ಸ್ವಾತಂತ್ರ್ಯ ಹೋರಾಟೊಗಾದ್ ಬೆಂದಿನಕುಲೆನ ಸಂಖ್ಯೆ ತುಳುನಾಡ್ ದಾಲ ಕಮ್ಮಿ ಇಜ್ಜಿ. ಎನ್.ಎಸ್. ಕಿಲ್ಲೆರ್, ಪಣಿಯಾಡಿ, ಕಾರ್ನಾಡ್ ಸದಾಶಿವ ರಾಯರ್, ಶೀನಪ್ಪ ಹೆಗ್ಡೆ - ಇಂಚ ದಿಂಜ ಜನ ಆಂಜೆನಕುಲು ಪೊಂಬಾಟ ಮದರ್, ಜೈಲ್ ಸೇ ಕಷ್ಣದ ಅನುಭವ ಪಡೆವೊಂದು ಬತ್ತದೆರ್. ಆಂಡ ತುಳುನಾಡ ಪೊಂಜೆನಕುಲು ಸ್ವಾತಂತ್ರ್ಯ ಹೋರಾಟೊದ ಕಳಕ್ಕೆ ಜನ್ಮದ್ ಬೆಂದಿನಕುಲು ಕಮ್ಮಿ, ಹೋರಾಟೊದ ಕತೆ ಪನ್ನಗ ನಮೊ ಪೋರ್ಚುಗೀಸೆರೆನ ಎದುರುಂತಿನ ವೀರರಾಣಿ ಅಬ್ಬಕ್ಕನ ನೆಂಪು ಮಲ್ಲೊನುವ ಬ್ರಿಟಿಷೆರೆನ ಎದುರುಂತಿನ, ಎದುಂತುದು ಪೊಂಬಾಟ ಮಲ್ಲಿನ ಒಂಜೇ ಒಂಜಿ ಪೊಂಜೊವು ಪಂಡ ತುಳುನಾಡ ಕುಡಲಡ್ ಪುಟ್ಟುಬಲತಿನ ಕಮಲಾದೇವಿ. ಆರೆನ್ ಬುಡುಂಡ ನಂಕೇರಲಾ ನೆಂಪು ಬರ್ಪುಜಿ. ಕ ಕಮಲಾದೇವಿನ ಅಪ್ಪ-ಅಮ್ಮ ಸಿರಿವಂತೆ. ಬೋಡಿತ್ತಿನಾತ್ ಆಸ್ತಿ-ಬದ್ ಇತ್ತಿನಕುಲು. ಅಂಚನೆ ವಿದ್ಯಾವಂತೆ, ಸುಕೊತ ಪಾಸ್ಡ್ ಬುಳವೊಂದಿತ್ತಿನ ಕಮಲಾದೇವಿಗ್ ಎಲೈ ಉಪುನಗನೇ ಸಂಪೊತ್ತುದ ಬಗೆಟ್ ಅಬುಲಾಸೆ ಇಜ್ಯಾಂಡ್, ದೇಶದ ಬಗೆಟ್ ಭಕ್ತಿ, ಅಬಿಮಾನೊ ಇತ್ತ್ಂಡ್, ಎಲ್ಯ ಉಪ್ಪುನಗನೇ ಆರ್ ಯಾನ್ಹಾ ಸ್ವಾತಂತ್ರ್ಯ ಹೋರಾಟೊಡು ಪಾಲ್ ಪಡೆವೊಲ್ಯಾಂಡ್ ಕುಡಲಗ್ ಬತ್ತಿನ ಗಾಂಧಿಯೆರಡನೇ ಕೇಂಡ್ ದಿತ್ತೆರ್. ಅಪಗ ಆರೆಗ್ 14 ವರ್ಸೊ ಪ್ರಾಯೊ, ಜೊಕ್ಲಾಟಿಗೆದ ಪೊರ್ತು. ದುಂಬುದ ಕಾಲೊಡು ಎಲ್ಯ ಪ್ರಾಯೊದ ಜೋಕೆಗೆ ಮದಿಮೆ ಆವೊಂದಿತ್ತ್ಂಡ್. ಕಮಲಾದೇವಿಗ್ಲಾ ಎಲ್ಯ ಪ್ರಾಯೊಡೇ ಮತ್ತೆ ಆದ್ ಕಂಡನಿ ತೀರ್ದ್ ಪೋದಿತ್ತೆರ್. ಕಮಲಾದೇವಿ ಕುಡ್ಲಡ್ ಕಾಯಿ ಬೊಕ್ಕ ಮದ್ರಾಸ್ಡ್ ಕಾಲೇಜಿಗ್ ಸೇರ್. ಅಲ್ಪ ಆರೆಗ್ ಸರೋಜಿನಿ ನಾಯ್ಡುನ ಪೊಲಬಾಂಡ್. ಆರೆ ಒಟ್ಟುಗೆ ಸ್ವಾತಂತ್ರ್ಯ ಹೋರಾಟೊದ ಕಳಕ್ ಜತ್ತೆರ್. ಆರೆಗ್ ಸರೋಜಿನಿ ನಾಯ್ಡುನ ಮಧ್ಯೆ ಹರೀಂದ್ರನಾಥ ಚಟ್ಟೋಪಾಧ್ಯಾಯರನೊಟ್ಟುಗೆ ಮದಿಮೆ ಆದ್ ಕಮಲಾದೇವಿ ಚಟ್ಟೋಪಾಧ್ಯಾಯರಾಯೆರ್. ಕಮಲಾದೇವಿನ ಬದ್ನ್ ಆರ್ ನಡಪಯಿನ ಕಜ್ಜ ಕಾರ್ಯೊಲೆನ ಬಗೆಟ್ ರ ದಿಟ್ಟಿಡ್ ತೂವೊಲಿ. ಒಂಜಿ ಆರೆನ ಸ್ವಾತಂತ್ರ್ಯ ಹೋರಾಟ, ರಡ್ಡನೆದ ಆರೆನ ಕಲಾ ಸೇವೆ. ಚಟ್ಟೋಪಾಧ್ಯಾಯೆಲ್ಲಾ ಕಲೆತ ಮಿತ್ತೆ ದಿಂಜ ಆಸಕ್ತಿ ಇತ್ತಿನಾರ್, ಇಂಚ ಕಂಡನಿ-ಬುಡೆದಿ ರಡ್ಡ ಜನೊಲಾ ಸೇರೊಂದು ದೇಶ-ಪರದೇಶೆಲೆಗ್ ಪೋದು ಬತ್ತೆರ್. ಅಲ್ಪದ ಕಲೆ ಸಂಸ್ಕೃತಿನ್ ತೆರಿಯೊಂಡೆ. ನಮ್ಮ ದೇಶದ ಕಲೆಕುಲೆನ್ ಒರಿಪಾಯರೆ ಕಲಾವಿದೆರೆಗ್ ಬೆರಿಸಾಯೊ ಕೊರರೆ ಪ್ರಯತ್ನ ಮಲ್ಲೆರ್. ಕಮಲಾದೇವಿ ಪುಟ್ಟಿನ ಊರು ಬುಡೈರ್ಂಡ್ಾ ಪುಟ್ಟಿ ಊರ ಕಲೆನ್ ಮದತ್ಜೆ, ತುಳುನಾಡ್ಡೇ ಪುಟ್ಟಿನ ಮಹಾನಾಟಕ ನಿರ್ದೇಶಕರಾಯಿನ ಬಿ.ವಿ. ಕಾರಂತೆರೆಡ ತುಳುನಾಡ್ಡ ಭೂತಾರಾಧನೆದ ಬಗೆಟ್ ಒಂಜಿ ಸಾಕ್ಷ್ಯಚಿತ್ರ ಮಲ್ಲಾದ್ ಪಡೆಯೊಂಡೆರ್ಗೆ, ಈ ಆರಾಧನೆದ ಸಂಸ್ಕೃತಿನ್ ದೇಶದ ಬಾಕಿ ಭಾಗೊಲೆಗ್ ಪ್ರಸರಣ iv
