ಮಲ್ತ್ದ್, ಗೌಡ ಜನಾಂಗೊಗು ಶೈವಮೂಲ ನಾಥಪಂಥೋದೊಟ್ಟಿಗೆ ಇತ್ತಿನ ಸಂಬಂಧೇನು ವಿಶ್ಲೇಷಣೆ ಮಲ್ತ್ದ್ ಆರ್ ಈ ಅಭಿಪ್ರಾಯ ಕೊರೆ ಆರನ ಅಭಿಪ್ರಾಯೊ ಪುರುಷರೆ ನಲಿಕೆಗ್ಲ ಅನ್ವಯ ಆಪುಂಡು. ಪುರುಷರೆ ನಲಿಕೆದ ಸನ್ಯಾಸಿ ವೇಸೊದ ಮಾಂತ ಕ್ರಿಯೆ - ಅಭಿನಯೊ ನಿರಾಕರಣೆದ ಅಂಶೂನೆ ಪನ್ನುಂಡು. ಅತ್ತಂದೆ ಸಿದ್ಧ ವೇಸೊಡು ಇಜ್ಜಂದಿನ ಉತ್ಸವ ಮೂರ್ತಿ, ಕೊಡಮಂತಾಯ, ದೈವದ ಕಲ್ಪನೆ ಪುರುಷರ ನಲಿಕೆಡ್ ಸೇರಡೆ ಆತ್ಂಡ್. ಪುರುಷರ ನಲಿಕೆಡ್ ಮಾಂತ ಜಾತಿದಕುಲು ಸೇರಾಂಡಲಾ ಬ್ರಾಣೆ, ಜೈನ ಸೇಕ್ಟರ್, ಈ ಮಾಂತ ಅಂಶೂಲೆನ್ ಗಮನಿಸಾಂಡ ಪುರುಷರೆ ನಲಿಕೆಡ್ ಪುರೋಹಿತ ಶಾಹಿ ಪರಂಪರದ ನಿರಾಕಣೆದಂಶೋಲಾ ಗಟ್ಟಿಯಾದ್ ತೋಜುಂಡು. ಇತಿಹಾಸದ ಒಂಜಿ ಸಂದರ್ಭೋಡು ನಡತ್ತಿನ ಧಾರ್ಮಿಕ ಸಂಘರ್ಷದ ಸಾಕ್ಷಿದ ಅಭಿವ್ಯಕ್ತಿ ಆಪುಂಡು. ಕ್ರಿಯಾತ್ಮಕ ದೃಷ್ಟಿಟ್ ತೂಂಡಲಾ ಸಿದ್ಧವೇಸೊದ ಆಶಯೊ ಬದ್ಧತೆ ಪುರುಷರ ನಲಿಕೆಡ್ ನನಲಾ ಹೆಚ್ಚಿನ ಮುಕ್ತ ವ್ಯಾಪ್ತಿನ್ ಪಡೆಯಿನ ಸಂಗತಿ ತೋಜುಂಡು. ಪುರುಷರೆ ಜೋಕುಳೆ ನಲಿಕೆ ಮೂಲೊಡು ಗೌಡ ಜಾತಿದಕ್ಷೆನವಾಂಡಲಾ ಬೆಳ್ತಂಗಡಿ ಪ್ರದೇಶದ ವ್ಯಾಪ್ತಿಗ್ ಬನ್ನಗ ಅವೆಟ್ ಮಾಂತ ಜಾತಿಕುಲುಲ ಸೇರೊನ್ನಂಚ ಆಪುಂಡು. ಅಂಚನೆ ಈ ನಲಿಕೆ ಸಾಂಪ್ರದಾಯಿಕ ಬ್ರಾಣ, ದಾಸಯ, ಪಾತೊಲೊಟ್ಟಿಗ್, ಮಾಂತ ಮತ-ಜಾತಿ ಕಸುಬುದ ವ್ಯಕ್ತಿ ಪಾತ್ರೋಲು ಅವಕಾ ಪಡೆವೆನೊ. ಈ ಮಾಂತ ಹೆಚ್ಚುವರಿ ಪಾತ್ರೋಲು ಮನೋರಂಜನೆಗ್ ಸೀಮಿತವಾವೊ ನಿಜೊ. ಆಂಡ ಇಡೀ ನಲಿಕೆದ ಕಲಾತ್ಮಕತೆದ ದೃಷ್ಟಿಡ್ ಆತೇ ಮುಖ್ಯವಾಪೊ. ಪುರುಷರೆ ನಲಿಕೆದ ಈ ರೀತಿದ ಮುಕ್ತತೆಡ್ಡಾವರ ಮೂಲು ಇಡೀ ಸಮುದಾಯೊನೆ ತನ್ನೊಟ್ಟುಗು ಅಂತರ್ಗತಾವರೆ ಸಾಧ್ಯಾತ್ಂಡ್. ವಾ ಕಲೆನೆ ಆವಡ್, ಅವು ಮತಜಾತಿ ಕಟ್ಸ್ನ್ ಮೀರ್ ಸಮುದಾಯೊದ ಅಭಿವ್ಯಕ್ತಿಯಾಂಡ ಅವತ ಮೌಲ್ಯ ಸತ್ವಯುತ ಆದುಪ್ಪುಂಡು. ಅವೆಸ್ಟ್ ಸಂಘರ್ಷದ ನೆಲೆಕ್ಕುಲು ನನಲಾ ಗಟ್ಟಿಯಾವೊ. ಈ ಅರ್ಥೊಡು ಸಿದ್ಧವೇಸೊ, ಪುರುಷರೆ ನಲಿಕೆದ ಮುಖಾಂತರೊ ಹೆಚ್ಚಿನ ಸಾಂಸ್ಕೃತಿಕ ಗಟ್ಟಿತನೊನು ಪಡೆವೊಂದುಂಡು. ಪುರುಷರೆ ನಲಿಕೆದ ಸಂದರ್ಬೋಡಾಂಡಲಾ ಇಲ್ಲ ಜಾಲ್ ಒಂಜಿ ಮುಕ್ತ ಜನಪದೊ ರಂಗಭೂಮಿಯಾದ್ ಪರಿವರ್ತನೆ ಆಪುಂಡು. 'ಪುರುಷರ ಪೂಜೆ'ಡ್ ರಾಸಿ ಬಳಸ್ದ್ ಊರುಗು ಬರ್ಪಿ ಮಾರಿನ್ ದೂರ ಮಲ್ನೋಡೆನ್ಸಿ ಉದ್ದೇಶೂ, ನಲಿಕೆದ ವ್ಯಾಪ್ತಿನ್ ನನಲಾ ವಿಸ್ತಾರ ಮಲ್ಪುಂಡು. 'ಪುರುಷರೆ ನಲಿಕೆ'ದ ಸಾಹಿಬ, ಪೊರ್ಬು, ಮರಕ್ಕಲ, ಮದಿಮಾಳ್ ವೇಸೊಲೆಗ್ ವರ್ತಮಾನೊದೊಟ್ಟಿಗೆ ಉಪ್ಪುನ ಆನ್ವಯಿಕ ಅನುಸಂಧಾನೊ ಬಾರಿ ಮುಖ್ಯಾವಾದ್ ತೋಜುಂಡು, ಈ ಕಾರಣೆಲೆಗಾದ್ ಪುರುಷರೆ ನಲಿಕೆ ವರ್ತಮಾನೊಡು ಜನಸಾಮಾನ್ಯರೆಗ್ ಆಕರ್ಷಕವಾದುಂಡು. 114
