ಅಂಚಾದ್ ಮಿತ್ತ ತರೆನ್ ಪಣ್ಯರ ಬೋಡಾಯಿನ ಶಬ್ದ ಇತ್ತೆ ತುಳುಟ್ ಬಹುಶಃ ಇಜ್ಜಿ. ಇಂಚ 'ಅಜ್ಜೆ-ಪಿಜ್ಜೆ-ಮುತ್ತಜ್ಜೆ' ಮೂಜಿ ಜನೊ ಇತ್ತೆರ್ಡಲಾ ಅಕ್ಲೆಗ್ 'ಪುಳ್ಳಿ' ಮಾತ್ರೆ ಒರಿಯೆನೆ! ಅಯಿಕ್ ಬೋಡಾಯಿನ ಶಬ್ದ ಇತ್ತೆ ತುಳುಟು ಇಜ್ಜಿ. ಮಲ್ಲಪ್ಪ-ನೇಲ್ಯಪ್ಪೆ ನಾನ, ಅಪ್ಪೆನ ಪಲ್ಲಿ 'ಮಲ್ಲಪ್ಪೆ' ಇಂಬೆರೆನ್ 'ನೇಲ್ಯಪ್ಪೆ', 'ಪೆರಿಯಪ್ಪೆ'ನ್ಲ ಪುನೆ ಉಂಡು, ಪೆರಿಯಪ್ಪೆ ತರೆತರೆದ್ 'ಪೇಪಿನ್ ಪಣ್ಣಿನ ಶಬ್ದ ತುಳುನಾಡ್ದ ಬಡಕಾಯಿ ಮೆಯಿಟ್ ಉಂಡು. ಈ ಸ್ಥಾನೊಡುಪ್ಪುನಕುಲು ಬಜೀ ಅಪ್ಪೆನ ಒಪ್ಪಪುಟ್ಟಿನ ಪಲ್ಲಿಯಡಿಕುಲು ಮಾತ್ರ ಅತ್ತೆ, ಮಲ್ಲಮೆರೆನ ಬುಡೆದಿ ಅಥವಾ ಆ ಸ್ಥಾನೊಡುಪ್ಪುನ ಪೊಣ್ಣೆನಾಕ್ಳಗಾ ಈ ಪುದರೇ ಉಂಡು. ಇತ್ತೆ ಈ ಶಬ್ದದ ಬದಲ್ಗ್ 'ದೊಡ್ಡಮ್ಮ' ಪತ್ನಿ ಶಬ್ಧ ಪ್ರಯೋಗೊಡುಂಡು, ಈ 'ದೊಡ್ಡಮ್ಮ' ಕನ್ನಡೊಡ್ಡ ಬತ್ತಿನಾರ್! ಅಪ್ಪೆನ ಮೆಗ್ಗಿ 'ಎಲ್ಯಪ್ಪೆ'. ಇಂಬೆರೆಗ್ 'ಕಿನ್ನಪ್ಪೆ, ಸಿದಪ್ಪೆ/ತಿದಪ್ಪ, ಕುಪ್ಪೆ' ಪ ಶಬ್ದಳುಲಾ ಉಳ್ಳ ಆಂಡ ಈ ಶಬ್ದಳೆನ ಬದಲ್ಗ್ ಇತ್ತೆ ಕನ್ನಡೊದ 'ಚಿಕ್ಕಮ್ಮ'ನೋ 'ಚಿಕ್ಕಿ'ನ್ಯೂ ಲೆಪ್ಪುನವೇ ಹೆಚ್ಚ ತೋಜುಂಡು. ನೇಲ್ಯಪ್ಪೆನ ಕಂಡನಿ 'ನೇಲ್ಯಮ್ಮೆ, ಮಲ್ಲಪ್ಪೆನ ಕಂಡನಿ 'ಮಲ್ಲಮ್ಮೆರ್'; ದೊಡ್ಡಮ್ಮನ ಕಂಡನಿ 