ಪೊಸತಾವೊಂದೇ ಪೋಪುಂಡು, ಇಂಚಾದ್ ಬಾಯಿಡ್ ಕಟೊಂದು ಬರಿ ಕಾವ್ಯದ ಬೇತೆ ಬೇತೆ ಪಕ್ಯೂಲೆನ್ ಬೇತೆ ಬೇತೆ ಪಾಟಾಂತರಂದ್ದ್ ಎಣ್ಣಂದೆ, ಒಂಜಿ ಎಡ್ಡೆಂತಿನವು ನಾನೊಂಜಿ ಸುಮಾರ್ದವುಂದ್ದ್ ಗುಣಟು ಯೆತ್ವಾಸಿ ಮಲ್ಪಂದೆ ಒಂಜೊಂಜೆನಾ ಸೊತಂತ್ರ ಪಟ್ಯಂದೇ ತೆರಿಯೊನೊಡು. ಬೇತೆ ಬೇತೆ ಪಟ್ಟೋಲೆಡ್ ಅರ್ಥದ ಸೋದನೆ ಮಲ್ಲೊಡು, ಸಿರಿಪಾಡ್ಡನ ಒಂಜಿ ಪಟ್ಯೂನು ಓದ್ದ್ ಕಾವ್ಯ ಓದ್ಗಾಂಡ್ಂದ್ ಪನ್ನುನವು ಸಮ ಅತ್ತ. ಒಂಜೆಯೇ ಆ ಪಾಡ್ಡನದ ಅರ್ತಗುರ್ತ ಐಸಿರಿನ್ ಪತ್ತಿಯರೆ ಸಾಧ್ಯ ಆವಂದ್. ಇಂಚಿತ್ತಿ ಜನಪದ ಕಾವ್ಯ-ಪಾಡ್ಡನೊಲೆನ್ ಓದುನೆಕ್, ಅರ್ಥ ಮಲ್ವುನೆಕ್ ಯೆಡೇನ ತೆರಾಯಿ ಮನಸ್ ಬೋಡು. ಅಚ್ಚರ ಕಾವ್ಯ ಬುದ್ಯಂತೆ ಪಂಡಿ ಸಾದಿಡ್ ದುಂಬತ್ತ ಪೋವಂದೆ ಪೊಸಸಾದಿ ಮಲ್ಲೊಂದು ಪೋವೊಡು. ಅಂಚ ಪನ್ನುನಾಂಡ ಯೇರೋ ಪಂಡಿ ರಾಜರಸ್ತೆಡ್ ಪೋವಂದೆ, ಕಾರ್ಾಡ್ ತರತಿ ಸಾದಿಡ್ ದುಂಬತ್ತಂದೆ ನಮನೇ ಪೊಸ ಸಾದಿನ್ ಮಲ್ಲೊಂದು ಪೋವೊಡು, ಬಾಯಿಡೇ ಕಟ್ಸ್ದ್ ಪನ್ಸಿ ಕಾವ್ಯ ಆಯನ /ಆಲೆನ ಸೃಜನ ಸಕ್ತಿಡ್ ಆಕಾರ ಪಡೆದ್ ಬರಿನ ಆಶು (imprompt) ಸುರ್ಪದವು. ಪಂಡ ಸಮಯ ಸಂದರ್ಬೋಡು ಬದಲಾವಣೆ ಆವೊಂದೆ ಪೋಪಿನವು. 'ಕತೆ' ತ ಆಕಾರ, ಸುರುಪ್ಪೋ ಸೊರದನಿ, ಒಂಜೇ ನಮೂನೆಡ್ ಉಪ್ಪಾಂದ್, ಅಂದ್ಂಡ ಒಂಜಿ ಬಗೆತ ಸೃಜನಾಂಶ ತೋಜಿದ್ ಬರುನೆಟ್ ದಾಲಾ ಸಂಸಯೊ ಇದ್ವಿ, ಕಾವ್ಯದ ಪರಪುಡು ಕತೆತ ಬಂಟೆ /ಬಂಟೆದಿನ ಪುಟ್ಟ ಬಳಕೆ ಕಲೆ ಕಾರ್ನಿಕ, ಮಧ್ಯೆ ಬಯಕೆ, ಸಾವು, ಕಾಳೆಗೊದ ಅಟ್ಟಣೆ, ಓಲೆ ಬರೆಪಿ ಸನ್ನಾಯೊ, ಓಲೆ ಕೊನೊಪಿ ಬಿನ್ನಾಣಿ, ಬೋಂಟೆ, ಬೋಂಟೆದ ನಾಯಿ, ನಾಯಿದ ಮಲ್ಲು ಮದಿಮೆದ ಚಪ್ಪರದ ವಿವರೊ, ಬಿನ್ನೆರೆನ್ ಎದೊನುನ ರಿವಾಜಿ ಇಂಚಿಪ್ಪ ಮಾತಾ ವಿವರೊಲು ಉಪ್ಪುವತ್ತ ಬಾಯಿಡ್ ಕತೆನ್ ಮುಡೆಪಿ ಬಿರ್ಸೆ ಪಾಡ್ಡನಕಾರೆ /ತಿ ಇಂಚಿತ್ತಿ ಬುಡು ಬುಡು ಸಂಗತಿಲೆನ್ ಆಯಾ ಸಂದರ್ಬೊಗು ಬೋಡಾಯಿಲೆಕ ಪೊಲಿದ್ ಕಟ್ಟುವೆ. ಒರಿ ಚಿತ್ರ ಬುಡ್ಡಾವುನ ಕಲಾವಿದೆ ನಾಲೇ ಗೆರೆಟ್ ಒಂಜಿ ಚಿತ್ರ ಬುಡ್ತಾವೆ, ಅಡ ಅವೆನ್ ನಾನಾ ನಮೂನೆಡ್ ಅಯಿತ ಸಿಂಗಾರ ಮಲ್ಲುವೆ. ಸೃಜನಶೀಲ ಕಾವ್ಯ ಕಟ್ಟುನಾಯೆನ ಕಾವ್ಯ ಕಟ್ಟುನ, ಬಿರ್ಸಾದಿಗೆಲಾ ಉಂದುವೇ ನಮೂನೆದವು. ಆಯೆಡ 'ಸೃಜನ ಬಿರ್ಸಾದಿಗೆ' ದ ತಾಕತ್ ಹೆಚ್ಚ ಇತ್ತಿಲೆಕ ಆಯನ ಕಾವ್ಯಗು ದುನ್ನದ ಐಸರೊ ಕೈಸೇರುಂಡು, ಕಾವ್ಯದ ತಿರ್ಲ್ ದಿಂಜುಂಡು. ಇಂಚ ಆನಗ ಪಾಡ್ಡನದ ಸೊರ ಕೇನುನಕುಲೆಗ್ ಕೇಂಡಿನವುದೇ ಕೇನುನ ಪಂಡಿನವೆನೆ ಪಿರ ಪಿರ ಕೇನುನ ಸ್ಥಿತಿಡ್ಜ್ ಬುಡುಗಡೆ ಆಪುಂಡು, ಪಾಡ್ಡನ ಪಟ್ಟುನ ಬಿರ್ಸೆಡ ಕತೆತ ಬೇತೆ ಬೇತೆ ಸಂಗತಿಲು ಪೂರಾ ಗಟ್ಟಿಯಾದ್ ನಿಲೆಯಾದ್ ಇತ್ತಂಡ, ಪರಂಪರೆದ ಅಲೆಗೊದ ಬಲೊಟು ಕತೆನ್ ಪದದ ರೂಪೊಡು ಉಂತಿ ನಿಲೆಟೆ ಕಾವ್ಯವಾದ್ ಕಟ್ಟುನ ಸಾಮರ್ತಿಗನ್ ಪಡೆಪೆ. ಇಂಚಿನ ಬಾಯಿಡೇ ಕಾವ್ಯ ಕಟ್ಟುನ ಈ ಬಿರ್ಸಾದಿಗೆದ ತೆರಿಪಾಟೊಗು ಒಂಜಿ 'ಗೊಬ್ಬು ಮಲ್ಲೊಲಿ. ಸೊರ ಒಯ್ದದ್ ಪಂಡಿನ ಒಂಜಿ ಮಲ್ಲ ಕಾವ್ಯ-ಪಾಡ್ನನನಲಾ ಅವೇ ಪಾಡೊನೊನ್ ಬಾಯಿಡ್ ಕತೆತ ರೂಪೊಡು ಪಂಡಿನ ರೂಪೊನುಲಾ ಒಟ್ಟುಗು ದೀದ್ ಯೆತ್ವಾಸಿ ದಾನೆಂದ್ ತಾರ್ಕಣೆ ಮಲ್ನೋಡು. ಅಪಗ ಪಾಡ್ಡನ ಕಟ್ಟಂದ ಪನ್ನಿನ ಕಬಿತ ತರೆಟ್ ಅವು 'ಮಾನಸಿಕ ಪಠ್ಯ' ದ ರೂಪೊಡು ಎಂಚ ನಿಲೆಯಾದುಪ್ಪುಂಡು, ಅಂಚನೇ ಬೇತೆ ಜನಟ ಕಲ್ಲಿನ ಸಂಗತಿನ್ ಎಂಚ ತನ ಪ್ರತಿಭಾ ವಿಶೇಷೋಡು ಪುನರ್ ಸಂಯೋಜನೆ ಮಲ್ಲುವೆ, 5
