ತುಳುನಾಡು ಪಂಡ ಉಂಟು/ಮಾರಾಯ್ಕೆ/ಎಂಥದುಮಾಡುವುದು/ಮಂಡೆಬಿಸಿ ಇಂಚಿನೈನ್ ಮಾತಾ ಸೇರಾದ್ ಪಾತೆರಕುಳಿಪ್ಪುನ ಜಾಗೆ ಪಣ್ಣಿನ ಚಿತ್ರಣ ತೂಯರ ತಿಕ್ಕುಂಡು. ಇಂಚಿತ್ತಿನ ಸಳೆನ್ ಒಟ್ರಾಸಿ ಪಾಡ್ ಐನ್ ಕಲಸುಮೇಲೋಗ್ರ ಮಲ್ಲೊಂದು ಅಯಿನೇ 'ಮಂಗಳೂರು ಕನ್ನಡ ಪಣ್ಣಿನ ಪುದರ್ಡ್ ಮಲ್ಲ ಕುಸಾಲ್ ಪಣ್ಣಿನ ರೀತಿಡು ಕೊಬ್ಬುನ ಸಂದರ್ಬೊ ಇನಿ ನಮ್ಮೆದುರುಗುಂಡು. ಅಂಚ ಬರುನವು ಉಂತೊಡು. ಮುಲ್ಪದ ವಿಶಿಷ್ಟವಾಯಿನ ಕನ್ನಡನು ಮಸ್ಕಿರಿ ಮಲ್ಪಾಂದೆ ಅಯಿನ ಸೂಕ್ಷ್ಮತೆದೊಟ್ಟುಗ್ ದೆತ್ತೊಂದು ಬರೊಡು. ಅಂಚನೆ ಇನಿ ಸಿನಿಮಾಳೆಡ್ ತೆಲಿಕ್ಕೆಗಾದ್ ಮಾತ್ರ ಹೊಟೆಲ್ ಬರೊಂದುಂಡು. ಆಂಡ ಮುಂಬೈ ಬೊಕ್ಕ ಅಂಚಿತ್ತಿನ ಊರುಡು ಹೊಟೆಲ್, ಬಾರ್ ರೆಸ್ಟೋರೆಂಟ್ ವೈವಾಟುಡು ಮಿತ್ತ್ ಬತ್ತಿನ ತುಳುನಾಡುದಕುಳು ಮಸ್ತ್ ಜನ ಉಲ್ಲೆರ್, ಊರುಡ್ ಬತ್ತ ಇಂಚ ಬೇಲೆ ಮಲ್ಲೊಂದು ರಾತ್ರಿ ಶಾಲೆಡ್ ಕಲ್ತಡ್ ಎಡ್ಡೆ ಸಾಧನೆ ಮಲ್ಸ್ನಕುಲ್ ಉಲ್ಲೆರು ಪನೈನು ನೆಂಪು ದೀವೊಡು, ಅವು ಬದ್ದ ಒಂಜಿ ಬಾಗೊ ಪಣ್ಣಿನವು ಗೊತ್ತುದ್ದೊಡು. ಇಂಚಿಪ್ರೊದ ಒಂಜಿ ಉದಾಹರಣೆ ಮುಲ್ಪ ತೂವೊಡು, ದಯಾಳ್ ಪದ್ಮನಾಭನ್ ನಿರ್ದೇಶನೊದ ಗಣೇಶ್ ನಟನೆದ 'ಸರ್ಕಸ್'(2009)ಡ್ ಬರ್ಪಿನ ತುಳುತ್ತ ಚಿತ್ರಣ ತುಳುನಾಡುದಕುಳೆಗೆ 'ಶಾಕ್' ಕೊಪ್ಪ ಲೆಕ್ಕ ಉಂಡು. ಮುಲ್ಪ ಕಾಂಡೆ ಆಜಿ ಗಂಟೆಗ್ ಮೈಸೂರುಡ್ ಬೆಂಗಳೂರ್ಗ್ ಪಿದಾಡುನ ಮಂಗಳ ಎಕ್ಸ್ಪ್ರೆಸ್ ರೈಲ್ಡ್ ಬರುನ ಅಪ್ಪೆ ಮಗೆ ತುಳುಬಾಸೆ ಪಾತೆರಕುಳು, ಮಗೆನ್ ತೂನಗ ಬುದ್ದಿ ಕಡಮೈದ ಲೆಕ್ಕ ತೋಜುನಾಯೆ. ಸುತ್ತ ಇತ್ತಿನಕ್ಳು ತಿಂದ್ರಂಡ ಮಾತ್ರ ಯಾನ್ ತಿನ್ನುನೆಂದು ಆಯೆ ಪಂಡ್ ಅಯಿಡ್ ಅಕುಳು ಮಾತೆಲ್ಲಾ ಅಮಲ್ ತಿನ್ಸಿ ಲೆಕ್ಕ ಆಪುಂಡು, ಒಂತೆ ಸೀನ್ ಆಯಿ ಬೊಕ್ಕ ತುಳು ಪಾತೆರೊಂದಿತ್ತನಕುಳು ಅಕುಳೆಗೆ ಮೋಸ ಮನ ಕಳೆ ಹಣ್ಣಿನವು ಗೊತ್ತಾಪುಂಡು. 'ಸರ್ಕಸ್'ದ ಡಯಲಾಗ್:- ಅಪ್ಪೆ : “ತಿನ್ಹಾ”; ಮಗೆ : “ಅಕ್ಲ್ ತಿಂದ್ಂಡ ಯಾನ್ ತಿನ್ನೆ” ; ಅಪ್ಪೆ : “ತೂಲಾ ಅಕ್ಲಗ್ ಮಾತಾ ಉಪದ್ರ ಮಲ್ಪರ ಬಲ್ಲಿ” ; ಅಪ್ಪೆ : (ಒರಿನ ಮೂಜಿ ಜನಕ ಕನ್ನಡಡ್ ಪನೆ) “ನೋಡಿ ಸ್ವಲ್ಪ ಹಠ ಮಾಡ್ತಾ ಇದ್ದಾನೆ”, ಇಂಚ ಪಂಡ್ಸ್ ತಿನಿಯರ ಕೊಬ್ಬಾಳು, ಆ ಮೂಜಿ ಜನಲಾ ನಂಬುದ್ ತಿನ್ನೆರ್. ಒಂತೆ ಸೀನ್ ಆಯಿ ಬೊಕ್ಕ ರೈಲ್ವೇ ಸ್ಟೇಷನ್ಡ್ ಆ ಮೂಜಿ ಜನಲಾ ಲಡಾಯಿ ಮಲ್ಲೊಂದಿಷ್ಟುವೆರ್ ಅಪಗ ಪ್ರಶ್ನೆ : “ಪಬ್ಲಿಕ್ ಪ್ಲೇಸ್ನಲ್ಲಿ ದಾಂಡಿಗರ ಥರ ಡ್ರೆಸ್ ಹಾಕ್ಕೊಂಡು ಚಿಕ್ಕ ಮಕ್ಕ ಥರ ಜಗಳಾಡ್ತಿದೀರಲ್ಲ ಯಾರೀ ನೀವೂ ಏನಾಯ್ತು?” ಉತ್ತರ : “ಸಾರ್, ನಾವು ಮೂರು ಜನ ಫ್ರೆಂಡ್ಸ್ ಸಾರ್, ಸಿನಿಮಾದಲ್ಲಿ ವಿಲನ್ ಆಗೋಕುಂದುಟ್ಟು ವೋನ್ ಕಾದ್ರೂಮ್ ಹಾಕ್ಕೊಂಡು ಮಂಗ ಎಕ್ಸ್ಪ್ರೆಸ್ನಲ್ಲಿ ಬರ್ಾ ಇದ್ವಿ 170
