ಪರಿಷತ್ಗ್ ಸಮ್ಮಂದ ಪಟ್ಟಿದ್ ಉಪ್ಪುನ ಹಾಸ್ಟೆಲ್ಗ್ ಆರೆನ ಪುದರ್ನೇ ಸರ್ಕಾರ ಕಮಲಾದೇವಿ : ಅಪ್ಪ ಮಣ್ಣಿದ ಅಭಿಮಾನೊದ ಪ್ರತೀಕ ರಂಗನಟಿಯಾದ್ ಕಮಲಾದೇವಿ ಬುಳೆಯಿನಲ್ಪ ಆರೆಗ್ ಎಲ್ಯ ಪ್ರಾಯೊಡು ಆರ್ ಪುಟ್ಟಿನ ತುಳುನಾಡ್ದ ಪರಿಸರೊಡು ತಿಕ್ಕಿನ ಅನುಭವೊಲು, ಆ ಮಣ್ಣದ ನಂಬಿಕೆ, ಸಂಸ್ಕೃತಿಲೇ ಕಾರಣ. ತುಳುನಾಡ್ದ ಭೂತಾರಾಧನೆ, ಯಕ್ಷಗಾನ, ನಾಗಮಂಡಲ ಇಂಚಿತ್ತಿ ನಂಬೊಲಿಗೆದ ಕಲೆ, ವೈಭವೊಲು ದುಂಬುಗು ಆರೆನ ರಂಗಪ್ರಯೋಗೊಲೆನ ಹಿನ್ನೆಲೆಗ್ ಮಸ್ತ್ ಪ್ರೇರಕ ಶಕ್ತಿಲಾದ್ ಬೆರಿಸಾಯ ಆಯ. ಎಲ್ಯ ಪ್ರಾಯೊಡು ಭೂತಕಟ್ಟುನ ಪಾತ್ರಿ ಪಾಡುನ ಆರ್ದಳದ ವರ್ಣ ವೈವಿಧ್ಯಲು, ಆಯೆ ಮೋನೆಗ್ ಒಯಿಪುನ ಗೆರೆ, ವರ್ಣೋದ ಅಬ್ಬರ, ಯಕ್ಷಗಾನ ವೇಷಧಾರಿಲು ಕಟ್ಟುನ ದುರೈತ, ಕುಂಟು, ಕಿರೀಟೊಲೆನ ಒಡ್ಡಾರೆ, ನಲಿಕೆ ಉಂದು ಮಾತ ಆರೆನ ರಂಗಪ್ರಯೋಗೊಲೆಗ್ ಮಸ್ತ್ ಇಂಬು ಕೊಯ್ಯ. ಕಮಲಾದೇವಿ ಒರ್ತಿ ರಾಷ್ಟ್ರೀಯ ನಾಯಕಿಯಾದ್, ರಂಗಕರ್ಮಿಯಾದ್ ಬುಳೆಯಿನಾ ಆಂಡಲಾ ಆರೆಗ್ ತುಳುನಾಡ್ ಬೊಕ್ಕ ಕನ್ನಡ ಭಾಸೆದ ಮಿತ್ತ ಪ್ರೀತಿ ಕಮ್ಮಿಯಾದಿಜ್ಜಂಡ್. ರಂಗಭೀಷ್ಮೆಂದೇ ಪುದರ್ ಪಡೆಯಿನ ಬಿ.ವಿ. ಕಾರಂತೆರೆನ ಸಹಕಾರೊಡು ತುಳುನಾಡ್ ಭೂತಾರಾಧನೆದ ಬಗೆಟ್ ಒಂಜಿ ನುಡಿಚಿತ್ರನು ಚಿತ್ರೀಕರಣ ಮಲ್ಡ್ ಅವೆನ್ ಪರದೇಸೊದ ಬೇತೆ ಬೇತೆ ತೂಪರಿಕೆದ ಅವಕಾಶೆಲೆಡ್ ಪ್ರದರ್ಶನ ಮಲ್ತ ಭೂತಾರಾಧನೆಗ್ ಜಾಗತಿಕವಾಯಿನ ಮಾನಾದಿಗೆ ತಿಕ್ಕುಲೆಕ ಕಮಲಾದೇವಿ ಕೆಲಸ ಮಲ್ಲೆರ್. ರಂಗ ಚಟುವಟಿಕೆಲೆನ ಕಾರ್ಯೊಡು ಆರ್ ದಿಲ್ಲಿಡೇ ಕೆಲಸ ಮಲ್ಲೊಂದುಪ್ಪುನಗಲಾ ನಮ್ಮ ಊರುದ ಕಲಾವಿದೆರ್ನ ಪರಿಚಯ ಆಂಡ ಅಕ್ಸ್ನ ಕೈತಡೆ ಪೋದು ಅಕೆಡ ಪಾತೆರುನ ಬೊಕ್ಕ ಅಕೆಗೆ ನನಲಾತ್ ಉಮೇದ್ ಕೊರುನ ಎಡ್ಡೆಂತಿ ಗುಣ ಕಮಲಾದೇವಿಯೆರಡ ಇತ್ತಂಡ್. ಆರೆನ ಈ ಒಂಜಿ ಗುಣಕ್ಕು ಸಮ್ಮಂದಪರ್ಟ್ಸ್ ನಡತಿನ ಘಟನೆ ಒಂಜಿ ಇಂಚ ಉಂಡು. ಮದರಾವಂದಿನ ಒಂಜಿ ಅನುಭವ : ಐ.ಕೆ. ಬೊಳುವಾರು ಅವು 1983ನೇ ಇಸ್ವಿದ ಪೊರ್ತು, ಮಧ್ಯಪ್ರದೇಶ ರಾಜ್ಯದ ಭೋಪಾಲಡುಪ್ಪಿನ ರಂಗಮಂಡಲೊಡು ರಾಷ್ಟ್ರೀಯ ಬೀದಿನಾಟಕ ಮೇಳ ಆಯೋಜನೆ ಆದಿತ್ತಂಡ್. ಬೀದಿ ನಾಟಕೊದ ಬಗೆಟ್ ಆಯಿನ ಸುರೂತ ರಾಷ್ಟ್ರೀಯ ಕಾರ್ಯಕ್ರಮ ಅವು ಕರ್ನಾಟಕ ರಾಜ್ಯದ ಪರವಾದ್ ಪುತ್ತೂರ ಎಂಕೆನ ಕೂಟೊಗು ಅವೆಟ್ ಪಾಲ್ ಪಡೆವುನ ಅವಕಾಶ ತಿಕ್ಕಿದಿತ್ತಂಡ್. ಎಂಕ್ಲ 'ಬೇನೆ' ಬೊಕ್ಕ 'ಬಡಪಾಯಿ ಮಾದಪ್ಪ ಪನ್ನಿನ ರಡ್ಡೆ ಬೀದಿ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 21
