ಸರಕಾರದ ಎದುರು ದೀದಿತ್ತೆರ್. ತುಳುವೆರೆ ಆಗ್ರಹೊಗು ಒಪ್ಪಿದ್ ಬೆಂಗಳೂರುಡು ರಾಣಿ ಅಬ್ಬಕ್ಕನ ಒಂಜಿ ಪ್ರತಿಮೆ ಸ್ಥಾಪನೆ ಆತ್ಂಡ್. IGNCA ಸಂಸ್ಥೆ ಅಬ್ಬಕ್ಕ ರಾಣಿನ ಮಿತ್ ಒಂಜಿ ದಾಖಲೀಕರಣದ ಕೆಲಸೊನುಲಾ ಮಲ್ಲೊಂದುಂಡು. ರಾಣಿ ಅಬ್ಬಕ್ಕನ ಬಗೆಟ್ ಸಂಶೋಧನೆ ಕಾರ್ಯ ಮಲ್ಪೆರೆಗ್ಂದೇ ಒಂಜಿ ನಿಧಿ ಸ್ಥಾಪನೆ ಮಲ್ಲೊಡು ಪನ್ಸಿ ಉದ್ದೇಶನುಲಾ ತುಳು ಅಕಾಡೆಮಿ ದೀವೊಂದುಂಡು, ಕುಡ್ಲದ ಜಿಲ್ಲಾಧಿಕಾರಿಲೆನ ಆಫೀಸ್ದ ಪಿದಯಿದ ವೃತ್ತೊಗು 'ರಾಣಿ ಅಬ್ಬಕ್ಕ ವೃತ್ತಂದ್ ಪುದರ್ ದೀವೊಡು ಪನ್ನಿ ಬೇಡಿಕೆನ್ಲಾ ಕುಡ್ಲದ ಮಹಾನಗರ ಪಾಲಿಕೆದ ಆಡಳಿತದ ಎದುರು ದೀತ್ಂಡ್. 'ಕನ್ನಡ ರಂಗಮಂದಿರ'ದ ನಿರ್ಮಾಣ ಆನಗ, ಅಯಿಕ್ಕೆ 'ರಾಣಿ ಅಬ್ಬಕ್ಕ ರಂಗಮಂದಿರ'ಂದ್ ಪುದರ್ ದೀವೊಡು ಪಂಡ್ದ್ ಕನ್ನಡ ಸಾಹಿತ್ಯ ಪರಿಷತ್ ಯೋಜನೆ ಪೊಣ್ಣನ ಸೊರ, ಆಲ್ ಬೆಂದಿ ಬೇಲೆ, ಮಲ್ಲಿ ಸಾಧನೆಲು ಅಲೆನ ಒಟ್ಟಿಗೆನೇ ಮಣ್ ಸೇರ್ ಮಾಜಿದ್ ಪೋಪಿನವು ಪ್ರಪಂಚದ ಮಾತ ದೇಶೆಡುಲಾ ನಡತಿನ ಸಾಜ ಸತ್ಯ. ಅಬ್ಬಕ್ಕ ರಾಣಿನ ಬೀರದ ಕತೆ ಇತಿಹಾಸೊಡು ದೆಂಗ್ ಪೋಯೆರೆಲಾ ಉಂದೇ ಕಾರಣಂದ್ ಪನೊಲಿ. 33 ಕರ್ನಾಟಕದ ಇತಿಹಾಸೊಡು ಬೀರದ ರಾಣೆಯೆರ್ಂದ್ ದಾಖಲಾದಿಪ್ಪುನ ಕಿತ್ತೂರ ಚೆನ್ನಮ್ಮ, ಝಾನ್ಸಿರಾಣಿ ಲಕ್ಷ್ಮೀಬಾಯಿನಕ್ಲರ್ಡ್ ಕೆಲವು ನೂದು ವರ್ಷ ಪಿರಾಕ್ಡೇ ಸ್ವಾತ್ರಂತ್ಯದ ಶಂಖ ಉರ್ತಿನ, ನಾಡ್ದ ಸ್ವಾತಂತ್ರೋ ಗಾದ್ ಪೊಂಬುದು ಜೀವ ಕೊರಿನ ಉಳ್ಳಾಲದ ಅಬ್ಬಕ್ಕ ರಾಣಿನ ಪುದರ್ ರಾಷ್ಟ್ರದ ಇತಿಹಾಸೊಡು