ಪಲೆಕ್ಕ ತೋಜುಂಡು. ಅಬ್ಬಕ್ಕನ ಬಗೆಟ್ ಉಪ್ಪುನ ಕತೆಕುಲು, ನಂಬಿಕೆಲೆನ್ ಕೇಂಡ್ದಾನಗ, ರಾಣಿ ಅಬ್ಬಕ್ಕ ಅಕ್ಕೆಸಿರಿ, ಕೋಟಿಚೆನ್ನಯೆರೆಲೆಕ್ಕನೇ ತುಳುನಾಡ್ದ ಜಾನಪದ ಐತಿಹ್ಯ ಆದ್ ಪೋತಲ್ ಪಂಡಲಾ ತಪ್ಪಾವಂದ್. ಪರಕೀಯರ ಎದುರು ತರೆ ತಗ್ಗವಯೆ, ಅಕೆಗೆ ಕಪ್ಪ ಕೊರಯೆ ಪಂಡ್ದ್ ಗಟ್ಟಿ ಉಂತುದು ಅಕ್ಸೆನ್ ಊರುರ್ದ್ ಗಿಡತಿನ ಅಬ್ಬಕ್ಕೆ, ಝಾನ್ಸಿ ರಾಣಿ ಲಕ್ಷ್ಮೀಬಾಯಿರ್ದ್ ಸುಮಾರ್ 300 ವರ್ಷ ಪಿರಾಕ್ದಾಲ್, ಝಾನ್ಸಿ ರಾಣಿ ಪೊಣ್ಣ ದೈರೊಗು ಸಂಕೇತ ಆದ್ ಭಾರತೀಯ ಇತಿಹಾಸದ ಪುಟಕ್ಲಡ್ ಮೆರೆವೊಂದಿಪ್ಪುನಗ ಅಬ್ಬಕ್ಕ ಅಲ್ಪ ತೋಜಂದನೇ ಮಾಜಿದ್ ಪೋಯಿನವು ಬಾರೀ ಬೇಜಾರ್ದ ಸಂಗತಿ. ಪೋರ್ಚುಗೀಸೆರೆ ವಿರುದ್ಧ ಆಲ್ ಮಲ್ತಿನ ಭಯಂಕರ ಲಡಯಿಲು ಸರಿಯಾದ್ ದಾಖಲಾತಿಜ, ಆಂಡ ಬಾಯಿಪಾತೆರೊಡು ಕೆಬಿಯಾನ ಕೆಬಿ ದಾಂಟುನ ನೆಂಪುಲು ತುಳುವೆರೆ ಮನಸ್ಡ್ ಅಲೆನ್ ಬೀರದಿ ಪೊಂಜೊವಾದ್ ನಿಲೆ ಮಲ್ತದ, ರಾಣಿ ಅಬ್ಬಕ್ಕ ಭಾಷೆ ಬೊಕ್ಕ ಸಾಹಿತ್ಯಗು ಎಡ್ಡೆ ಪ್ರೋತ್ಸಾಹ ಕೊರಿನಾಲ್, ಅಲೆನ ಆಸ್ಥಾನೊಡು ಪೋರ್ಚುಗೀಸ್ ಭಾಷೆ ತೆರಿದಿನ ದುಭಾಷಿಲು ಇತ್ತೆರ್, ಪೋರ್ಚುಗೀಸೆರೆರ್ದ ಬತ್ತಿನ ಓಲೆಲೆನ್ ತುಲುಕು ಅನುವಾದ ಮಲ್ ಪಂಡೊಂದಿತ್ತೆರ್. ಪಿಯಾ ದೆಲ್ಲಾವೆಲ್ಲೆ ಬೊಕ್ಕ ಅಬ್ಬಕ್ಕನ ನಡುಟ್ಟು ನಡತ್ತಿನ ಪಾತೆರಕತೆಕ್ ನರಸು ಪನ ಬೆರಣೆ ಮದ್ಯವರ್ತಿ ಆದಿತ್ತೆ ಪಂಡ್ದ್ ಆಯೆನ ಪ್ರವಾಸಿ ಕಥನಡ್ ಬರೆತೆ. 