ಪೇಂಟೆದ ಶಿಕ್ಷಣದ ತಾದಿಡ್ ನಡತ್ ಬರ್ಪುನ ಕನ ಕಟಿಯೆರ್, ಅಂಚೆನೇ ಬರೆಯೆರ್, ಪೇಂಟೆಲು ಬುಲೆಯೊಂದ್ ಪೋಯಿನಂಚನೇ ಬದಲಾವಣೆನ್ ತೂವೊಂದೇ, ಅಯ್ತ ಗಮ್ಮತ್ತನ್ ಬೊಕ್ಕ ಸಮುದಾಯದ ಅನುಭವೊನೆಲಿನ್ ಪದ್ಯೋಡು/ರಂಗೊಡು ಕಟ್ ಕೊರ್ಪಿನ ಕೆಮ್ಮೂರು ದೊಡ್ಡಣ ಶೆಟ್ ಜನೊಕೈಗಾದೇ ರಂಗಭೂಮಿ ಕಟ್ಟಿದ್ ಬೆನ್ನೆರ್. ಅಂಚೆನೇ ರಾಮ ಕಿರೋಡಿಯನ್ ಬೊಕ್ಕ ಇಬ್ರಾಹಿಂ ಸ್ಟ್ರಾಬೆರ್ ತುಳು ಸಮುದಾಯೊದ ಬದಲಾಯಿನ ಸ್ಥಿತಿಟ್ಟ ಸಮುದಾಯೊದ ಚಿಂತನೆನ್ ಮಲ್ಪಾವೆರ್. ಆಧುನಿಕ ಯುಗೊಟ್ ಸಂಸಾರೊದ ಸಂಬಂದೊಲು ಬದಲಾವೊಂದುಪ್ಪುನೆನ್ ಕಟ್ದ್ ಕೊರ್ಪೆರ್, ನೆಟ್ಲಾ ಸಮುದಾಯಾದ ದಿಟ್ಟ ನಾಟಕ ತೂಪಿನಾಕೆಡ್ತಾ ಬರೆಪಿನಾಡ್ತಾ ಬೊಕ ಉಂಡ್ಂದ್ ತೋಜಿದ್ ಬರ್ಪುಂಡು. ಉಂದುವೇ ಕಾಲೊಡು, ತುಳುನಾಡ್ದ ಪೇಂಟೆಲೆಡ್, ಬೊಕ್ಕ ಊರುಲೆಡ್ ಬುಲೆಯಿನ ಯುವಕ ಮಂಡಲೊಲು ಸಮುದಾಯದ ಕಟ್ಟಿಗೆ ಹೊಸ ಅರ್ಥಕೊರ್ಪೊ. ಈ ಯುವಕ ಮಂಡಲೊದ ಜವನೆ ಕೆ.ಎನ್. ಟೇಲರ್ ನಂಚಿ ನಾಟಕಕಾರರ ಬೇತೆ ಬೇತೆ ನಾಟಕೊಲಿನ್ ಗೊಬ್ಬುದ್ ರಂಗ ಚಟುವಟಿಕೆ ನಿರಂತರವಾದುಪ್ಪುನಂಚಿನ ಬೇಲೆ ಮಲ್ಲೆರ್, ನಾಟಕ ಸಮುದಾಯದ ಭಾಗ ಆದೇ ಒರಿಯರೆ ಈ ಜವನೆ ಕಾಣಿಕೆ ಮಸ್ತ್ ಉಂಡು. ಈ ವಿಚಾರ ದಾಯೆ ಪನೊಡಾಪುಂಡು ಪಂಡ, ತುಳು ರಂಗಭೂಮಿ ಮರ್ಗಿಲ್ ಬದಲ್ಗೊಂಡಲಾ, 'ಜಾನಪದ' ಪಂಡ್ದ್ ಪಿರಾಕ್ದ ರಂಗಭೂಮಿನ್ ಪಿದಾಯಿ ದೀದ್ ಪೇಂಟೆ ಕೇಂದ್ರಿತ ಆದ್ ಬುಲೆಂಡಲಾ, ಒಂಜಿ ಸಮುದಾಯೊದ ಕಲ್ಪನೆ ರಂಗೊದ ಮಿತ್ತ ಜವನೆರೆಗ್ಲಾ ಬೊಕ್ಕ ಅವೆನ್ ತೂಪಿನಾಕ್ಷೆಗ್ಲಾ ಇತ್ತಂಡ್' ಪನ್ನಿನ ಒಂಜಿ ಪ್ರಸ್ತಾಪನ್ ನಮ್ಮ ಗೇನೊಗು ಕನತೊನೊಡಾಪುಂಡು, ರಂಗಭೂಮಿ ಅದಗಲಾ ಸಮುದಾಯಾದ ಸಂಬಂದೊಲೆನ್ ದೀಯೊಂದೇ ಬತ್ತಿತ್ತ್ಂಡ್, ಸಿನಿಮಾ ಕತೆತಂಚಿ ಕತೆನ್ ಪಣ್ಣಗಲಾ, ನಾಟಕನ್ ಮಲ್ಲಿನ ಊರ ಜವನೆ, ಊರ ಸಮುದಾಯೊಗು 'ಎಂಚ ಪೊರ್ಲಾಂಡ್' ಪನಂಚ, ಗಂಭೀರವಾದೇ ನಾಟಕ ಮಲ್ಗೊಬ್ಬೊಂದಿತ್ತೆರ್ ಪನ್ನಿನ ಸಾಧಾರಣ ಸಂಗತಿ ಅತ್ತೆ. ಆಂಡೆಲಾ, ತುಳುತ ನಾಟಕೊಲೆನ ಉಲಯಿದ ನರಮಾನಿ ಸಂಬಂಧೂಲೆನ್ ಮಸ್ತ್ ಸಲೀಸ್ಡ್, ಕುಸಾಲ್ಡ್ ಅಡ ಅತಿ ಅವೇಲೊಡು ತೂಪಿನಂಚಿನ ಸ್ಥಿತಿ ಬತ್ತಿಲ್ಲಾ ಉಂದುವೇ ಕಾಲೊಡು. ಅಂಚಾದ್, ಸಿನೆಮಾದಂಚ ಭಾರಿ 'ಸೆಟ್ಟಿಂಗ್'ದ ನಾಟಕೊಲಿನ್ ಕೊರ್ ನರಮಾನಿ ಸಂಬಂಧೂಲಿನ್ ಸರಳವಾದ್ ತೂಪಿನ ನಾಟಕೊಲು ನಮ್ಮ ನಡುಟ್ಟು ಬ. ಈ ನಾಟಕೊಲೆಡ್ ಕುಟುಂಬದ, ಅಂಚೆನೇ ಸಮುದಾಯದ ಗ್ರಯಿಕೆ ಒಂತೆ ಕಡಿಮೆನೇ ಇತ್ತ್ಂಡ್ಂದ್ ಪಣೋಲಿ. ರಂಗಭೂಮಿಡ್ “ಪೊರ್ಲುದ ಅರ್ಥ ತೂಪರಿಕೆ ಕೊಡಿಡ್ ಕಡೆ ಮುಟ್ಟ ಪೊರ್ಲು ಇದ್ದೊಡು ಪನ್ನಿನ ವಿಚರೊನು ಮದತ್, ಇಡೀ ರಂಗಮಂಚನೇ ನಟೆರೆನ್ ನಿಂಗ್ ಪಾಡುನಂಚಿನ 'ಸೀನ್' ಪಾಡುನ ಕ್ರಮ ಪುಟುದ್ ಬತ್ತಿನ್ಹಾ ಉಂದುವೇ ಕಾಲೊಡು. ಪಾಕ ಯುವಕ ಮಂಡಲೊಲು ನಾಟಕ ಮಲ್ತ್ಂಡಲಾ ದರಿದ್ರ ಸ್ಥಿತಿಕ್ ಪೋವರೆಗ್, ಆಂಚಾದೇ ನಾಟಕ ಮಲ್ಲುನನೇ ಉಂತಾವರೆಗ್ ಉಂದುಲಾ ಒಂಜಿ ಕಾರಣ ಆದಿದ್ದೊಡು. 101
