ಇತ್ತೆ ಎಕ್ಕಡ್ ಕೇಂಡಿ ಪ್ರಶ್ನೆಳನೇ ಒಂಜಿ ಇರ್ವತ್ತಯಿನ್ ವರ್ಸೊಗು ದುಂಬು ನೆರೆಕರೆತ್ತ ಜೋಕುಳೆಡ ಕೇಣ್ಣುವರ್ಡ ಈರೆಗ್ ಮಾಮೆ, ಬಾವೆ, ಚಿಕ್ಕಮ್ಮ, ಅತ್ತೆ, ಎಲ್ಯಮ್ಮೆರ್, ಎಲ್ಯಪ್ಪೆ, ಮಲ್ತದಿ -ಇಂಚ ತುಳು ಭಾಷೆದ ಪೊರ್ಲುಪೊರ್ಲುದ ಶಬ್ದಳೆನ್ ಕೇಣ್ಣುವ. ಇತ್ತೆದ ಜೋಕ್ಲಡ 'ನಿಕ್ ಆಯೆ ಮುದೆಟ್ಟ ದಾನೆ ಆವೊಡು?' ಕೇಂಡ, 'ಮುದೆ ಪಂಡ ಎಂಚಿನ?ಂದ್ ಈರೆಗೇ ಪಿರ ಪ್ರಶ್ನೆ ಪಾಡುವೊ. ಪಂಡ ಕರಿನ ಸುಮಾರ್ ಪತ್ತಿರ್ವೊ ವರ್ಸೊಡು ನಮ್ಮ ಭಾಷೆಡ್, ಸಂಸ್ಕೃತಿಡ್ ಎಂಚಿನ ಬದಲವಾಣೆ ಆತ್ಂಡ್ಂದ್ ಪಣ್ಣುನವು ಗೊತ್ತಾಪುಂಡು, ಈತ್ ಕಡಮೆ ವರ್ಷಡೇ ನಮ ನಮ ಉಳಾಯಿದ ಸಂಬಂದೊಳು, ಸಂಬಂಧವಾಚಕ ಶಬ್ದಳು ಜನೊಕೈ ಬಾಯಿಡ್ಸ್ ಬರಂದೆ ಉಳಾಯಿ ಕುಳ್ಕೊಂಡ್, ನಾಣ, ಕ್ರಮೇಣೋ ಉಂದು ಮಾತ ನಮ್ ನೆಂಪುಡೇ ಅರಿದ್ ಪೋಪುಂಡು ಪುನೆನ್ ತೂವೊಳಿ. ನಮ ಕುಟುಂಬ ವ್ಯವಸ್ಥೆ ತುಂಡುತುಂಡಾದ್ ಪೋವೊಂದುಪ್ಪುನವು ನಕ್ಕ ಒಂಜಿ ಕಾರಣಾಂಡ, ಇತ್ತೆ ನಮ ಇಲ್ಲಡ್ ಪಾತೆರುನ ಭಾಷೆ ತುಳುತ್ತ ಬದಲ್ ಇಂಗ್ಲಿಷ್, ಕನ್ನಡ, ಹಿಂದಿ ಇಂಚಿನವು ಮಾತ್ರ ಆಯೆರೆ ಸುರುವಾಯಿನವು ಬುಕ್ಕೊಂಜಿ ಕಾರಣೆ, ಇಂಚಿನ ಈ ಸಂದರ್ಬೋಡು ನಮೊ, ತುಳುವೆರ್ ಪ್ರಾಕ್ ಲಾಗಾಯಿತ್ ಉಪಯೋಗೊ ಮತ್ತೊಂದುಪ್ಪುನ ಸಂಬಂಧವಾಚಕ ಶಬ್ದಳೆನ್ ನೆಂಪು ಮಲ್ಪುನವು ಅಗತ್ಯ ಉಂಡು. ಅಂಚಿನ ಒಂಜಿ ಎಲ್ಯ ಪ್ರಯತ್ನನೇ ಈ ಬರವುದ ರೂಪೊ. ಅಪ್ಪೆ - ಅಮ್ಮ : - ಅಪ್ಪ-ಅಮ್ಮೆ/ಅಮ್ಮೆರ್ ಪಣ್ಣುನ ಶಬ್ದಳು ಇತ್ತೆ ಒಂಜಿ ರೀತಿಡ್ ತುಳುಭಾಷೆಡೋ ಪೋವೊಂದುಂಡು, ಅಪ್ಪೆನ್ - 'ಮಮ್ಮಿ/ಅಮ್ಮಂದ್ ಲೆಂಡ 'ಅಮೆರೆನ್ - 'ಡ್ಯಾಡಿ/ ಅಪ್ಪ/ಪೊಪ್ಪಂದ್ ಲೆಪರೆ ಸುರು ಮಳಿ ಬುಕ್ಕೊ 'ಅಮ್ಮಾ'ಂದ್ ಲೆಪ್ಪುನವಾವಡ್ 'ಅಮೆರ್ಂದ್ ಪಣ್ಣನವಾವಡ್ ಭಾಷೆಡ್ ತತ್ತಿ ಪೋತ್ಂಡ್. ಈ ರಡ್ ಶಬ್ಲೊಳೆಡ್ ಒಂಜಿ ವಿಶೇಷತೆ ಉಂಡು. ತುಳುಟ್ಟು 'ಅಪ್ಪೆ' ಪಣ್ಣುನ ಶಬ್ಧ ಕನ್ನಡೊಡು 'ಅಮ್ಮಂದ್ ತುಳುಟ್ಟು ಅಮೆ ಪುನ ಶಬ್ಲೊಗು ಕನ್ನಡೊಡು 'ಅಪ್ಪಂದ್ ಪುನ ಕ್ರಮೊ. ಕನ್ನಡೊದ ಸಂಪರ್ಕೊ, ಭಾಷಾಸಂಬಂಧೂ ಹೆಚ್ಚಾವೊಂದು ಪೋಯಿಬುಕ್ಕೊ ತುಳುತ್ತ ಶಬ್ದಳೆ ಜಾಗೆಡ್ ಏತೋ ಕನ್ನಡ ಶಬ್ದಳೆನ್ ಉಪಯೋಗೊ ಮಲ್ಲೊಂದು. ಅವು ಈ ಸಂಬಂಧವಾಚಕ ಶಬ್ದಳೆ ಜಾಗೆಲ್ಲಾ ಬತ್ ಸೇರ್ಂಡ್ ಪಣ್ಣುನವು ವಿಶೇಷ. ಆಂಡ, ನನಲಾ ಮಸ್ ಪಿರ ಪೋಂಡ ಕನ್ನಡೊಡುಲಾ ತುಳುಂಚನೆ 'ಅಮ್ಮ' ಪಂಡ ಅಮ್ಮರೇ, ಕನ್ನಡೊದ ಆದಿಕಾವ್ಯ ಪುನ ಪಂಪಭಾರತೊಡು ಕೃಷ್ಣ ಕರ್ಣಡ ಪಣೆ: 'ನಿನಗಮ್ಮನಹರ್ಪತಿ' ಪಂಡ 'ನಿಕ್ಕ ಅಮ್ಮೆ ಸೂರ್ಯೆಂದ್. ಅಂಚನೆ, ಎಲ್ಯ ಜೋಕುಳೆನಾವಡ್ ಮೋಕೆಡ್ ಏರೆನಾಂಡಲಾ ಆಣ್ನ್ ಪಣ್ಣಗಲಾ 'ಇಂದಮ್ಮಂದ್ ಪನ್ಸುನ ಕ್ರಮ ಉಂಡು. ಉಂದೆನ್ ಕನ್ನಡೊಡುಲಾ ತೂವೊಳಿ, 'ಭರತೇಶವೈಭವ' ಕಾವೊಡು ಬಾಹುಬಲಿ ವೈರಾಗೈಡು ದೇಶ-ರಾಜ್ಯ ಪೂರ ಬುಡ್ಡು ಪೋಯಿನಗ ಭರತೆ ಪಣೆ ಬೇಡಮ್ಮ ನೀನುಂ ತಪೋವನಕೆ 92
