ಕಡಲ್ ತುಳುವೆರೆ ಉಡಲ್ ಕು. ಮಲ್ಲಿಕ ಇಡೀ ಕರ್ನಾಟಕಡ್ ಪುದರ್ ಪೋಯಿನ ನಾಡ್ ನಮ್ಮ ತುಳುನಾಡು, ಈ ನಾಡ್ ಪಡ್ಡಾಯಿಗ್ ಕಡಲ್ ತೀರ ಉಂಡು, ಪರಶುರಾಮ ಕುಡಾರಿ ದಕ್ಕದ್ ಆಯಿನ ನಾಡ್ ಉಂದು. ಈ ಕಾರಡೊಡ್ಡ ಈ ಜಿಲ್ಲೆ ಪರಶುರಾಮೆನಸೃಷ್ಠಿ ಪಂಡ್ದ್ ಹಿರಿಯಕುಲು ಪನ್ನೆರ್, ಈ ಕಡಲ್ದ್ ತೀರ ನಮ್ಮ ನಾಡ್ಗ್ ಪ್ರಕೃತಿ ಕೊರ್ತಿನ ಒಂಜಿ ವರದಾನ. ಆತ್ ಮಾತ್ರ ಅತ್ತ್, ಈ ನಾಡಗ್ ಐತನೇ ಆಯಿನ ಒಂಜಿ ಇತಿಹಾಸ, ಸಂಸ್ಕೃತಿ ಉಂಡು. ಚರಿತ್ರೆದ ಪ್ರಕಾರ 1560 ಇಸವಿಡ್ ಈ ಜಿಲ್ಲೆ ವಿಜಯನಗರದ ರಾಜ್ಯಗ್ ಸೇರಿತ್ಂಡ್. 1763 ಇಸವಿಡ್ ಹೈದರಾಲಿ ಮೈಸೂರ್ಗ್ ಈ ಜಿಲ್ಲೆನ್ ಸೇರಾಯ್, ಬೊಕ್ಕ ಆಯನ ಮಗೆ ಟಿಪ್ಪು ಸುಲ್ತಾನ್ ಈ ಜಿಲ್ಲೆಡ್ ಆಡಳಿತ ನಡಪಾವೊಂದಿತ್ತ್ದ್ 1799 ಇಸವಿಡ್ ಮೈಸೂರು ಲಡಾಯಿಡ್ ಈ ಜಿಲ್ಲೆ ಬ್ರಿಟಿಷೆರನ ಕೈಕ್ ಪೋಂಡು. ಇತ್ತೆದ ಆಡಳಿತದ ದೃಷ್ಟಿಡ್ ಈ ಜಿಲ್ಲೆನ್ ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲೆ ಪಂಡ್ದ್ ಪಾಲ್ ಮಾಲೆರ್. ಈ ರಡ್ಜ್ ಜಿಲ್ಲೆನ್ ಒಟ್ಟಾದ್ ತುಳುನಾಡ್ ಪನ್ಸೆರ್. 0 ಈ ಜಿಲ್ಲೆಗ್ ಪಡ್ಡಾಯಿಡ್ ಎಂಕ್ಲನ ಉಡಲ್ ಆಯಿನ ಅರಬ್ಬಿ ಕಡಲ್ ಉಂಡು. ಭೂಮಿಗಿತ್ತಿನಂಚನೇ ಮಹತ್ವ ಕಡಲ್ಗ್ ಇತ್ತಿನೆಡ್ಡಾವರಗ್ ಈ ಕಡಲ್ ತುಳುನಾಡ್ದ ಜನಕುಲೆನ ಭಾರೀ ಮಲ್ಲ ಆಸ್ತಿ. ಕಡಲ್ ಇತ್ತಿನಟ್ ರಫ್ತು ಉದ್ಯಮ, ಮದ್ಯಮ (ಮೀನ್ ಉದ್ಯಮ) ಸಾಗುಂಡು, ಬದಕ್ ನಡಪಾವರ ಮಾತ್ರ ಅತ್ತ್ ಬಡವ್ ನೀಗಾಯೆರೆಲಾ ಸಾದಿಯಾದುಂಡು, ಕಡಲ್ಡ್ ತಿನ್ನುನ ತಿನರ್ಸ್ ಬತ್ತಿನ ಇಲ್ಡ್ ಸಿಂಗಾರ ಮಾಲ್ಪುನ ಕಪ್ಪೆಚಿಪ್ಸ್, ಬಂಗಾರ್ ಕಟ್ಟುನ ಮುತ್ತು, ಹವಳ, ಕೆಲವ್ ಲೋಹದ ಮಿಶ್ರಣದ ಗಂಟ್ (ಪೊಲಿ ಮೆಟಲಿಕ್ ನೋಡ್ಯುಲ್)ಲ ತಿಕ್ಕುಂಡು. 178
