ದಿ| ನಾರಾಯಣ ಶೆಟ್ಟಿ ಕಿಲ್ಲೆ (1901-53) 3 ಕಿಲ್ಲೆ ಪಂಡ್ದೇ ದಕ್ಷಿಣ ಕನ್ನಡ ಜಿಲ್ಲೆಡ್ ಚಿರಪರಿಚಿತೆರಾಯಿನಾರ್ ನಾರಾಯಣ ಶೆಟ್ಟಿ ಕಿಲ್ಲೆ. ಕೂಳೂರು ಹೊಸಮನೆಂದ್ ಪನ್ನಿನ ಕುಟುಂಬಡ್ 5-01-1901ಡ್ ಪುಟೈರ್, ಎಲೆ ಇಪ್ಪುನಗರ್ದಿಂಚಿ ಕಿಲ್ಲೆಗ್ ಆಟ(ಯಕ್ಷಗಾನ)ದ ಮಿತ್ತ್ ವಿಶೇಷವಾಯಿನ ಪ್ರೀತಿ, ಮೆಟ್ರಿಕ್ ಮುಗಿತ್ ಬೊಂಬಾಯಿಡ್ ಪೋಸ್ಟ್ ಆಫೀಸ್ಡ್ ಕೆಲಸಡ್ ಇಪ್ಪುನಗ ಗಾಂಧಿಜಿ ಅಸಹಕಾರ ಚಳುವಳಿಡ್ ಮಲ್ತ್ ಭಾಷಣನ್ ಕೇಂದ್ 1920-21ಕೆಲಸ ಬುರ್ ಕುಡ್ಲಗ್ ಬತ್ತ್ದ್ ರಾಷ್ಟ್ರೀಯ ಸತ್ಯಾಗ್ರಹಡ್ ಭಾಗಿ ಅಯಿನ ಕಿಲ್ಲೆಗ್ ಒಂಜಿ ವರ್ಷ ಶಿಕ್ಷೆ ಆದ್ ಗಾಂಧಿ-ಇರ್ವಿನ್ ಒಪ್ಪಂದಡ್ ಬಿಡುಗಡೆ ಆಯೆರ್. 1932ದ ಸತ್ಯಾಗ್ರಹಡ್ ಆರ್ ಪಿರಲಾ ಜೈಲುಗ್ ಸೇರೆ. ಜೈಲ್ಡ್ ಆ ಪಣಿಯಾಡಿ, ಪೊಳಲಿ ಶೀನಪ್ಪ ಹೆಗ್ಡೆ ಮುಕುಲೆನ ಒಟ್ಟಿಗೆ ಸೇರ್ ತುಳುಭಾಷೆದ ಜಾಗೃತಿದ ಪ್ರಚಾರ ಮಲ್ಲೆರ್ ಬೊಕ್ಕ ತುಳುಟು "ಕಾನಿಗೆ" ಪನ್ನುನ ಕವನ ಸಂಕಲನ್ ತಾಯಾರ್ ಮಲ್ಲೆರ್, 1934ಡ್ ಗಾಂಧೀಜಿ ದಕ್ಷಿಣ ಕನ್ನಡಗ್ ಬನ್ನಗ ಆರ್ಕೊರ್ನಾ ಪ್ರೇರಣೆದ ಲೆಕನೆ ಕಿಲ್ಲೆ ಹರಿಜನರೆನ್ ಉದ್ಧಾರ ಮನ ಚಟುವಟಿಕೆ ಬೊಕ್ಕ ಅಸ್ಪೃಶ್ಯತೆ ನಿವಾರಣೆಗಾದ್ ಜಿಂಜಾ ಶ್ರಮಿಸಯೆರ್. ಕಾಂಗ್ರೆಸ್ ಮಂತ್ರಿಮಂಡಲ ಪರುನೆನ್ ನಿಷೇಧ (ಮಧ್ಯಪಾನ ನಿಷೇಧ) ಮಲ್ಪುನ ಕಾರ್ಯಕ್ರಮ ಪಾಡೊನ್ನಗ ಆಯಿಕ್ ಪ್ರಚಾರನ್ ಕೊರೆ. ಜಿಲ್ಲೆಡ್ ಸ್ವಾತಂತ್ರ್ಯ ಪೂರ್ವೊದ ಕಾಲಡ್ ಕಾಂಗ್ರೇಸ್ಡ್ ಸಮಾಜವಾದಿಲ ಗಾಂಧಿವಾದಿಂದ್ ರಡ್ ಗುಂಪುಲ್, ಕಿಲ್ಲೆ ಗಾಂಧಿವಾದಿಲೆನ ಗುಂಪುಡ್ ಇತ್ತೆರ್. ಸ್ವಾತಂತ್ರ್ಯರ್ದ್ ಬೊಕ್ಕ ರಚನಾತ್ಮಕ ಕೆಲಸ ಬೊಕ್ಕ ಸರ್ವೋದಯದ ಪಢು ಪತ್ತ್ದ್ 1949ಡ್ "ಸರ್ವೋದಯ" ಪನ್ನಿನ ವಾರ ಪತ್ರಿಕೆನ್ ಆರಂಭಿಸಯೆರ್. ಇಂಚ ಕಿಲ್ಲೆ ಇಂಬೆರ್ ಗಾಂಧಿಜಿನ ಒಟ್ಟುಗ್ ಬತ್ ರಾಷ್ಟ್ರೀಯ ಬಚುವಟಿಕೆಡ್ ಭಾಗವಹಿಸಯೆರ್. ಇಂಚ ಸ್ವಾತಂತ್ರ್ಯ ಹೋರಾಟಡ್ ಇಂಬೆರ್ನ ಪಾತ್ರಲಾ ಮುಖ್ಯ ವಾಯಿನಂದ್ ಪನೊಲಿ. ಡಾ| ಅಮ್ಮೆಂಬಳ ಬಾಳಪ್ಪ ಡಾ| ಅಮ್ಮೆಂಬಳ ಬಾಳಪ್ಪ ಇಂಬೆರ್ ಬಂಟ್ವಾಳದ ಸಜಿಪ ಮುನ್ನೂರುದಾರ್, ಬಾಳಪ್ಪೆರ್ನ ಪ್ರಕಾರ ಆರ್ ಸ್ವಾತಂತ್ರ್ಯ ಸಂಗ್ರಾಮಡ್ ಭಾಗವಹಿಸಯೆರ ಅಪಗದ ದೇಶದ ಪ್ರಜ್ವಲವಾಯಿನ ರಾಷ್ಟ್ರೀಯ ವಾತಾವರಣನೇ ಕಾರಣಂದ್ ಪನ್ಸೆರ್. ಆರ್ ಪೇಪರ್ಲೆನ್ ಓದ್ದು ದೇಶಡ್ ನಡಪ್ಪನ ಘಟನೆಲ್ ಅವಲೋಕನ ಮಲ್ಲೊಂದಿತ್ತೆರ್. ಗಾಂಧೀಜಿನ ಮಿತ್ತ್ ಆರೆಗ್ ಇತ್ತೆಲಾ ಅಪಾರ ನಂಬಿಕೆ. ಆರೆನ ಓದುನು ಬಡತನದ ಕಾರಣರ್ದಾವರ ಪ್ರಾಥಮಿಕ ಹಂತಡೇ ಹಿರಿಯೆರ್ ಉಂತದಿತ್ತೆರ್ಗೆ. ಅಯಿರ್ದ್ ಬೊಕ್ಕ ಇಂಬೆರ್ ಕುಡ್ಲಗ್ ಬತ್ತ್ದ್ ಕೆಲಸಗ್ ಸೇರ್ದ್ ಕತ್ತಲೆಗ್ ಪೊರ್ತು ತಿಕ್ನಗ ರಾತ್ರಿ ಶಾಲೆಗ್ ಪೋದ್ ಹಿಂದಿ, ಬೇತೆ ಮಾತ್ರ ಶಿಕ್ಷಣ ಪಡೆಯರೆ ಪ್ರಯತ್ನಿಸವೊಂದಿಪ್ಪುನಗ ನಗರಡ್ ಆವೊಂದಿಪ್ಪುನ ಮಾತಾ ಕಾಂಗ್ರೆಸ್ದ ಸಭೆಕ್ಕುಲೆಗ್ ಪೋವೊಂದಿತ್ತೆರ್. 1937-38ಡ್ ಕ್ರಾಂಗೇಸ್ ಸರಕಾರ ಅಧಿಕಾರಗ್ ಬತ್ತ್ದ್ 1939ಡ್ ರಾಜಿನಾಮೆ ಬುಕ ಆಪಗ ಆಯಿನಾ ವೈಯಕ್ತಿಕ ಸತ್ಯಾಗ್ರಹ ಈ ಸತ್ಯಾಗ್ರಹಡ್ ದೇಶದ ಮುಖಂಡೆರ್ನ ಬಂಧನ ಈ ಮಾತಾ ಘಟನೆ 174
