ಬೊಲ್ಲುದ ಸಾದಿಡ್... ಪ್ರೈಮರಿ ಸಾಲದ ಮೂಜಿನೇ ಕ್ಲಾಸ್ಡ್ ಯಾನ್ ಕಲ್ಲೊಂದಿಪ್ಪುನಗ ಎನ್ನ ಅಕ್ಕನನ ಕನ್ನಡ ಪಾಠದ ಬೂಕುಡು 'ಕಮಲಾದೇವಿ ಚಟ್ಟೋಪಾಧ್ಯಾಯ' ಪನ ಒಂಜಿ ಪಾಠ ಇತ್ತಂಡ್. ಆ ಪೊರ್ತುಗು ಪಾಠದ ಆ ಪುದರೇ ಎಂಕ್ ಒಂತೆ ಚೋದ್ಯ ಉಂಡು ಮಲ್ತ್ಂಡ್. ಕಮಲಾದೇವಿ ಪನ್ನಿನ ಪೊಗ್ಗುದ ಪುದರ್ದ ಒಟ್ಟಿಗೆ ಚಟ್ಟೋಪಾಧ್ಯಾಯ ಪನ್ನಿನ ಪುದರ್ ಇತ್ತನೆನ್ ಓದುನಗ ಎಂಕ್ ಒಂಜಿ ತರಾ ಸೆಕ್ಸ್ ಆವೊಂದಿತ್ತಂಡ್. ಆಂಡ 2011-12ನೇ ಸಾಲ್ ಏಳನೇ ಕ್ಲಾಸ್ ತುಳು ಪಾಡೊ ಬೂಕುಡು ಕಮಲಾದೇವಿಯರೆನ ಬಗೆಟ್ ಪಾಠ ಬರೆವೊಡು ಪನ್ನಿನ ಅವಕಾಶ ತಿಕ್ಕಿನಗ ಬೊಕ್ಕ ಆ ಸಾದಿಡ್ ಕೆಲಸ ಮಲ್ಪುನಗ ಕಮಲಾದೇವಿ ಚಟ್ಟೋಪಾಧ್ಯಾಯೆರೆನ ಒಂಜಿ ಮಲ್ಲ ಸಾಧನೆ- ಸಾರ್ಥಕ ಬದ್ಕ್ ವಿಸ್ತಾರತೆದ ಗೋಚರ ಆದಿತ್ತ್ಂಡ್. ಈ ಒಂಜಿ ಪಜ್ಜೆದ ದುಂಬರಿತ್ನ ಭಾಗವಾದ್ ತಿಕ್ಕಿನ ಅವಕಾಶದ ಫಲವಾದ್ ಮೂಡ್ ಬತ್ತಿನ ಬೂಕು ಈ 'ಕಡಲ ಕರೆತ ಕಲೆತ ಕೊಡಿ ಕಮಲಾದೇವಿ ಚಟ್ಟೋಪಾಧ್ಯಾಯ'. ತುಳು ಅಕಾಡೆಮಿ ಮತ್ತೊಂದಿಪ್ಪುನ ಒಂಜಿ ಎಡ್ಡೆ ಬೇಲೆ ಉಂದು. ನಮ್ಮ ತುಳು ನಾಡ್ ಮಾನಾದಿಗೆದ ಮಹಾಚೇತನೊಲೆನ ಬದ್ಕ್-ಸಾಧನೆಲೆನ್ ನಾಡೊರ್ಮೆ ಪ್ರಚಾರ ಮಲ್ತ್ ಕೊರಿನಂಚಿನ ಅಕಾಡೆಮಿದ ಈ ಯೋಜನೆ ಮಾನಾದಿಗೆಗ್ ಯೋಗ್ಯಾವಾಯಿನವು. ಕನ್ನಡ ಸಾಹಿತ್ಯ ಲೋಕೊಗು ಪಜ್ಜ ದೀವೊಂದಿತ್ತಿನ ಎಂಕ್ ತುಳು ಸಾಹಿತ್ಯ ಕ್ಷೇತ್ರದ ಪೊಲಬು ಮಲ್ತ್ದ್, ಎನ್ನ ಬರವಣಿಗೆದ ಮಿತ್ತೆ ಇಸ್ವಾಸ ದೀದ್ ಅರ್ತಿ-ಶ್ರದ್ಧೆಡ್ ಈ ಬೂಕುನು ಬರೆಯೆರೆ ಕಾರಣೆರಾಯಿನ ತುಳು ಅಕಾಡೆಮಿದ ಮಾನಾದಿಗೆದ ಗುರ್ಕಾರ್ ಆಯಿನ ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾರೆಗ್ ಎನ್ನ ಉಡಲ್ ದಿಂಜಿನ ಸೊಲು. ಬದ್ಕ್ ಸಾದಿಡ್ ಎಂಕ್ ಏಪೊಲಾ ಎಡ್ಡೆ ಮದಿಪು ಕೊಬ್ಬಿನ ಪ್ರೀತಿದ ಗುರುಕುಲಾಯಿನ ಡಾ. ಎಚ್. ಕುಮಾರಸ್ವಾಮಿ ಮೈಸೂರು ಇಂಬೆರೆನ ಮದಿಪುದ ಪಾತೆರೊಗು..... ಅವಕಾಶೂಲೆನ ಸಾದಿಡ್ ಉಂತಾದ್ ದುಂಬು ಪೋಲೆ ಪಂಡ್ದ್ ಬೆರಿ ಬೊಟ್ಟುದು ಎಡ್ಡೆ ಮನಸ್ಸಡ್ ಆಸೀರ್ವಾದ ಮಲಿನ ಶ್ರೀ ರಮೇಶ್ ಉಳಯ ಇಂಬೆರೆನ ಪ್ರೀತಿಗ್.. ಎನ್ನ ಪ್ರತಿಯೊಂಜಿ ಕಾರ್ಯೊಲೆನ್ಲಾ ಕಣ್-ಕೆಬಿ ಬುಡ್ಡು ತೂದ್-ಕೇಟ್ಸ್ ತತ್ತಿನಲ್ಪ ಮಾರ್ಗದರ್ಶನ ಕೊರಿನ ರಂಗಕರ್ಮಿ ಐ.ಕೆ. ಬೊಳುವಾರ್ರೆನ ಇಸ್ವಾಸೊಗು.... ಹಿರಿಯೆರಾಯಿನ ಹಾರಾಡಿ ಸಾಲೆದ ಕೆ. ಕುಮಾರ್ ಬೊಕ್ಕ ಮಾತಾ ಶಿಕ್ಷಕೆರೆನ ಆತ್ಮೀಯೆ.... ಪುಸ್ತಕ ಬರೆಪಿನಲ್ಪ ಬೆರಿಸಾಯ ಆಯಿನ ಪ್ರೀತಿದ ಶೇಷಗಿರಿ ಪೂಂಜಾವು ಇಂಬೆರೆನ ಸಾಯೊದ ಪ್ರೀತಿಗ್... ಇಲ್ಲಲ್ನ ಮೋಕೆಗ್... ಆತ್ಮೀಯರೆನ ಕೂಟೊಗು... ತುಳು ಅಕಾಡೆಮಿದ ರಿಜಿಸ್ಟ್ರಾರ್ ಶ್ರೀ ಬಿ. ಚಂದ್ರಹಾಸ ರೈ ಇಂಬೆರೆನ ಇಸ್ವಾಸೊಗು... ಪೊಗ್ಗುಡು ಅಚ್ಚಿಮಲ್ಲಿನ ಆಕೃತಿ ಪ್ರಿಂಟ್ಸ್ದ ಶ್ರೀ ಕಲ್ಲೂರು ನಾಗೇಶ್ ಇಂಬೆರೆನ ಶ್ರದ್ಧೆಗ್ ಸೋಲೊಯ್ ಸೊಳ್ಳೆ ಸಂದಾವೊಂದುಲ್ಲೆ ಪ್ರಶಾಂತ್ ಅನಂತಾಡಿ vi
