ಮಲ್ದಿಪ್ರೊಡು. ಬೊಕ್ಕ ತನ್ನ ತನ್ನಕ್ಕೆ ಸುಖ ಸೌಕರ್ಯದ ಕಡೆಕ್ಟ್ ಆಯನ ಮನಸ್ಸೇ ಪೋಯಿನಾಂದ್ ನಾಗರೀಕತೆದ ಕತೆಕ್ಕು ಪನ್ನೂ, ತನ್ನ ಬದಕ್ದ ಸುಖದುಃಖದ ಬಗ್ಗೆ ಕಲ್ಲಿ ನರಮಾನಿ ದೇವೆರ್ ಧರ್ಮೊಲೆನ್ ಸೃಷ್ಟಿ ಮಲ್ಗೊಂಡೆ. ನಂಬಿಕೆ ಆರಾಧನೆಡ್, ಆಚರಣೆದ ಅನುಷ್ಠಾನೊಡು ಬೇತೆ ಬೇತೆ ಸ್ವರೂಪೊಡು ಬತ್ತಿಲೆಕ್ಕಾ ಧಾರ್ಮಿಕ ಸಂಸ್ಕೃತಿ ಪುಟ್ಟುಂಡ್ ನರಮಾನಿ ನರಮಾನ್ಯನ ಉಳಾಯಿದ ನಡವಳಿಕೆ ಎಂಚ ಇಸ್ರೋಡು ಒಪ್ಪು ಸರಿ ಒಪ್ಪು ತಪ್ಪುಂದು ಯೋಚನೆ ಮಲ್ತ್ದ್ ನಮ್ಮ ಹಿರಿಯಕ್ಷು ಮತ್ತೊಂದು ಬತ್ತಿನ ಸಾಮಾಜಿಕ ನಡವಳಿಕೆಲು ಒಂಜೊಂಜಿ ಜನಾಂಗೊದ ಒಂಜೊಂಜಿ ಸಮಾಜೊದ ಸಂಸ್ಕೃತಿ ಆಂಡ್. ಪ್ರಕೃತಿ ದತ್ತವಾಯಿನ ಲೈಂಗಿಕತೆ ಆದಿಮಾನವನ ಪಾಲ್ದ ಸಮಸ್ಯೆ ಆವಂದೆ ಪೊಂಡಲ, ನಾಗರಿಕತೆ ಬುಲೆಯಿಲೆಕ್ಕ ಸಮಾಜದ ಜೀವನೊದ ಸರಳತೆ ಮಾಯವಾದ್, ಕ್ಲಿಷ್ಟತೆ ಜಾಸ್ತಿಯಾಯಿ ಲೆಕ್ಕೊನೆ ನೀತಿ-ಅನೀತಿ, ಪ್ರೀತಿ ದ್ವೇಷೋಲಂಚಿನ ಮೂಲ ಪ್ರವೃತ್ತಿಲು ಕೂಡ ಸಂಸ್ಕೃತಿದ ಸೂತ್ರೋದ ಉಳಾಯಿ ಸೇರಿ, ಅಂಚಾದ್ ಅನಾದಿ ಕೊಲೊಡ್ ಇನಿಕ್ ಮುಟ್ಟಲ ನರಮಾನ್ಯನ ಮೂಲ ಪ್ರವೃತ್ತಿ ಒಂಜೆ ಆಂಡಲ ಅವು ಬೇತೆ ಬೇತೆ ಸಮಾಜೊಡು ಬೇತೆ ಬೇತೆ ಆಯಿನ ಅರ್ಥ ಮಹತ್ತೊನು ಪಡೆವೊಂದು ಬತ್ತ. ಅಂಚಾದ್ ಒಂಜಿ ಸಮಾಜದ ನೀತಿ ಬೊಕ್ಕೊಂಜಿ ಸಮಾಜೊದ ಅನೀತಿ ಆವರೆಲಾಯಾವು. ಅಂಚ ಇತ್ತಂಡಲ ಪ್ರತಿಯೊಂಜಿ ಜನಾಂಗೋಲ ತನ್ನ ಸಂಸ್ಕೃತಿ ತನ್ನ ಧರ್ಮನೆ ಮೇಲೊಂದ್ ನಂಬೊಂದು ಬತ್ತಂಡ್. ತಾನೇ ಶ್ರೇಷ್ಠ ತನ್ನ ಧರ್ಮೊನೆ ಮಲ್ಲವು ಪನ್ನುನ ಭಾವನೆ ನರಮಾನ್ಯನ ಒಂಜಿ ಪ್ರವೃತ್ತಿಡ್ಡಾವರ ನಾಗರೀಕತೆ ಬುಲೆವರ ಅ೦ಚನೆ ನಾಶ ಆವರಲ ಕಾರಣವಾಯಿನ ಸಂಗತಿ ನಿಜನೆ ಆದುಂಡು. ಸಂಸ್ಕೃತಿ ಮನುಷ್ಯ ಜೀವಿಗ್ ವಿಶಿಷ್ಟವಾಯಿನವು, ಸಮಾಜೊಗು ಬೊಕ್ಕ ಸಂಸ್ಕೃತಿಗ್ ಸಂಬಂಧ ಉಂಡು. ನರಮಾನಿ ಇಜ್ಜಂದ ವಿಕಾಸ ಸಮಾಜ ಇಪ್ಪರೆ ಎಂಚ ಸಾಧ್ಯ ಇಸ್ಕೊ ಅಂಚನೆ ಸಮಾಜ ಇಜ್ಯಂದ ಸಂಸ್ಕೃತಿ ಇಪ್ಪರೆಲಾ ಸಾಧ್ಯ ಇಜ್ಜಿ. ಪರಿಸರೊಡು ಮಾನವ ನಿರ್ಮಿತವಾಯಿನ ಭಾಗನೆ ಸಂಸ್ಕೃತಿ, ಸಂಸ್ಕೃತಿ ನರಮಾನ್ಯಗ್ ಪರಂಪರೆಡ್ ಬತ್ತಿನವು. ಆಂಡ ಆವೆನ್ ತನ್ನವುಂದು ಮತ್ತೊಂಡುಂದಾಂಡ ಆವೆನ್ ಪ್ರಯತ್ನ ಮದ್ ರೂಢಿಸವೊಡಾಪುಂಡು, ಸಂಸ್ಕೃತಿ ಒಂಜಿ ತಲೆಮಾರ್ಡ್ ಬೊಕ್ಕೊಂಜಿ ತಲೆಮಾರ್ಗೆ ವರ್ಗಾವಣೆ ಆಪುಂಡು. ನರಮಾನ್ಯನ ತಿಳುವಳಿಕೆ, ನಂಬಿಕೆ, ವರ್ತನೆ, ನೀತಿ, ಕಲೆ, ಸಾಹಿತ್ಯ, ಭಾಷೆ, ಕಾನೂನು ಸಂಪ್ರದಾಯ ದೃಷ್ಟಿಕೋನ, ಮೌಲ್ಯ, ತಂತ್ರೋಲು, ಮಾನವ ನಿರ್ಮಿತಿ ವಸ್ತುಲು, ಆಲೊಚನೆಲು ಉಂದು ಮಾತ ಸೇರ್ ಸಂಸ್ಕೃತಿ ಉಂಡಾಪುಂಡು. ಸಂಸ್ಕೃತಿ ನರಮಾನ್ಯನ ದೈಹಿಕ ಚಟುವಟಿಕೆಲೆಡ್ ಸೇರೊಂಡಲಾ ಅವೆನ್ ಮೀರ್ದ್ ಉಂತುಂಡು, ಪ್ರತಿಯೊರಿ ವ್ಯಕ್ತಿಲಾ ಸಂಸ್ಕೃತಿನ್ ರೂಪಿಸಾವುನ ಪಾತ್ರ ಪಡೆಯೆಂಡಲ ಅವು ವ್ಯಕ್ತಿಗ್ ಸೀಮಿತವಾದ್ ಉಂತಂದೆ ಅಯನ್ ಮೀರ್ದ್ ಸಾರ್ವಜನಿಕವಾದ್ ಅಸ್ತಿತೊನು ಪಡೆವೊಂಡು. G ಜಾನಪದೊ ಸಂಸ್ಕೃತಿದ ಒಂಜಿ ಭಾಗೋ ಆಯಿನೆಡ್ಡಾವರ ಜಾನಪದೊನು ಅಭ್ಯಾಸ ಮಲ್ಲುನಕ್ಕು, ಸಂಸ್ಕೃತಿನ್, ಸಾಂಸ್ಕೃತಿಕ ಮಾನ ವಿಜ್ಞಾನೂನು ಅಭ್ಯಾಸ ಮಲ್ಲೊಡಾಪುಂಡು, ಜಾನಪೊದದ ಮೂಲಕೊ ಒಂಜಿ ಜನಾಂಗೀಯ ಅಧ್ಯಯನೊ ಮಲ್ತ್ಂಡ ಅವು ಆ ಜನಾಂಗೊದ ಸಂಸ್ಕೃತಿದ ಅಧ್ಯಯನೊನೆ ಆಪುಂಡು. ಆ ಮೂಲಕ ಒಂಜಿ ಜನಾಂಗೊದ ಸಂಸ್ಕೃತಿ ಎಂಚ ಬುಲೆದ್ ಬತ್ತಂಡ್, ಆ ಜನಾಂಗ ಜೀವನಾವರ್ತನದ ಆಚಾರೊನೆಲು, ಸಂಪ್ರದಾಯೊಲು, ನಲಿಕೆಲು ಅವು ಒಟ್ಟು 125
