಂಚಿನ ಸಂಸ್ಥೆ ಬೊಕ್ಕೊಂಜಿ ಇಜ್ಜಿ. ಇತ್ತೆದ ಕಾಲೊಡು ಗ್ರಂಥಾಲಯೊಲು ಹಳ್ಳಿ, ಡಿಲ್ಲಿಡ್ಲಾ ಪ್ರತಿಯೊರಿಯಗ್ಲಾ ಕೈತಲ್ ಆದುಂಡು. ಆತೆ ಅತ್ತಂದೆ ಗ್ರಂಥಾಲಯ ಕೇವಲ ಪುಸ್ತಕದ ಕಿದೆ ಮಾತ್ರ ಅದಿಪ್ಪಂದೆ ಜನನ ಜೀವನೊದ ಒಂಜಿ ಭಾಗ ಆವೊಡು, ನಮ್ಮ ಜೀವನೊಗು ಬೋಡಾಯಿನಂಚಿನ ಮಾಹಿತಿನ್ ಅವು ನಮಕ್ ಒದಗಿಸವುನಂಚಿನ ಜಾಗ ಆವೊಡು ಪುಟ್ಟುದು ಸೈಪುನೆ ಮುಟ್ಟ ನಮ್ಮ ಏರೇ ಆದಿಪ್ಪಡ್ ಜೀವನೊಡು ನಮ ಎಂಚಿನನೇ ಆದಿತ್ತಂಡಲ ನಮ್ಮ ಕಲಿಕೆಗ್, ಮನರಂಜನೆಗ್, ಪ್ರತಿಭೆ ಸಂಪಾದನೆ ಮಲ್ಪೆರೆ ನಮ ಎಡ್ಡೆ ನರಮಾನೈರಾದ್ ಜೀವನ ಮಲ್ಪೆರೆ ನಮಕ್ ಮಾತೆರೆಗ್ಲಾ ಬೋಡಾಯಿನಿ ಗ್ರಂಥಾಲಯ. 192
