ಸಮಾಜೊಡು ಬುಲೆದ್ ಬತ್ತಿನ ರೀತಿ, ಕಾಲೊದ ಬದಲಾವಣೆಡ್ ಅವು ಬದಲಾಯಿನ ರೀತಿ ಉಂದೆನ್ ಪೂರ ಅಧ್ಯನೊದ ಮೂಲ ತೆರಿಯೊನರೆ ಸಾಧ್ಯ ಆಪುಂಡು. ಅಂಚಾದ್ ಜಾನಪದ ಅಧ್ಯಯನೊದ ಒಟ್ಟಿಗೆ ಸಂಸ್ಕೃತಿದ ಸಂಶೋಧನೆ ಮಲ್ತಿ ಲೆಕ್ಕಾಪುಂಡು. ಜಾನಪದ ಅಧ್ಯಯನೂ ನಮ್ಮ ದೇಡು ಸುರು ಆಯಿಬೊಕ್ಕ ಮುಖ್ಯವಾದ್ ಭಾರತೊದ ಬೇತೆ ಬೇತೆ ರಾಜ್ಯೋಲೆಡ್ ಗುಡ್ಡ ಕಾಡ್ ಪ್ರದೇಶೂಲೆಡ್ ಜೀವನ ಮಲ್ಲೊಂದು ಇಪ್ಪುನ ಬುಡಕಟ್ಸ್ ಜನಾಂಗದ ಬಗ್ಗೆ ನಮಕ್ ಹೆಚ್ಚಿನ ಮಾಹಿತಿ ತಿಳ್ಕೊಂಡ್. ಅಕ್ಲೆನ ಜಾನಪದ ಅಧ್ಯಯನ ಮಲ್ಪುನ ಮೂಲಕೂ ಬುಡಕಟ್ಟೆ ಜನಾಂಗದವೇ ಆಯಿನ ಒಂಜಿ ಸಂಸ್ಕೃತಿನ್ ತೆರಿಯೊನರೆ ನಂಕ್ ಸಾಧ್ಯ ಆಂಡ್. ನಮ್ಮ ದೇಶದ ಸಂಸ್ಕೃತಿಗ್ ಇಂಚಿಪ್ಪಗ್ ಸೇರಿನ ಬುಡಕ್ಟ್ ಜನಾಂಗೊಲಾಯಿನ - ಆಂಧ್ರ ಪ್ರದೇಶದ 'ಚಂಡ' ಕೇರಳದ 'ಫಣಿಯ' ತಮಿಳ್ನಾಡ್ದ ತೋಡ' ಮಧ್ಯಪ್ರದೇಶದ 'ಗೊಂಡ' ಬಿಹಾರದ 'ಸಂತಾಲ' ನಾಗಲ್ಯಾಂಡ್ 'ನಾಗ ಮೇಘಾಲಯದ 'ಖಾಸಿ' ರಾಜಸ್ಥಾನದ 'ಭಿಲ್ಲ' ಕರ್ನಾಟಕದ 'ಸೋಲಿಗ', 'ಕೊರಗ', ಹಸಲ ಈ ಬುಡಕಟ್ಟೆ ಜನಾಂಗೊಲು ಇನಿಕ್ಕಲ ತನ್ನವೇ ಆಯಿನ ಒಂಜಿ ವಿಶಿಷ್ಟ ರೀತಿದ ಸಂಸ್ಕೃತಿನ್ ಒರಿತೊಂದು ಬತ್ತದೆ. ಈ ಬುಡಕಟ್ಸ್ ಜನಾಂಗದ ಜಾನಪದ ಅಧ್ಯಯನ ಮಣ್ಣಿನೆದ್ದಾವರ, ಅಕ್ಕೆ ಸಂಸ್ಕೃತಿದ ರೀತಿ ರಿವಾಜ್ಲು ನಂಕ್ ತೆರಿದ್ ಬತ್ತ್ಂಡ್. ಅಂಚ ನಮ್ಮ ದೇಲೊಡು ಜಾನಪದ ಅಧ್ಯನೊದ ಮೂಲಕನೇ ಬೇತೆ ಬೇತೆ ಸಂಸ್ಕೃತಿದ ಸಂಶೋಧನೆಲು ನಡೆವ್ನ್ ನಮೊ ತೂವೊಲಿ. 19ನೇ ಶತಮಾನೊಡು ನಮ್ಮ ದೇಶದ ಶಾಸ್ತ್ರಜ್ಞ ವೇದ, ಉಪನಿಷತ್, ಪುರಾಣ, ರಾಮಾಯಣ, ಮಹಾಭಾರತ ಇಂಚಿತ್ತಿ ಸಂಸ್ಕೃತಿ ಪಲ್ಗೊಲೆನ ಅಧ್ಯಯನೊದ ಮೂಲಕ ನಮ್ಮ ದೇಶದ ಸಂಸ್ಕೃತಿನ್ ಅರ್ಥ ಮಲ್ಲೊನರ ಪ್ರಯತ್ನ ಮಲ್ಸ್ದೆ. ಆಂಡ ಅವು ಕೇವಲ ಒಂಜಿ ಆಂಶಿಕಲಾಯಿನ ಪ್ರಯತ್ನ ಮಾತ್ರ ಆದ್ ಇತ್ತಂಡ್. ನಂತರದ ಕಾಲೊಡು ನಮ್ಮ ದೇಶ್ಗು ಬತ್ತಿನ ಕ್ರೈಸ್ತ ಮಿನರಿಲು ಬೊಕ್ಕ ಆಡಳಿತ ಮಲ್ಲಿನ ಬ್ರಿಟಿಷ್ ಅಧಿಕಾರಿಲು ಬೊಕ್ಕ ಅಕ್ಕನ ಕುಟುಂಬ ವರ್ಗದಕುಲು ಹಳ್ಳಿದ ಜನಕ್ಕೊಡ ವ್ಯವಹಾರೊಗು ಬೋಡಾದ್ ಮುಲ್ಪದ ಭಾಷೆ ಕಲ್ಲೆರ್. ಆ ಮೂಲಕ ಜಾನಪದ ಸಂಗ್ರಹ ಮಲ್ಲೆರ್ ಬೊಕ್ಕ ಬೇತೆ ಬೇತೆ ಸಂಸ್ಕೃತಿದ ಸಂಶೋಧನೆಲಾ ಮನೆನ್ ನಮ್ಮ ದೇಶದ ಇತಿಹಾಸೊಡು ತೆರಿದ್ ಬರುಂಡು. ಈ ವಿಚಾರಲೆನ್ ಮಾತ ಗಮನಿಸಾಂಡ ನಂಕ್ ಗೊತ್ತಾಪುಂಡು. ಜಾನಪದ ಅಧ್ಯಯನ ಬೊಕ್ಕ ಸಂಸ್ಕೃತಿ ಸಂಶೋಧನೆ ಅವು ಒಟ್ಟಿಗೆ ನಡಪುನ ವಿಚಾರೊಲಾದಿಪ್ಪುವ. 126