1997 3 ನವೆಂಬರ್ ತಿಂಗೊಲುಡು (8,9 ತುಳು ಅಕಾಡೆಮಿ ಬೊಕ್ಕ ಉಳ್ಳಾಲ ಅಬ್ಬಕ್ಕ ರಾಣಿ ಉತ್ಸವ ಸಮಿತಿದ ಸೇರಿಗೆಡ್ ಉಳ್ಳಾಲೊಡು ನಡತಿನ ಅರ್ಥಪೂರ್ಣವಾಯಿನ “ಅಬ್ಬಕ್ಕ ಉತ್ಸವ' ತುಳುನಾಡ್ದ ಅಬ್ಬಕ್ಕ ರಾಣಿನ ಬೀರೊದ ಕತೆನ್ ದೇಶ ಇಡಿಕ್ಟ್ ತೆರಿಪಾಂಡ್. ಉಳ್ಳಾಲ ಬೊಕ್ಕ ಅಬ್ಬಕ್ಕನ ಬಗೆಟ್ ನಾಡ್ದ ಸಂಶೋಧಕ ಕೆಲಸ ಮಲ್ಪುಲೆಕ್ಕ, ಜನಪ್ರತಿನಿಧಿಕುಲು ಕುಡ್ ಲಕ್ಕೊನುಲೆಕ್ಕ ಮಲ್ತ್ಂಡ್, ಕರ್ನಾಟಕ ರಾಜ್ಯ ಸುವರ್ಣ ಮಹೋತ್ಸವನ್ ಆಚರಣೆ ಮತ್ತೊಂದಿಪ್ಪುನ ಈ ಪೊರ್ತುಡು ಸ್ವಾತಂತ್ರದ ಪೊಣೆಪು ಬೊಕ್ಕ ಪೊಣ್ಣು - ಈ ರಡ್ ನಿಲೆಕೆಡ್ ಉಳ್ಳಾಲೊ ಒಂಜಿ ಶಕ್ತಿಕೇಂದ್ರವಾದ್ ಉಂತುನ ಸಾಧ್ಯತೆ ಬೊಕ್ಕ ಅವಕಾಶ ನಿಚ್ಚಳವಾದುಂಡು. ತುಳುನಾಡ ಇತಿಹಾಸೊಡು 'ಅಬ್ಬಕ್ಕ ಪರಂಪರೆ'ನ್ ಗುರುತಿಸವುನವು, ಬೊಕ್ಕ ಆ ಪರಂಪರೆ ಪೊಣ್ಣನ ಧೈರ್ಯ, ಸ್ವಾಭಿಮಾನ, ಪೊರ್ಂಬೆಲ್ದ ಗುಣಲ್ಲಿನ ಮೊತ್ತ ಆದ್ ನಂಕ್ ಆದರ್ಶ ಆಪುಲೆಕ್ಕ ರೂಪಣೆ ಮಲ್ಪುನವು ಪ್ರಸ್ತುತ ಆವೊಡಾಯಿನ ಮಾಮಲ್ಲ ಕೆಲಸ. ರಾಣಿ ಅಬ್ಬಕ್ಕನ ಕತೆ ಸಂಗತಿಲು ಸರಿಯಾದ್ ದಾಖಲಾತಿಜ, ತಿದಿನ ಮೌಖಿಕ ದಾಖಲೆಲೆನ್ ವೈಜ್ಞಾನಿಕವಾದ್ ಸಂರಕ್ಷಣೆ ಮಲ್ಪುನ ಬೇಲೆ ನಡತ್ದಿಜಿ. ವಿದೇಶೀ ದಾಳಿನ್ ತನ್ನ ಪ್ರಜೆಕ್ಲೆನ ಬೆರಿಸಾಯೊಡೇ ಸಮರ್ಥವಾದ್ ಇದರ್ ಪಿರಗಿಡತಿನ ಅಬ್ಬಕ್ಕ ರಾಣಿನ ಬಗ್ಗೆ ಸರಕಾರ, ಪ್ರಜಾ ಪ್ರತಿನಿಧಿನಕುಲು ಹೆಚ್ಚಿಗೆ ಆಸಕ್ತಿ ತೋಜಾದ್ಜೆರ್. ಅಬ್ಬಕ್ಕನ ಪುದರ್ಗ್ ತಿಕ್ಕೊಡಾಯಿನ ಮಣೆ ತಿದ್ಜಿ. ಸಂಶೋಧನೆಲು ನಡತ್ಜ ಅಬ್ಬಕ್ಕ ಉಚ್ಚಯೊಡು ತುಳುವೆರ್ ರಾಣಿ ಅಬ್ಬಕ್ಕನ ಮೂರ್ತಿನ್ ಕುಡ್ಲದ ಪುರಭವನ ಬೊಕ್ಕ ಬೆಂಗಳೂರುದ ಪುರಭವನೊದ ಕೈತಲ್ ಪ್ರತಿಷ್ಠಾಪನೆ ಮಲ್ಲೊಡು ಪನ್ಸಿ ಬೇಡಿಕೆನ್ 138
