ಕುಡ್ಲದ ಮಲ್ಟಿಪ್ಲೆಕ್ಸ್ಡ್ಾ ಬರೊಂದುಂಡು, ನಮ್ಮ ದೇಸೊಗು ಸುರುತ್ತ ಸರ್ತಿ ಮಲ್ಟಿಪ್ಲೆಕ್ಸ್ ಥಿಯಟರ್ನ್ ಕೊಂಡತ್ತನಾರು ಮೂಲ್ಕಿ ಕವತ್ತಾರುದ ಮನಮೋಹನ ಶೆಟ್ಟಿ ಪನವುಲಾ ಮುಲ್ಪ ನೆಂಪು ಮಲ್ಲೊನೊಳಿ, ಉಂಬೆರು 2005ಡ್ ಮುಂಬಯಿಡ್ ಸುರುಮಲ್ಲಿನ ಇಮ್ಯಾಕ್ಸ್ ಥಿಯಟರ್ ಬೊಕ್ಕ ಕೆಲಸಮಯಡಿ ಆ್ಯಡ್ ಲ್ಯಾಬ್ ಮಲ್ಟಿಪ್ಲೆಕ್ಸ್ ಆಂಡ್.ಇತ್ತೆ ಉಂದೆತ ಸಿನಿಮಾ ವಿಬಾಗೊನ್ ಅನಿಲ್ ಅಂಬಾನಿ ಗುಂಪುದ ರಿಲಯನ್ಸ್ಗ್ ಕೊರುಂಡು. ತುಳು ಸಿನಿಮಾದ ಬೇತೆ ಬೇತೆ ವಿಬಾಗೊಳೆಡ್ ಲೋಪ ಇಪ್ಪುನೆ ಸತ್ಯ. ಆಂಡ ಉಂದೆನ್ ಮಾತಾ ಸುರುತ್ತ ಪ್ರಯತ್ನ ಆದ್ ದೆತ್ತೊಡೊಡು. ಆಕ್ಸಿಂಗ್, ಚಿತ್ರಕತೆಟ್ಪ್ಪುನ ನಾಟಕೊದ ಪ್ರಭಾವೊಡ್ ಪಿದಾಯಿ ಬತ್ತ್ದ್ ಪೊಸ ಸಾದಿ ನಾಡೊಡು.ಸಿನೆಮಾ ಲೋಕೊಡು ಪುದರ್ ಮಳಿನ ತುಳುವೆರು ತುಳು ಸಿನಿಮಾದ ಬುಳೆಚ್ಚಿಲ್ಗ್ ಎಂಚ ಬೆರಿಸಾಯ ಕೊರೋಲಿ ಪಣ್ಣಿನಯಿನ್ ತೂವೊಡು. ಅಯಿನೊಟ್ಟುಗೆ ತುಳು ಸಿನಿಮಾಳೆನ್ ಹೊರನಾಡುದಕುಳೆಗೆ ಮುಟ್ಟಾವುನ ಬಗ್ಗೆ ಏಚನೆ ಮಲ್ಲೊಡು.ಕನ್ನಡ ಸ್ಯಾಟಲೈಟ್ ಚಾನಲ್ಡ್ ಅಯಿನ್ ಪ್ರಸಾರ ಮಲ್ಪುನವು ಒಂಜಿ ಬಗೆ. ಇನಿ ಚಂದನಡ್ ಮಾತ್ರ ತುಳು ಕಾರ್ಯಕ್ರಮ ಪ್ರಸಾರ ಆವೊಂದುಂಡು, ಒರಿನ ಚಾನಲ್ಡ್ಡಾ ಬೇತೆ ಬೇತೆ ತುಳು ಕಾರ್ಯಕ್ರಮ ಸುರು ಮಲ್ನೋಡು. ಅಯಿನೊಟ್ಟುಗು ಬರಿ ದಿನಟ್ಸ್ ತುಳು ಸಿನಿಮಾಳೆನ್ ಪ್ರಸಾರ ಮಲ್ಲೊಳಿ, ಏರ್ಟೆಲ್, ಬಿಗ್ಟಿವಿ, ಡಿಷ್ಟಿವಿ, ಸನ್ಡೈರೆಕ್ಟ್, ವೀಡಿಯೋಕಾನ್ ಇಂಚಿತ್ತಿನ ಡಿಟಿಎಚ್ಕುಳೆಡ ನಿರ್ಮಾಪಕೆರ್ ಪಾತೆರ್ ಸೀದಾ ಜನಕ್ಕುಳೆನ ಇಲ್ಲಾಡೆಗ್ ತುಳು ಸಿನಿಮಾಳೆನ್ ಮುಟ್ಟಾವೊಳಿ, ಬೆಂಗಳೂರು ದೂರದರ್ಶನೊದ ಶುಕ್ರವಾರದ ಚಿತ್ರಮಂಜರಿಟ್ 'ಬಂಗಾರ್ ಪಟೇರ್' ಚಿತ್ರದ ಪದ್ಯ ಬತ್ತಿತ್ತೇನೈನ್ ಮುಲ್ಪ ನೆಂಪು ಮಲ್ಲೊನುಡು, ಅಂಚನೆ ನನತ ತುಳು ಸಿನಿಮೊಳೆಡ್ ಎಡ್ಡೆಂದಿನ ಕಬಿತೆಲೆನ್ ಸೇರಾದ್ ಅಯಿನ್ ಬೇತೆ ಬೇತೆ ಚಾನಲ್ಡ್ ಪ್ರಸಾರ ಮಲ್ಲೊಳಿ, ಎಡ್ಡೆ ಪದ್ಯ ಬಾಸೆದ ಗಡಿ ಇಜ್ಯಾಂದೆ ಜನಕುಲೆಗ್ ಮುಟ್ಟ ಆಪುಂಡು, ತುಳು ಸಿನಿಮಾಳೆನ ಸಿ.ಡಿಗಳು ಬತ್ತಿ ಬಜಿ ಕಡಮ್ಮೆ ಪರ ಸಿನೆಮಾ ಇನಿ ತೂಯರಲಾ ತಿಕ್ಕುಜ್ಜಿ. ಅಯಿನ್ ಮಾತ್ರ ಅತ್ತಂದೆ ನನ ಮಲ್ಪುನ ಸಿನಿಮಾಳೆಲ್ಲಾ ಸಿಡಿ, ಡಿವಿಡಿ ರೂಪಡ್ ಕಣ ಸರಿಯಾಯಿನ ಒಪ್ಪಂದ ಮಲ್ತ್ದ್ ಮುಲ್ಪದ ಕೇಬಲ್ ಚಾನಲ್ಡ್ ಪ್ರಸಾರ ಮಲ್ಲೊಲಿ, ಒಂಜರೆ ರಡ್ಡೆ ಗಂಟೆದ ಎಲ್ಯ ಸಿನಿಮಾಲಾ ಮಲ್ಲೊಲಿ, ಅರ್ಧ ಗಂಟೆದ ಕಿರುಚಿತ್ರಲಾ ಮಲ್ಲೊಲಿ, ಅಯಿನ್ ಥಿಯಟರ್ಡ್ ಬೇತೆ ಸಿನಿಮಾದೊಟ್ಟುಗ್ ತೋಜಾವೊಲಿ. ಅಂಚನೆ ದಾರಾವಾಹಿ ಮಲ್ಲೊಲಿ, ತುಳುನಾಡುದ ವಿಶಿಷ್ಟತೆ ಉಪ್ಪುನ ಕನ್ನಡ ದಾರಾವಾಹಿಲಾ ಮಲ್ಲೊಲಿ, ಕೇಬಲ್ ಚಾನಲ್ಸ್ ತುಳು ಸಿನಿಮಾಗಾದ್ ಕಲಾವಿದೆರೆನ್ ನಾಡುದ್ ಕೊರುನೆ, ಸಿನಿಮಾದ ಪದ್ಯ ಪ್ರಸಾರ ಮಲ್ಪುನೆ, ಪ್ರಚಾರ ಮಲ್ಪುನೆ, ಶೂಟಿಂಗ್ಗ್ ಸಹಾಯ ಮಲ್ಪುನೆ ಇಂಚ ಬೇತೆ ಬೇತೆ ರೀತಿಡು ತಂಕುಲೆಡ್ಡಾಯಿನ ಸಹಕಾರ ಕೊರೊಲಿ. ಕನ್ನಡ ಸಿನಿಮಾಳೆಡ್ ತುಳುನಾಡುದಕುಳೆನ ಭೂಗತ ಜಗತ್ತ ಸಂಬಂದೊ, ಹೋಟೆಲ್ಕುಳೆನ ಸಂಗತಿ, 'ಮಂಗ್ಲರು ಕನ್ನಡ' ಪಾತೆರವು ತೋಜುದು ಬರೊಂದುಂಡು. ಒಂಜೊಂಜಿ ಕಡೆಟ್ ಎಡ್ಡೆ ರೀತಿಡ್ ಬತ್ತಿನವು ಉಂಡಾಂಡಲಾ ಅವು ಬಾರೀ ಕಡಮ್ಮೆ. 169
