" ಬೊಲ್ಲು ಸೀರೆ ತುತ್ತುದು, ಮುಂಡೊಡು ಕುಂಕುಮದಾಂತೆ, ತರೆಕ್ ಪೂದಾಂತೆ ಉಪ್ಪುನೆನ್ ತೂದ್ ಕಮಲಾದೇವಿ ಅಂಚಿನ ಪೊಂಜನಕ್ಸ್ನ ಕೈತಡೆ ಪೋದು "ನಿಕುಲು ವರ್ಣೋದ ಸೀರೆ, ಕುಂಕುಮ, ಪೂ, ಉಂದೆನ್ ಮಾತಾ ಏಪೊಡ್ಡು ಬೊಕ್ಕ ಪಾಡೈರೆ ಸುರು ಮಲ್ತನೆ?” ಪಂಡ್ದ್ ಕೇನೊಂದಿತ್ತೆರ್. ಆರೆನ ಸವಾಲ್ಗ್ ಪೊಂಜನಕುಲು ಸಾಜವಾದ್ ಎಲ್ಯ ಪ್ರಾಯೊಡೇ ಪಾಡೊಂದಿತ್ತ' ಪಂಡ್ದ್ ಪನ್ನೆದರ್. “ಅಪಗಾಂಡ ಮದಿಮೆ ಆಯಿಬೊಕ್ಕ ಬೇತೆ ಎಂಚಿನ ಪಾಡೆರೆ ಸುರು ಮಲ್ತರ್? ಕಮಲಾದೇವಿ ಕುಡ ಸವಾಲ್ ಪಾಡೊಂದಿತ್ತೆರ್. ಆ ಪೊಂಜನಕುಲು ಕರಿಮಣಿ ಮಾತ್ರ' ಎಂದ್ದ್ ಜವಾಬ್ ಕೊರೊಂದಿತ್ತೆರ್, ಆತಾನಗ ಕಮಲಾದೇವಿಯ “ಅಂಚಾಂಡ ನಿಕುಲು ಇತ್ತೆ ಕರಿಮಣಿ ಮಾತ್ರ ದಂಡ ಯಾವು. ಒರಿದಿನವು ಪೂರಾ ಅಂಚೆನೇ ಉಪ್ಪಡ್, ಕಂಡನಿ ಇಪ್ಪಡ್ - ಇಜ್ಜಂದಿಪ್ಪಡ್, ಜವ್ವಂತಿಯಾದಿಪ್ಪಡ್ ಅಂಡ ಪ್ರಾಯ ಆದಿಪ್ಪಡ್ ನಮ ಪೊಂಜನಕುಲಾಯಿನೇಡಾವರ ಪೂ ದೀಯೆರೆ, ಕುಂಕುಮ ಪಾಡ್ಯರೆ, ಎಡ್ಡೆ ಸೀರೆ ತುತ್ಯರ ಯೋಗ್ಯತೆ ಇತ್ತಿನಕುಲು' ಪಂಡ್ದ್ ಅಕ್ಸೆಗ್ ಸಮಾಧಾನ ಪಂಡೊಂದಿತ್ತೆರ್. ಆ ಕಾಲೊಡು ಈ ಪಾತೆರ ಪಾತೆರೊಡಾಂಡ ಮಸ್ತ್ ತಂಕ ಬೋಡಿತ್ತ್ಂಡ್. ಕಮಲಾದೇವಿ ಅಖಿಲ ಭಾರತ ಮಹಿಳಾ ಪರಿಷತ್ ಜಬದಾರಿಕೆದ ಕಾರ್ಯಂತ್ರರಾದ್, ಮೂಜಿ ಸರ್ತಿ ಒತ್ತು ಗುರ್ಕಾರಾವ್, ಆಯಿಡ್ಸ್ ಬೊಕ್ಕ ಗುರ್ಕಾರಾದ್ ಕೆಲಸ ಮಲ್ತನಾರ್, ಈ ಸಂಘಟನೆಡ್ಡಾವೆರ ಆರೆಗ್ ಪೊಂಜನಕ್ಸ್ನ ಸ್ಥಿತಿ ಸುಧಾರಣೆಗ್ ಎಡ್ಡೆ ಅವಕಾಶೆ ತಿಕ್ಕಿಲೆಕ ಆದಿತ್ತಂಡ್. ಪೊಂಜಕ್ಲನ ಸ್ಥಿತಿ-ಗತಿ ಎಡ್ಡೆಪ್ಪುಗಾದ್ ಕಮಲಾದೇವಿ ಮಲ್ಲಿನ ಕೆಲಸ ಕಾಬ್ಯೂಲೆನ್ ರಡ್ಜ್ ನಮೂನೆಡ್ ತೂವರೆ ಸಾಧ್ಯ ಉಂಡು. ಒಂಜಿನದಾದ್ ಪೊಂಜನಕ್ಕೆಗ್ ಕಾನೂನುದ ಮುಕಾಂತ್ರ ಅಕ್ಸೆಗ್ ತಿಕ್ಕೊಡಾಯಿನ ಸವಲತ್ತುಲೆನ್ ಕೊಲ್ದಾವುನ ಬಗೆಟ್ ಆರ್ ಮಲ್ಲಿನ ಹೋರಾಟ. ರಡ್ಡನೆದಾದ್ ಪೊಂಜನಕ್ಸ್ನ ಕುರಿತಾ. ಈ ಸಮಾಜ ಬೊಕ್ಕ ಜನೊಕ್ತಡ ಉಪ್ಪುನ ಅಭಿಪ್ರಾಯೊನು ಬದಲ್ ಮಲ್ಪೆರೆ ಮಂಚಿ ಪ್ರಯೊತ್ನಲು, ಪ್ರಾಯೊಗು ಬರಂದಿನ ಪೊಣ್ಣು ಜೊಕ್ತನ ಮದಿಮೆನ್ ಉಂತಾಯೆರೆ ಬೋಡಾದ್, ವಿಧವೆಯೆರಾದಿತ್ತಿನ ಪೊಂಜನಕುಲು ಅಕೆನ ಕಾರ್ದ ಮತ್ತೇ ಉಂತುದು ಬದುಕುನ ಸೌಲಭ್ಯನು ಪಡೆವೊರೆಗಾದ್ ಮಸ್ತ್ ಪುಣೆಯೆರ್. ಮಧುರೆದ ಜವುಳಿದ ಫ್ಯಾಕ್ಟರಿ ಬೊಕ್ಕ ಕುಡ್ಲದ ಬೀಜದ ಕಾರ್ಖಾನೆಲೆಡ್ ಕೆಲಸ ಮತ್ತೊಂದಿತ್ತಿನ ಪೊಂಜನಕ್ಷೆಗೆ ಅವುಲು ಸರಿಕಟ್ಟಾಯಿನ ವ್ಯವಸ್ಥೆಲ್ ಇಜ್ಜಾಂಡ್, ಉಂದೆನ್ ತೆರಿನ ಕಮಲಾದೇವಿ ಆ ಕಾರ್ಖಾನೆಲೆಗ್ ಪೊಗ್ಗುದು ಪೊಂಜನಕ್ಸೆಗ್ ಸರಿಯಾಯಿನ ವ್ಯವಸ್ಥೆಲೆನ್ ಮಲ್ತ್ ಕೊರಿಲೆಕ ಹೋರಾಟ ಮಲ್ಲೆರ್, ಗಣಿ ಪ್ರದೇಶೆಲೆಡ್ ಕೆಲಸ ಮಲ್ಟಿನ ಪೊಂಜನಕನ ಆರೋಗ್ಯ- ಆರೈಕೆನ್ ತೂಪಿಲೆಕ ಅಲ್ಪದ ಜಬದಾರಿ ವಹಿಸೊನ್ನಕೆಗೆ ತಿಳಿವಳಿಕೆ ಕೊರೈರ ಪ್ರಯತ್ನ ಮಲ್ಲೆರ್. ಇನಿ ಕಮಲಾದೇವಿ ನಮ್ಮ ಒಟ್ಟಿಗೆ ಇಜ್ಜೆರ್. ಆಂಡ ಪೊಂಜನಕ್ಲನ ಸ್ಥಿತಿಗತಿ ಸುಧಾರಣೆಗ್ ಆರ್ ಮಲ್ಲಿನ ಹೋರಾಟ ಸಾಧನೆಲೆನ ನೆಂಪುಗಾದ್ ದಿಲ್ಲಿದ್ದ ಮಹಿಳಾ ಕಮಲಾದೇವಿ ಚಟ್ಟೋಪಾಧ್ಯಾಯೆರ್ / 20
