ಕುಡ್ಲದ ಬಂದ ಪುದರ್ ಪೋಯಿನವು. ಒಂಜಿ ಜಾಗದ ಆರ್ಥಿಕ ಅಭಿವೃದ್ಧಿ, ಅವುಲು ನಡಪುನ ಉದ್ಯಮೊಲು, ಬೊಕ್ಕ ವ್ಯವಹಾರೊಲೆಗ್ ಹೊಂದ್ ಉಂಡು. ಇಂಚಿನ ಒಂಜಿ ಭಾಗವಾಯಿನ ಆಮದ್ - ರಫ್ತು ಉದ್ಯಮ, ನಮ್ಮ ಕುಡ್ಲಗ್ ಪುದರ್ ಕೊಡೊಬಯ್ಲೆಂಡ್, ಐಟ್ ಕುಡ್ಡದ ಸರ್ವಋತು ಬಂದರ್ (ಎನ್.ಎಂ.ಪಿ.ಟಿ.) ಇಡೀ ಭಾರತಡೇ ಒರಂಬನೆ ಸ್ಥಾನ ದೆತ್ತೊಂದುಂಡು. 2006-07ನೇ ಗಣ್ಯದ ಪ್ರಕಾರ 17.92 ಮಿಲಿಯನ್ ಟನ್ದಾತ್ ಆಮದ್, 14.12 ಮಿಲಿಯನ್ ಟನ್ ದಾತ್ ರಫ್ತು ಈ ಬಂದರ್ದ ಮೂಲಕ ಆತ್ಂಡ್. ಈ ಜಿಲ್ಲೆಡ್ ಉಪ್ಪುನ ಮಸ್ತ್ ಸುಧೆಕುಲು:ನೇತ್ರಾವತಿ, ಕುಮಾರಧಾರ, ಪಯಸ್ವಿನಿ, ಗುರುಪುರ, ಶಾಂಭವಿ, ಈ ಸುದೆಕುಲು ಕಡಲ್ಗ್ ಸುಧಬರಿತ ಬೊಕ್ಕ ಪಡ್ಡಾಯಿ ಘಟ್ಟಲೆಡ್ ಫಲವತ್ತಾಯಿನ ಮಣ್ಣಿನ್ ಕಣತ್ ಪಾಡುಂಡು. ಅಂಚಾಯಿನೆಟ್ ಕಡಲ್ಲ ನೀರ್ಡ್ ಮಸ್ತ್ ಲವಣಾಂಶ ಉಂಡು. ಉಂದು ಮೀನ್ಗ್ ಎಡ್ಡೆ ತಿನಸ್, ಈತ್ ಮಾತ್ರ ಅತ್ತಂದೆ ಸುಧೆಡ್ ಬತ್ತಿನ ನೀರ್ಡ್ ಆವೆ ಮಣ್ಣಿಲ ಉಂಡು. ಆವೆನ್ ಓಡು, ಇಟ್ಟಿಗೆ, ಚಟ್ಟಿ, ಕರ ಮಲ್ಪೆರೆ ಉಪಯೋಗ ಮಲುಪುವ, ಕುಡ್ಡದ ಓಡು ಜಗತ್ತ್ ಡೇ ಪುದರ್ ಪೋಯಿನ, ಈ ಮಿತ್ತ್ ಪನ್ನಿನ ಕೈಗಾರಿಕೆಲು ಸಾವಿರಾರ್ ಜನಕ್ಷೆಗ್ ಬೇಲೆ ಕೊರ್ತ್ಂಡ್, ಬದಕ್ಗ್ ಒಂಜಿ ಸಾದಿ ತೋಜಾದ್ಂಡ್. ಕಡಲ್ ಪೊಯ್ಯನ್ ಇಲ್ಸ್, ಕಟ್ಟಾಣ ಕಟ್ಟರೆ ಉಪಯೋಗ ಮಲ್ಪುವೆರ್. ಮೀನು ಪತ್ತುನ ಮರಕಲೆರೆನ ಕಸಬ್, ಮರಿಯಲೊಡು ಬೊಲ್ಲ, ತೂಫಾನ್ ಬತ್ತಂಡ್, ಕಡಲ್ಅಬ್ಬರ ಜಾಸ್ತಿ ಇಂದ್ದೊಡಲ, ಈ ಜನಕುಲು (ಮರಕಲೆ) ಕಡಲ್ನೇ ದೇವೆಂದ್ ಎನ್ದ್ ದಿನ ದೆಪ್ಪುವೆರ್. ಬಂಗುಡೆ, ಬೂತಾಯಿ, ಅಂಜಲ್, ಯೆಟ್ಟಿ, ಡೆಂಜಿ ಮೀನ್ ಸಾರ್, ಕೃತಿನ ಉಂದು ಮಾತ ರುಚಿತಲಾ, ಬೊಕ್ಕ ಭಾರೀ ಪುದರ್ ಪೋಯಿನ ಅಟಿಲ್, ಇತ್ತೆದ ದಿನೊಟು ವಿಜ್ಞಾನ, ತಂತ್ರಜ್ಞಾನ ಏತ್ ಮುಂದುವರಿತ್ತ್ಂಡ್ ಪಂಡ, ಮೀನ್ ಪತ್ತೆರೆ ಉಪಗ್ರಹ ತಂತ್ರಜ್ಞಾನನ್ಬಳಸ್ದ್ ಮೀನ್ ಜಾಸ್ತಿ ಉಪ್ಪುನ ಜಾಗದ ನೀರ್ ಬೊಕ್ಕ ಅಲ್ಲ ಉಷ್ಣತೆದ ಆಧಾರದ ಮಿತ್ತ್ ಮೀನುಲೆನ ಸಾಂದ್ರತೆ ಜಾಸ್ತಿ ಉಪ್ಪುನ ಜಾಗದ ನಕ್ಷೆ ತಯಾರು ಮಲ್ಪುವೆರ್. ಈ ಜಾಗೆಗ್ ಪೊಟೆನ್ಸಿಯಲ್ ಫಿಶಿಂಗ್ ಜೋನ್ ಪನ್ಸೆರ್, ಕಡಲ್ಗೊರೆತ, ಕಡಲ್ ಆಪಿನ ಬದಲಾವಣೆ ತೆರಿಯೊನರ ಬೋಡಾದ್ ಉಪಗ್ರಹ ಉಡಾವಣೆ ಮಲ್ತ್ದರ್, ಇಂಚಿಪ್ಪಗ್ ಆಯಿಕ್ ಬೋಡಾದ್ ಓಷನ್ ಸ್ಯಾಟ್ ಪನ್ನಿನ ಉಪಗ್ರಹನ್ ಉಡಾವಣೆ ಮಲೆ. ಕುಡ್ಡದ ಕಡಲ್ ತೀರ ಪುದರ್ ಪೋಯಿನ ಒಂಜಿ ಎಡ್ಡೆ ಪ್ರವಾಸಿ ತಾಣ ಆದುಂಡು. ದೇಶ, ಪರದೇಶದ ಯಾತ್ರಿಲೆಡ ಕುಡ್ಲಡ್ ದಾದ ಖುಶಿಯಾಂಡ್ ಕೇಂಡ, ಕಡಲ್ ತೀರ ಪನ್ನೆರ್. ಬಯ್ಯದ ಪೊರ್ತು ಕಡಲ್ ಬರಿಟ್ ಪೋದು ಕುಲ್ಲುಂಡ ಮನಸ್ಸದ ಬೇನೆ ಬೇಜಾರ್ ಕರಿಯುಂಡು. ಖುಷಿತ ಉಡಲ್ ಜಿಂಜಾವುಂಡು, ಅಪ್ಪೆಯಾಯಿನ ಕಡಲ್ ಶಾಂತಿಡ್ ಇತ್ತಿನೆರ್ದಾವರ ಕುಡ್ಡದ ಜನಕುಲು ನೆಮ್ಮದಿದ ಬದ್ಕ್ ಸಾಗಾವರ್. ನರಮನಿ ಮಲ್ಪುನ ಅಹಂಕಾರದ ಕೆಲವು ಬೇಲೆಲೆಡ್ ಕಡಲಪ್ಪ ಮೈಲೆ ಆವೊಂದುಲ್ಲಲ್ ಕಡಲ್ಲ ಎಡ್ಡೆಪ್ಪುಗ, ಜನಕ್ಷೆನ ಎಡ್ಡೆ ಪುಗ್ಗ ಕಡಲ್ ಬರಿಟ್ 500 ಮೀಟರ್ ದಾತ್ ಜಾಗೆನ್ ಕಡಲ್ಗೆ ಬುಡೊಂಡುಂದು ಸರಕಾರ ಕಾನೂನ್ ಮಲ್ತ್ದ್ಂಡ್. ಅಂಡಲ ಈ ಕಾನೂನುಲೆನ್ ಉಲ್ಲಂಘನೆ ಮಲ್ಲೊಂದುಲ್ಲೆರ್. 179
