ಒವ್ವಾಂಡಲಾ ಒಂಜಿ ಮರ್ಗಿಲ್ಡ್ ತುಳುಬಾಸೆ ಸಂಸ್ಕೃತಿ, ತುಳು ಸಂಪೊತ್ತುದ ಬುಳೆಚಿಲ್ಗಾದ್ ಅಕುಲೆ ಸೇವೆ ಸಂದ್ ದಿಂಡ ಅಂಚಿನ ಪುಣ್ಯಾತ್ಮರನ ಬದ್, ಸಾಧನೆಲೆನ್ ನೆಂಪುಡು ಒರಿತೊನುನವು ನಮ್ಮ ಧರ್ಮೊ, ಈ ನಿಲೆಟ್ ಕರಿದ್ ಪೋಯಿನಕುಲೆನ ಪುದರ್ಡ್ ಅಕಾಡೆಮಿ ಬೂಕುಲೆನ್ ಬರೆಪಾದ್ ಮದರಾವಂದಿ ತುಳುವೆರ್ ಪನ್ನಿ ಗ್ರಂತ ಮಾಲೆಡ್ ಬೊಳುಗು ಕನವೊಂದುಂಡು. لت ಹೋರಾಟೊದ ಕತೆ ಪನ್ನಗ ನಮೊ ಪೋರ್ಚುಗೀಸೆರೆನ ಎದುರುಂತಿನ ವೀರರಾಣಿ ಅಬ್ಬಕ್ಕನ ನೆಂಪು ಮಲ್ಲೊನುವ, ಬ್ರಿಟಿಷೆರೆನ ಎದುರುಂತಿನ, ಎದ್ರುಂತುದು ಪೊಂಬಾಟ ಮಲ್ಲಿನ ಒಂಜೇ ಒಂಜಿ ಪೊಂಜೊವು ಪಂಡ ತುಳುನಾಡ ಕುಡಲಡ್ ಪುಟ್ಟುಬಲತಿನ ಕಮಲಾದೇವಿ. 3 ಕಮಲಾದೇವಿನ ಬದ್ನ್ ಆರ್ ನಡಪಯಿನ ಕಜ್ಜ ಕಾರ್ಯೊಲೆನ ಬಗೆಟ್ ರಡ್ಜ್ ದಿಟ್ಟಿಡ್ ತೂವೊಲಿ. ಒಂಜಿ ಆರೆನ ಸ್ವಾತಂತ್ರ್ಯ ಹೋರಾಟ. ರಡ್ಡನೆದ ಆರೆನ ಕಲಾ ಸೇವೆ. ಚಟ್ಟೋಪಾಧ್ಯಾಯೆಲ್ಲಾ ಕಲೆತ ಮಿತ್ ದಿಂಜ ಆಸಕ್ತಿ ಇತ್ತಿನಾರ್, ಇಂಚ ಕಂಡನಿ-ಬುಡೆದಿ ರಡ್ ಜನೊಲಾ ಸೇರೊಂದು ದೇಶೂ-ಪರದೇಶೂಲೆಗ್ ಪೋದು ಬತ್ತೆರ್. B ಪ್ರಶಾಂತ್ ಅನಂತಾಡಿ ಕಸುಬುಡು ಪ್ರಾಥಮಿಕ ಸಾಲೆದ ಗುರುಕುಲು, ಸಾಹಿತ್ಯಡು ದಿಂಜ ಆಸಕ್ತಿ ಇತ್ತಿನಾರ್, ತುಳು ಬಾಸೆದ ಬಗೆಟ್ ದಿಂಜ ತೆರಿಯೊನ್ನಾರ್, ತುಳು ಪಠ್ಯಪುಸ್ತಕ ರಚನಾ ಸಮಿತಿಡ್ತಾ ಸದಸ್ಯೆ ಆರ್ ಬೆಂದಿನಾರ್, ಉಂದು ಆರೆನ ಸುರುತ ತುಳು ಕೃತಿ. ಪೊರ್ಲುದ ಬಾಸೆಡ್ ಮಾತೆರೆಗ್ಲಾ ಅರ್ತೊ ಆಪಿನಂಚನೆ ಕಮಲಾದೇವಿನ ಕತೆನ್ ಈ ಬೂಕುಡು ಬರೆತೆ, ಆರೆಗ್ ಪುಗರ್ತೆದ ಮದಿಪುಲು. ಡಾ. ಪಾಲ್ತಾಡಿ ರಾಮಕೃಷ್ಣ ಆಚಾರ್ (ಗುರ್ಕಾರೆ ಪಾತೆರೊದ ತಿರ್ಲ್)
