'ತಂಗಡಿ' ಶಬ್ದ ಅಷ್ಟೇ ಅರ್ತೊಡು ಕನ್ನೊಡು 'ತಂಗಿ' ಪ ರೂಪೊಡಿತ್ತಂಡ ತಮುಳ್ಡ್ 'ತಂಗೈ'ನ್ ಉಂಡು, ಪರಕನ್ನಡೊಡು 'ತಂಗೆ'ಂದುಂಡು. ಅತ್ಯ-ಮಯೆದಿ ಈ 'ಅತ್ಯೆ' ಪಣ್ಣುನವು ಕನ್ನಡೊದ 'ಅತ್ತಿಗೆ' ಪಣ್ಣುನೆಕ್ ಸಂವಾದಿಯಾದ್ ತುಳುಟು ಉಪಯೋಗೊ ಮಳ್ಳುನ ಶಬ್ದ, ಅಣ್ಣನ ಬುಡೆದಿ ಅತ್ಯೆ, ಅಂಚನೆ ಅಣ್ಣನ ಸ್ಥಾನೊಡುಪ್ಪುನ ನೇಲ್ಯಪ್ಪ-ನೇಲ್ಯಮ್ಮೆರೆನ ಆಣ್ ಜೋಕುಳು ತನಡ್ ಮಲ್ಲಿ ಆದಿತ್ತಂಡ ಆಕಳನ ಬುಡೆದಡಿಕ್ಕುಳುಲಾ 'ಅತೈ'ನಾ. ಅಂಚನೇ ಮಾಮಿ ಅತ್ತಡ ಮಾಮನ ಮಗಳ ಪ್ರಾಯೊಡು ಮಲ್ಲೆ ಆದಿತ್ತಂಡ ಅತ್ಯೆ ಎಲೈ ಆದಿತ್ತಂಡ 'ಮಯೆದಿ' ಸಾಮಾನ್ಯವಾದ ಮೆಕ್ಯನ ಬುಡೆದಿನ್ ಮಯ್ಕೆದಿ ಪಣ್ಣುನವು ಕ್ರಮೊ, ಅತ್ತಂದೆ, ಮಾಮಿ ಅತ್ತಡ ಮಾಮನ ಮಗಳ್ ಪ್ರಾಯೊಡು ಎಲೈ ಆದಿತ್ತಂಡ ಆಳ 'ಮಲ್ತದಿ'. ಮಲ್ಲೆ ಆದಿತ್ತಂಡ 'ಅತ್ಯ'. ಅಯ್ಯೋ 'ಅತ್ಯ-ಮಯ್ಕೆದಿ ಪುನ ಜೋಡಿ ಶಬ್ಧ ಪ್ರಾಯೊಡು ಮಲ್ಲೆ-ಎಲೈ ಉಪ್ಪುನ ಮಾಮಿ-ಮಾಮನ ಪೊಣ್ಣು ಜೋಕುಳೆನ್ ತೆರಿಪಾಪುಂಡು. ಬಾವೆ-ಮಯ್ಯನೆ-ನಣೆ 0 ಬುಡೆದಿಗ್ ಕಂಡನಿನ ಮೆಧ್ಯೆಪರಯೆ, ಕಂಡನಿಗ್ ಬುಡೆದಿನ ಮೆಗೆಪರಯೆ, ಮಾಮಿ- ಮಾಮನ ಆಣ್ಜೋಕುಳು ತನಡ್ಕ ಪ್ರಾಯೊಡು ಮಲ್ಲೆ ಆದಿತ್ತಂಡ ಬಾವೆ; ಎಲೈ ಆದಿತ್ತಂಡ ಮಯ್ನೆ. ಈ ಶಬ್ಲೊಗು ಸಂಸ್ಕೃತೊಡು 'ಭಾವುಕ' ಪ ರೂಪೊ ಇತ್ತಂಡ 'ಮಯ್ತನ'ಗ್ ಕನ್ನಡೊಡು 'ಮೈದುನ' ಪಟ್ಟೆ ಶಬ್ಧ ಉಂಡು. ಮುಳ್ಳ ಒಂಜಿ ಸಂಗತಿ ಉಂಡು, ಸಾಮಾನ್ಯವಾದ್ ಮಾಮನ ಆಣ್ಜೋಕುಳು ತನಡ್ಸ್ ಮಲ್ಲೆ ಆದಿತ್ತ್ಂಡ 'ಬಾವೆ', ಎಲೈ ಆದಿತ್ತಂಡ ಪೊಣೋಕೈಗಾಯಿನಗ 'ಮಯ್ತನೆ'; ಆಣ್ ಜೋಕೈಗಾಯಿನಗ 'ನ'. ಮಾಮೆ-ಸಮ್ಮಲೆ/ತಮ್ಮಲೆ ಅಪ್ಪೆನ ಮೆಧ್ಯೆ ಪರಯೆ, ಅಮೆರ್ನ ಬಾವ-ನಕ್ಕೆ ತನ್ಕ್ ಮಾಮೆ. ಒಟ್ಟಾರೆ ಆತ್, ಇಂಚ ಪಂಡ್ಂಡಲ ಮುಳ್ಳ ಒಂತೆ ಸೂಕ್ಷ್ಮ ವೆತ್ಯಾಸೊ ಉಂಡು. ಅಪ್ಪೆನ ಮೆಗ್ಯಪರಯಗ್ ಶಿವಳ್ಳಿ ತುಳುಟ್ಟು 'ಸೋದರಮಾಮೆಂದ್ರಾ ಸಾಮಾನ್ಯ ತುಳುಟ್ಟು ಸಮ್ಮಲೆ/ತಮ್ಮಲೆ'ಂದ್ಲಾ ಪರ್. ಆಂಡ ಲೆಪ್ಪುನಗ 'ಮಾಮಾ'ಂದ್ ಮಾತ್ತೊ ಪಣ್ಣುನತ್ತಂದೆ 'ಸೋದರಮಾಮಾ'ಂದೋ 'ತಮ್ಮೆಲ'ಂದೋ ಪುನ ಕ್ರಮೊ ಇಜ್ಜಿ. ಅಂಚನೆ ಬುಡೆದಿನ ಅಮೆರೆನ್ ಶಿವಳ್ಳಿ ತುಳುಟ್ಟು ಬಜೀ 'ವಾಮೆ'ಂದ್ ಪಂಡಲಾ, ಸಾಮಾನ್ಯ ತುಳುಟ್ಟು 'ಮಾಮಣ್ಣೆಂದ್ ಗೌರವಸೂಚಕವಾದ್ ಪರ್, ಲೆಪ್ಪುನಗಲ 'ಮಾಮಣ್ಣೆರೇಂದ್ ಲೆಪ್ಪುವೆರ್. ತಮಿಳಡ್ಲಾ 'ಮಾಮನಾ'ಂದ್ ಪಣ್ಣುನ ಕ್ರಮೊ ಉಂಡು. 96