ಬಂಗಾರ್ದ ಅಕ್ಷರೊಡು ದಾಖಲಾವೊಡು ಪನ್ನಿನವು ತುಳು ವಿದ್ವಾಂಸೆರೆನ ಬೇಡಿಕೆ. ತುಳುನಾಡ್ಡ್ ಆಳ್ವಿಕೆ ಮಲ್ಲಿನಾಲ್ ಪನ್ನಿ ಒಂಜೇ ಕಾರಣೆಗಾದ್ ಉಳ್ಳಾಲದ ಅಬ್ಬಕ್ಕದೇವಿ ಬಜೀ ತುಳುನಾಡ್ದ ಇತಿಹಾಸ ಆದ್ ಒರಿಯೆರೆ ಬಲ್ಲಿ. ಪೊಣ್ಣ ದೈರೊಗು ರೂಪಕ ಆದ್ ಮೆರೆಯೊಡು, ಪರದೇಶೀ ಆಕ್ರಮಣದ ವಿರುದ್ಧ ಸುರೂಟ್ಟು ಲಕ್ಕಿದ್ ಉಂತಿನಾಲ್, ಅಕೆ ದಗಲ್ ಬಾಜಿದ ಪಗರಿಗ್ ಪಗ್ರ್ಡೇ ಸರಿಯಾಯಿನ ಉತ್ತರ ಕೊರ್ದು ಗೆಂದಿನಾಲ್, ತನ್ನ ಜೋಕ್ಲಲೆಕ್ಕಂತಿನ ಪ್ರಜೆಕ್ನ ಸ್ವಾತಂತ್ರೋಗು ಧಕ್ಕೆ ಬನ್ನಗ ತನ್ನ ಮಾತ ಶಕ್ತಿ-ಯುಕ್ತಿ ಬಳಕೆ ಮಲ್ತ್ದ್ ಪರದೇಶಿಲೆನ ವಿರುದ್ಧ ಪೊಂಬುದು ಜೀವ ಬುಡಿನಾಲ್-ಪಕ್ಷಿ ಪುಗರ್ತೆನ್ ಅಬ್ಬಕ್ಕ ರಾಷ್ಟ್ರಮಟ್ರೊಡು ಪಡೆವೊನೊಡು ಪನ್ಸಿ ಆಸೆ ತುಳುವೆರೆಗ್. ಒಟ್ಟಾರೆಯಾದ್ ಅಬ್ಬಕ್ಕ ದೇವಿ ಒರ್ತಿ ಅಪರೂಪದ ಬೀರೆದಿ, ಬಿರ್ಸೆದಿ ಪೊಂಜೊವು. ದೈರ, ಸ್ವಾಭಿಮಾನ, ಬುದ್ಧಿವಂತಿಗೆಲೆಡ್ ಅಲೆನ ಸಮಕಾಲಿನ ಅರಸುನಕ್ಲಿನ್ ಮೀರಾಯಿನಾಲ್ ಪನ್ನಿನ ಸಂಗತಿ ಚರಿತ್ರೆಡ್ ತೆರಿದ್ ಬರುಂಡು, ಇತಿಹಾಸೊಗು ಸೇರ್ದ್ ಪೋಯಿನ 'ಅಬ್ಬಕ್ಕ ಪರಂಪರೆ' ವರ್ತಮಾನೊಗು ಸಂದೊಡು, ವರ್ತಮಾನದ ಮೂಲಕ ದುಂಬುದ ಭವಿಷ್ಯಗು ಬೊಲ್ಪು ಆವೊಡು ಪನ್ನಿ ದಿಟ್ಟಿಡ್ - ಮಂಚಿ ಕಟ್ಟಿನ, ಕೋಟೆ ಕಟ್ಟಿದ್ ತುಳುನಾಡ್ ಜನೊಕ್ಲಿನ್ ಒಟ್ಟು ಮಲ್ತಿನ, ಹಿಂದೂ ಮುಸ್ಲಿಂ ಸೈತ ಮಾತೆರೆನ್ ಪರದೇಸೊದನ ವಿರುದ್ಧ ಒಂಜೇ ಶಕ್ತಿಯಾದ್ ದೆರ್ತ್ ಕಟ್ಟಿನ ಅಬ್ಬಕ್ಕ ನಮ್ಮ ನಾಡ್ಗ್ ದೊಂದಿಯಾವೊಡು. 139
