ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಸಾಧ್ಯತೆ ದಟ್ಟವಾದುಂಡು, ಈ ಹಿನ್ನೆಲೆಡ್ ತುಳು - ಕನ್ನಡ ಸಂಬಂಧನ್ ನನಲಾ ಗಟ್ಟಿ ಮನ್ನೊಡಾಯಿನ ಅನಿವಾರತದ ಬಗ್ಗೆ ತುಳುವೆರ್ ಗಂಭೀರವಾದ ಆಲೋಚನೆ ಮನ್ಸೂಡಾತ್ ಉಂಡು. ಒಟ್ಟುಡು ತುಳುಕ್ಕು ಪ್ರಾಚೀನ ಲಿಖಿತ ಸಾಹಿತ್ಯ ಪರಂಪರೆ ಉಂಡು, ಲಿಪಿ ಉಂಡು, ಲಿಪಿತ್ತ ಸೋಫ್ಟ್ವೆರ್ಲಾ ತಯಾರಾದುಂಡು. ಇತ್ತೆ ತುಳು ಬಾಕಿ ಬಾಸಕುಳೆನಂಚೆನೆ ಪೂರ ವಿಷಯೊಡ್ಲಾ ತರವೇರ್ ಉಂತ್ಂಡ್. ನನ ನಮ್ ಭಾಸೆನ್ ಸೃಜನಶೀಲ, ಸೃಜನೇತರವಾದ್ ಬಾಕಿ ಭಾಸೆಗೆ ಮಟ್ರೊಗು ಬುಳಪಾವೊಡು, ಒಟ್ಟುಗು ಮೌಖಿಕ ಸತ್ತೊಡ್ಲಾ ಒರಿಪೊಡು. ಲಿಪಿನ್ ಅಕಾಡೆಮಿಕ್ ಆದ್ ಕಲ್ಪಾವುನ, ಕಲ್ಪುನ ಅಪಾಯಕಾರೀ ವ್ಯವಸ್ಥೆನ್ ಕೈ ಬುಡೊಡು. ಆಂಡ ತಾಳೆಯೋಲೆ ಗ್ರಂಥೋಲನ ಓದುಗಾದ್ ಕೆಲವು ಆಸಕ್ತ ಲಿಪಿತ್ತ ಪರಿಜ್ಞಾನೊ ಪಡೆದುಪೊಡು. ಅಂಚೆನೆ ಪ್ರಾಚೀನ ತುಳು ಕಾವೊಲೆನ್ ನಾಡ್, ಸಂಪಾದಿಸಾತ್, ಪ್ರಕಟಮಲ್ನೋಡು. ಉಂದು ಇತ್ತೆತ ಅಗತ್ಯ. 90