'ದೊಡ್ಡಪ್ಪೆರ್' ನೇಲ್ಯಮ್ಮೆರ್-ಮಲ್ಲಮ್ಮೆರ್ ಅಮ್ಮೆರೆನ ಪಲಯೆ 'ನೇಲ್ಯಮ್ಮೆರ್', ಇಂಬೆರೆಗ್ 'ಮಲ್ಲಮೆರ್'ನ್ ಬುಕ್ಕೊಂಜಿ ಶಬ್ದಲಾ ಉಂಡು. ಅಮೆರೆನ ಮೆಗ್ಗೆ 'ಎಲ್ಯಮ್ಮೇರ್, ಇಂಬೆರೆಗ್ 'ಆದ್ಯಮ್ಮೆ', 'ಸಿದ್ಯಮ್ಮೆ'ನ್ಲಾ ಪರ್. ಅಂಚನೇ ಆ ಸ್ಥಾನೊಡುಪ್ಪುನ ಬೇತೆ ಆಣ್ಣೂವುನಾಕ್ಗ್ಲಾ ಈ ಶಬ್ದನ್ ಪರ್. ಇತ್ತೆ ಈ ಶಬ್ದಲಾ ಪೋದು 'ಚಿಕ್ಕಪ್ಪ' ಪ ಶಬ್ದನೇ ಉಪಯೋಗಾವೊಂದುಂಡು. ಮಾತ್ರತ್ತಂದೆ, 'ಚಿಕ್ಕೆ' ಪಣ್ ತರೆಯಿ ರೂಪೊಲಾ ತೋಜುಂಡು. ಅವುಲ ಅತ್ತಂದೆ ಬೊಂಬಯಿದ ಪ್ರಭಾವೊಡು ಇತ್ತೆ 'ಕಾಕ' ಪತ್ನಿ ಶಬ್ಬೊಲಾ ಚಾಗ್ ಬರೊಂದುಂಡು. ನೇಲ್ಯಮ್ಮೆರೆನ ಬುಡೆದಿ ನೇಲ್ಯಪ್ಪೆ: ಎಲ್ಯಮ್ಮೆರೆನ ಬುಡೆದಿ ಎಲ್ಯಪ್ಪೆ; ಚಿಕ್ಕಪ್ಪನ ಬುಡೆದಿ ಚಿಕ್ಕಮ್ಮ: ಚಿಕ್ಕನ ಬುಡೆದಿ ಚಿಕ್ಕಿ ಪರಯೆ/ಪಲಯೆ -ಅಣ್ಣ ತನ್ನಡ್ ದುಂಬು ಪುಟ್ಟನಾಯೆ 'ಪರಯೆ/ಪಲಯೆ/ಪಳಯೆ'. ಇಂಬ್ಯಗ್ 'ಪಲೆ', 'ಪರೆ'ನ್ಲಾ ಶಬ್ದರೂಪೊಳು ಉಳ್ಳೋ, ದ್ರಾವಿಡಭಾಷೆದ 'ಪ==' ಪಂಡ ಪರತ್ ಪ ಶಬ್ಲೊಡ್ಡು ಈ 'ಪಳಯೆ' ಬತ್ತಿಲೆಕ್ಕೊ ತೋಜುಂಡು. ಪಲಯನ್ ಲೆಪ್ಪುನ ಮಾತ್ರ 'ಅಣ್ಣ'ನ್. ಇಂಚ ಲೆತ್ತ್ಂಡಲಾ ಬುಕ್ಕೊರಿಯಡ ಪಣ್ಣಗ 'ಪಲಯೆ'ನ್ ಪುನ ಕ್ರಮೊನೇ ಹೆಚ್ಚ. ಈ 'ಪರಯೆ/ಪಲಯೆ' ಪ ಶಬ್ಬೊಲ ಈ ಅರ್ತೊಡು ತುಳುಟ್ಟು ಮಾತ್ರ ಇಪ್ಪುನವು 94
